• Բոհեմ թատրոնում «Բլեֆ» է սպասվում․ Արտյոմ Կարապետյանի առաջին դերը թատրոնում, Արփինե Իսրայելյանի վերադարձը, մյուս հերոսներն ու փորձերը (VIDEO)

  Բոհեմ թատրոնը պատրաստվում է նոր ներկայացման։ Այն կոչվում է «Բլեֆ» և ելնելով վերնագրից՝ դժվար չէ պատկերացնել, թե ինչ զվարճալի խառնաշփոթ է սպասվում հանդիսատեսին...

• HayDalek-ը հայտնել է բլոգերությունը թողնելու որոշման մասին․ «Ինձ համար հոգեպես շատ բարդ է ամեն անգամ ստանալ այս ատելության ալիքները»

  Բլոգեր HayDalek-ը (Ռաֆիկ Համբարձումյան) ինստագրամյան իր էջում հանդես է եկել հայտարարությամբ՝ նշելով, որ մտադիր է դադարեցնել՝ որպես բլոգեր իր գործունեությունը...

• Սիրուշոյի եւ Իվետա Մուկուչյանի նոր տեսահոլովակները, Իվետայի 40-ամյակն ու սիրելիի շնորհավորանքը, Անդրեի ու Արթուր Խաչենցի ջերմ հոլովակները՝ դուստրերի հետ․ Instagram

  Instagram-ն այս շաբաթ էլ ջերմացրեց, հուզեց, նաև ժպիտ պարգևեց ու ուրախացրեց նորություններով։ Սկսենք՝ հերթով...

• «Միշտ ոգևորված եմ՝ բացահայտելու իմ արմատները». Գրիգոր Ջաբոտյանը՝ հայկական նորաձևության և մոդել Արմինե Հարությունյանի հետ համագործակցության մասին

  Հոկտեմբերի 8-ից 11-ը անցկացված Երևանի նորաձևության շաբաթը (Yerevan Fashion Week) կրկին մեկ հարկի տակ համախմբեց դիզայներների, ստեղծագործողների և նորաձևության ոլորտի մասնագետների՝ թե՛ Հայաստանից, թե՛ աշխարհի տարբեր երկրներից…

• «Մոսկվայի անամոթը»՝ Մկրտիչ Բալյան. Ինչպես նկուղային արկածախնդիրը հյուրերի նվաստացումը վերածեց թանկարժեք շոուի

  Օրվա ընթացքում Պրեչիստենսկայա ափին գտնվող Պերցովի տունը նման էր հարգված բնակարանային շենքի․․․

• Պլասիդո Դոմինգոն ներկայացրել է կադրեր՝ Երևանում կայանալիք համերգի փորձից

  Այսօր՝ հոկտեմբերի 16-ին, Ալեքսանդր Սպենդիարյանի անվան օպերայի և բալետի ազգային ակադեմիական թատրոնում տեղի կունենա հայ մեծանուն տենոր, համաշխարհային օպերային արվեստի նշանավոր ներկայացուցիչ Գեղամ Գրիգորյանի ծննդյան 75-ամյակին նվիրված գալա-համերգը․․․

• «Ընթրիք հիմարի հետ»․ ներկայացում, որը ձեզ կստիպի մտածել՝ արդյոք արժե՞ ընդունել չորեքշաբթի օրերի ընթրիքի հրավերները

  Հոկտեմբերի 13-ին Կ. Ստանիսլավսկու անվան ռուսական պետական դրամատիկական թատրոնում տեղի ունեցավ Ֆրանսիս Վեբերի «Ընթրիք հիմարի հետ» հայտնի ստեղծագործության նոր բեմադրության պրեմիերան...

• Գոյ թատրոնի վերադարձը «Խելագարը» ներկայացմամբ

  Գոյ թատրոնն ապացուցում է, որ թատերախումբը կարող է գոյություն ունենալ նույնիսկ հարազատ պատերից դուրս...

«Ֆուլ Հաուս»-ում կրկին թեժ են ժամանակին մեկ տան մեջ հայտնված ու անբաժան դարձած հերոսների հարաբերությունները։ Սիրված սիթքոմը վերադարձավ նոր ներկայացմամբ։ Սեպտեմբերի 8-ին՝ Կարեն Դեմիրճյանի անվան մարզահամերգային համալիրում կայացավ ներկայացման առաջնախաղը։ Բեմում էին՝ Արմեն Պետրոսյանը, Գրիգոր Դանիելյանը, Մարջան Ավետիսյանը, Անի Երանյանը, Արփի Գաբրիելյանը, Միհրան Ծառուկյանը, Գարիկ Սեփխանյանը, Աղաս Մանուկյանն ու Մոսո Կարապետյանը։ Գործընկերներին չէին կարողացել միանալ Քրիստինա Եղոյանը, որը գտնվում է Միացյալ Նահանգներում, և Գոռ Հակոբյանը, քանի որ դերասանի որդին՝ Ֆելիքսը, վիրահատվել է, և այս պահին Գերմանիայում անցնում է իր բուժումը։ Գործընկերները ուրախությամբ փաստեցին, որ Ֆելիքսի վիրահատությունը լավ է անցել՝ վստահություն հայտնելով, որ շուտով Գոռին էլ կտեսնենք նախագծի մյուս ծրագրերում։ Իսկ առայժմ դերասանը հանդիստեսի հետ կլինի որոշ հատվածներում՝ տեսանյութերի տեսքով։

Посмотреть эту публикацию в Instagram

Публикация от NEWS.am STYLE (@style.news.am)

«Ֆուլ Հաուս» ներկայացումը մի առանձին պատմություն էր դարձել բեմում՝ մեկը մյուսից առանձին իրավիճակներով։ Դրանցից մեկում հերոսները խաղում են «Անհայտ բաժանորդ» ֆիլմի հայտնի խաղը, մեկ ուրիշում՝ Մուշեղն ու Կամոն փորձում են գումար աշխատել փողոցում երգելով։ Այստեղ զավեշտալին նրանց հանդիպումներն են տարբեր քաղաքական գործիչների հետ ու վերջիններին նվիրված երգերը։ Ստեղծագործական խումբը չի խուսափել քաղաքական անդրադարձներից, քանի որ ինչպես Մենչն է նշում, դա արել են նաև սիթքոմի շրջանում, բացի այդ, պրոդյուսերի խոսքով, իրենք երբեք չեն անցնում հումորի սահմանը։

Ներկայացման հանդիսատեսը հնարավորություն ունի վայելելու ոչ միայն սցենարով նախատեսված հումորը, որը, ինչպես և սիթքոմում, սուր է, արդիական ու իրավիճակային, այլև կարող է մասնակիցը դառնալ իմպրովիզացիոն տեսարանների։ Առաջնախաղին, օրինակ, ֆուլհաուսցիները օգնեցին հանդիսատեսի շարքում գտնվող երիտասարդին, որը ցանկանում էր ամուսնության առաջարկություն անել սիրելիին՝ դա անել հենց ներկայացման բեմից։ Այդ պահը դարձավ երեկոյի ամենառոմանտիկներից մեկը, իսկ իրենց՝ հերոսների կյանքում, ոչ ամեն ինչն էր հաշտ, համերաշխ ու հարթ՝ դե, ինչպես և սիթքոմում էր ու դրան հաջորդած ֆիլմում։

Ներկայացումն ավարտվեց «Ֆուլ Հաուսի» խորհրդանշական երգով, որը Միհրան Ծառուկյանը կատարեց իրեն ձայնակցող հանդիսատեսի ջերմ ծափողջույնների և ոգևորության ներքո։

Ինչպես նշեց Արմեն Պետրոսյանը, «Ֆուլ Հաուսի» ցանկացած նախագիծ կյանքի է կոչվում հանդիսատեսի աջակցության ու հետաքրքրվածության շնորհիվ։ Այդպես, նրանք ավելի քան տասը տարի անց նկարահանեցին իրենց լիամետրաժ ֆիլմը՝ «Ֆուլ Հաուս․ Վայրէջքը», այսօր հանդես են գալիս ներկայացմամբ, իսկ սիթքոմը շարունակում է ռեկորդներ գրանցել YouTube-ում՝ հատելով մեկ միլիարդ դիտումի սահմանը։

Посмотреть эту публикацию в Instagram

Публикация от NEWS.am STYLE (@style.news.am)

Մենչը անակնկալ բացահայտում արեց հենց Համալիրի բեմից՝ նշելով, որ «Ֆուլ Հաուս» ֆիլմը կունենա շարունակություն, որտեղ հանդիսատեսը արդեն կտեսնի նաև Քրիստինա Եղոյանին և Գոռ Հակոբյանին։

Ներկայացումից հետո հայտնվեցինք կուլիսներում։ Հուզված ու ոգևորված դերասանները կիսվեցին իրենց էմոցիաներով։ Բոլորն էլ փաստում են՝ միմյանց հետ ցանկացած հանդիպում ու աշխատանք արդեն տոն է, իսկ երբ դրան մասնակցում է նաև հանդիսատեսը, այդ տոնը կրկնակի է դառնում։ Ֆուլհաուսցիների մյուս խոստովանությունները՝ NEWS.am STYLE-ի պատրաստած տեսանյութերում։ 

«Ֆուլ Հաուսը» բեմում կլինի նաև հոկտեմբերի 2-ին՝ այս անգամ Գ․ Սունդուկյանի անվան ազգային ակադեմիական թատրոնում, այնուհետև թիմը կմեկնի եվրոպական շրջագայության։

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում