• 50,000 դոլար արժողությամբ Rolex և շվեյցարական դասականը. Ի՞նչ են կրում Խաչատուր Սուքիասյանը և հայկական քաղաքական էլիտան իրենց դաստակներին

  Քաղաքական գործչի արտաքինը միշտ մանրակրկիտ ուսումնասիրվում է, ոչ միայն տեսողական, այլև ֆինանսական առումով: Ժամացույցը ամենաակնառու մանրուքներից մեկն է․․․

• Ադամանդներ, գունավոր քարեր և ոսկի. Patek Philippe-ը վերաիմաստավորում է կանացի դասականը

  Patek Philippe-ի վեց նոր Gondolo Ladies First մոդելները պատմական դիզայնի, Art Deco ոճի գեղագիտության և բարձրակարգ զարդերի համադրություն են…

• Casio-ն ներկայացրել է երբևէ արտադրված ամենաթանկ G-Shock-ը՝ 80,000 դոլար արժողությամբ շափյուղայով ժամացույց

  Casio-ն թողարկել է ամենաթանկ G-Shock-ը՝ MRGD5000 Blue Sapphire-ը, որի գինը 80,000 դոլար է։ Գինը համեմատելի է Rolex Pearlmaster 86348-ի կամ BMW M2-ի հետ․․․

• Audemars Piguet-ը ներկայացրել է Սերենա Ուիլյամսի ժամացույցը. 500 օրինակ՝ սպիտակ կերամիկայից  

  Audemars Piguet-ը ներկայացրել է սահմանափակ քանակությամբ թողարկված Royal Oak Selfwinding Chronograph «Serena Williams»-ը՝ նշելով շվեյցարական ժամագործի լեգենդար թենիսիստուհու, ձեռնարկատիրոջ և պրոդյուսերի հետ համագործակցության տասնամյակը...

• Rolex՝ 72,800 դոլարով. Պլատին, Լուսնի փուլ և ամիսները հաշվող օրացույց  

  Rolex-ը ներկայացրել է Perpetual Padellone-ը՝ նոր մոդել, որի գինը $72,800-ից ցածր է, ոգեշնչված լեգենդար Reference 8171 ժամացույցից, որը հավաքորդների կողմից անվանվել է «Padellone» 1940-ականների վերջին և 1950-ականներին: Այս նոր մոդելը ժամանակակից Perpetual հավաքածուի նշանակալի լրացումն է...

• Jacob & Co.-ն ներկայացրել է 693,000 դոլարանոց ադամանդե ժամացույց. Արլեքինոյից ոգեշնչված զարդերի գլուխգործոց  

  Jacob & Co.-ն ներկայացրել է Brilliant Flying Tourbillon Baguette Pastel Arlequino-ն՝ եզակի, եզակի ժամացույց, որը համատեղում է բարձր ժամագործության նվաճումները զարդերի դիզայնի շքեղության հետ...

• Rolex-ը 5 միլիոն դոլարով. Չորս եղանակներից ոգեշնչված չորս յուրօրինակ Daytona ժամացույցներ կվաճառվեն բարեգործական նպատակներով  

  Rolex-ը պաշտոնապես աճուրդի կհանի չորս յուրօրինակ Cosmograph Daytona քրոնոգրաֆներ, որոնք ոգեշնչված են չորս եղանակներից: Այս եզակի ժամացույցների հավաքածուն կվաճառվի լոնդոնյան Phillips աճուրդի տանը, իսկ ստացված գումարը կփոխանցվի Ռոջեր Ֆեդերերի հիմնադրամին և Re բնապահպանական կազմակերպությանը, որը համահիմնադրել է Լեոնարդո Դի Կապրիոն...

• Փոքր Rolex-ները մեծ գումարներ են բերում. Ինչու են կանացի ժամացույցները ռեկորդներ սահմանում երկրորդային շուկայում  

  Մասնագետները այս միտումը կապում են կին հավաքորդների կողմից ժամացույցներ գնելու աճող թվի, ինչպես նաև ունիսեքս չափսերի անցման հետ...

Շվեյցարական Urwerk անկախ ժամագործական բրենդը երբեք չի շարժվել ժամագործական արվեստի ավանդական կանոններով։ Այս անգամ ընկերությունը վերաիմաստավորել է իր ամենահավակնոտ գաղափարներից մեկը՝ ներկայացնելով UR-1001 Amadeus գրպանի ժամացույցի եզակի և բացառիկ նմուշը, գրում է Forbes-ը։

Հիմնվելով հատուկ նախագծերի շարքի «Zeit Device» հայեցակարգի վրա՝ նորույթն ընդլայնում է ժամանակի ցուցադրման սովորական սահմանները․ սարքը հաշվում է ոչ միայն վայրկյանները, րոպեներն ու ժամերը, այլև տարիները, դարերն ու նույնիսկ ամբողջական հազարամյակը։ Ընդ որում, այս ողջ տիեզերական մեխանիկան ամփոփված է տիտանե հզոր կորպուսում՝ զարդարված բարոկկո ոճի շքեղ ձեռագործ փորագրությամբ, որն այնպիսի տեսք ունի, կարծես ժամանել է բոլորովին այլ դարաշրջանից։

Ժամանակի ճարտարապետությունը. վայրկյաններից մինչև հազարամյակ

Ժամացույցի դիմային երեսն ապշեցնում է ցուցիչների բարդությամբ․

• Արբանյակային ժամացույց․ «Ժամը 6-ի» հատվածում տեղադրված «թռչող» արբանյակը ցույց է տալիս ժամերը և տարածության մեջ սավառնելու տպավորություն ստեղծում։
• Տարեկան օրացույց․ «Ժամը 12-ի» հատվածում գտնվում է երեք ուղեծրային լծակներից բաղկացած համակարգը, որը պարբերաբար փոխում է ամիսներն ու ամսաթվերը՝ հաշվի առնելով ամիսների տևողության տարբերությունը (28, 30 կամ 31 օր)։
• Լրացուցիչ․ Ցուցատախտակի վրա տեղադրված են նաև ձեռքով նկարազարդված «ցերեկ/գիշեր» ցուցիչը և 39 ժամվա ընթացքի պաշարի ցուցիչը։

Եթե շրջենք 106 x 62 մմ չափսերով այս հզոր ժամացույցը, մեր առջև կբացվի բոլորովին այլ մասշտաբի հետահայաց ակնարկ։ Ետևի կափարիչին, յուղման անհրաժեշտության մասին հիշեցնող ֆիրմային հինգամյա «Oil Change» ցուցիչից զատ, տեղադրված են երկարաժամկետ հաշվարկի երկու ցուցիչներ․

1. 100-ամյա մեխանիկական հաշվիչ,
2. Հազարամյակի հաշվիչ․ յուրաքանչյուր դարն ավարտվելիս հարյուրամյա մեխանիզմն իմպուլս է փոխանցում 1000-ամյակի հաշվիչին։

Տիտանե բարոկկո և 500 ժամվա ձեռքի աշխատանք

Urwerk-ի ֆուտուրիստական մեխանիզմն ամփոփված է վարպետ Ֆլորիան Գյուլերտըի բարոկկո ոճի բարդագույն փորագրության մեջ։ Սա յուրօրինակ, սյուրռեալիստական հակադրություն է ստեղծում ավանգարդի ու պատմական ժառանգության միջև։

Վարպետի աշխատանքը կրկնակի ապշեցուցիչ է, քանի որ նա գործ է ունեցել ոչ թե դյուրամշակ ազնիվ մետաղի, այլ տիտանի հետ․ նյութ, որն արտակարգ դժվարությամբ է ենթարկվում նուրբ ձեռագործ մշակման։

Գյուլերտը նախ լազերով փորագրել է ուրվագծերը, որից հետո անցել է ձեռքի մշակմանն ու վերջնական հղկմանը։

Նախագիծը տևել է մոտ երեք ամիս և պահանջել շուրջ 500 ժամ քրտնաջան աշխատանք․ ստեղծվել են ռելիեֆներ, փորագրված հատվածներ, ինչպես նաև ֆակտուրային, մատովի ու փայլատված մակերեսներ։

Ի պատիվ «հանճարեղ խելագարի»

Բրենդի համահիմնադիր Ֆելիքս Բաումգարտները պատմել է, որ «Amadeus» անվանումը (նվիրված Մոցարտին, ում Բաումգարտներն անվանում է ավանգարդիստ և «հանճարեղ խելագար») ժամացույցին տրվել է աշխատանքների ավարտից հետո։

Այս անվանումը կատարելապես արտացոլում է ստեղծագործության էությունը։ UR-1001 Amadeus-ը միաժամանակ նայում է թե՛ անցյալին, թե՛ ապագային՝ գերժամանակակից մեխանիկան պարփակելով դարավոր գեղարվեստական հարդարանքի մեջ։ Սա մի մեխանիզմ է, որը ստեղծվել է ժամանակն այնպիսի մասշտաբներով չափելու համար, որոնց ականատեսը չի կարող դառնալ այսօր ապրող սեփականատերերից և ոչ ոք։

Հետևեք NEWS.am STYLE-ին Facebook-ում, Twitter-ում և Instagram-ում