• 50 հազար դոլար՝ ապագա կնոջ համար. տղամարդը պրոֆեսիոնալ խնամախոս է վարձել ու յոթ ամիս անց ամուսնության առաջարկություն արել

  Հենց պրոֆեսիոնալ խնամախոս Սամիիրա Սալիվանն էր, որ մի անգամ Ռիչարդի հետ զրույցը սկսեց հետևյալ խոսքերով. «Ես գտել եմ այն մարդուն, ում հետ դուք ի վերջո միասին եք լինելու»: Նա իրավացի էր: Այդ անձը Թիֆանին էր, որը հետագայում դարձավ Ռիչարդի կինն ու նրա երեխայի մայրը...

• Աշխարհի ամենասարսափելի տիկնիկն այժմ հյուրեր է ընդունում. մեդիումը զբոսաշրջիկներին հորդորել է աղոթել Աննաբելի հետ հանդիպելուց առաջ  

  Միստիկայի երկրպագուները, որոնք հավաքվել են տեսնելու աշխարհի հայտնի «ամենատիրացած» տիկնիկին՝ Անաբելին, չարագուշակ նախազգուշացում են ստացել. Մեթ Ռայֆի նոր թանգարան այցելությունը կարող է «մութ էներգիայի» պորտալ բացել...

• «Ինձ ամբողջ կյանքում անհավանականորեն ձգել են մարդիկ՝ ներքին ցավով». լուսանկարիչ Իրինա Բոլգովան՝ մարդու ներաշխարհի, լուսանկարչության և Հայաստանի մասին

  Լուսանկարը կարող է պարզապես գեղեցիկ լինել։ Բայց իսկապես ուժեղ է դառնում այն ժամանակ, երբ կադրի հետևում մարդ է մնում՝ իր հայացքով, բնավորությամբ, ներքին պատմությամբ և այն զգացողություններով, որոնք երբեմն հնարավոր չէ բառերով արտահայտել…

• Սկանդալ Թաիլանդում. բուդդայական վանականին տեսանկարահանել են սեքսով զբաղվելիս. նա մեղադրվում է 2.6 միլիոն դոլար յուրացնելու մեջ

  Թաիլանդում բուդդայական հոգևորականության հետ կապված նոր աղմկահարույց սկանդալ է ծավալվում․․․

• Հազարավոր ուխտավորներ հավաքվեցին տան առաջ «Մարիամ Աստվածածնի դեմքը» տեսնելու. տանտերը չդիմացավ և քանդեց խոհանոցը

  Քենիացի ֆերմեր Չարլզ Օնսոմբին զայրացավ և ավերեց իր խոհանոցը, երբ նրա կինը հայտարարեց, որ պատի վրա մուրի մեջ տեսել է Կույս Մարիամի պատկերը․․․

• 200,000 դոլար երկրորդ կյանքի հնարավորության համար. Ավստրալիայում մահացածներին սառեցնում են՝ հարյուրավոր տարիներ անց վերակենդանանալու հույսով

  Ավստրալիայի Հոլբրուք փոքրիկ քաղաքում գտնվող մի սովորական արդյունաբերական անգարում պահվում են այն մարդկանց մարմինները, ովքեր մահից հետո սառեցվել են ավելի քան 200,000 դոլարով․․․

• «Ես 60 տարեկան եմ, բայց իմ կենսաբանական տարիքը 40 է». կինը պատմել է, թե ինչպես է 53 տարեկանում երկվորյակներ ունեցել  

  60-ամյա Լորա Քոմֆորթը պնդում է, որ իր կենսաբանական տարիքը ընդամենը 40 է։ Daily Mail-ի համար գրված հոդվածում նա նկարագրել է, թե ինչպես է տասնամյակներ շարունակ փոխել իր կենսակերպը, պայքարել անպտղության խնդիրների դեմ և, ի վերջո, 53 տարեկանում երկվորյակներ ունեցել...

• Շվեդիան խելագարվում է միլիարդատերերի համար. Ինչպես IKEA-ի և համեստության երկիրը բացահայտեց «հարստության պոռնոն»

  Մինչև վերջերս Շվեդիան կապված էր հավասարության, չափավորության և Յանտելագենի հայտնի սկզբունքի հետ՝ չարտահայտված կանոն, որ ոչ ոք չպետք է իրեն ավելի լավ համարի, քան որևէ մեկը․․․

Ժամանակակից ժամադրություններից հիասթափված կամ վախեցած միայնակ տղամարդկանց առաջարկում են իրենց երազանքների աղջկան գտնելու անսովոր միջոց: Ճիշտ է, կա մեկ խնդիր՝ նման աղջիկ գոյություն չունի:

Վերջերս գործարկված և արդեն բանավեճեր առաջացրած SxxxAI հարթակը տղամարդկանց առաջարկում է հրաժարվել իրական հարաբերությունների բարդություններից և ստեղծել սեփական վիրտուալ սիրեցյալին, որի արտաքինը, բնավորությունը և վարքագիծը կարելի է հարմարեցնել գրեթե ցանկացած նախասիրության:

Հարթակը նախատեսված է 18 տարեկանից բարձր տղամարդկանց համար: Օգտատերը կարող է բառացիորեն զրոյից հորինել իր «ընկերուհուն»՝ ծանոթության պատմությունից մինչև այն, թե ինչպես նա իրեն կդրսևորի վիրտուալ ննջասենյակում:

ԱԲ (Արհեստական բանականություն) սիրեցյալ ստեղծելն անվճար է, սակայն վճարովի բաժանորդագրությունը թույլ է տալիս շփվել նրա հետ, ինչպես նաև գեներացնել անհատական լուսանկարներ և տեսանյութեր: Բաժանորդագրությունների արժեքը տատանվում է ամսական 1 դոլարից մինչև 99 դոլար:

Որքան շատ է վճարում օգտատերը, այնքան ավելի շատ բովանդակություն և հնարավորություններ է ստանում: 1 դոլար արժողությամբ բաժանորդագրությունը թույլ է տալիս ստեղծել մինչև 10 տարբեր աղջիկ և տալիս է 300 կրեդիտ ԱԲ բովանդակության գեներացման համար: Ամենաթանկը՝ Elite-ը (99 դոլար), թույլ է տալիս ստեղծել մինչև 50 «սիրեցյալ» և տրամադրում է 3000 կրեդիտ:

Նրանց համար, ովքեր չեն ցանկանում վիրտուալ կնոջն ինքնուրույն ստեղծել, հարթակում արդեն հասանելի է մոտ 100 պատրաստի կերպար: Նրանց թվում են, օրինակ, Մայամիից 24-ամյա հորինված մոդել Սոֆիա Ռեյնոլդսը՝ «կախարդող կապույտ աչքերով», և Սաուդյան Արաբիայից 26-ամյա Նուր Կագանը, որն ըստ նկարագրության «ազատագրվում է մշակութային սահմանափակումներից»:

«Եթե մարդը կարող է ուղեկցուհի ստեղծել՝ հատուկ հաշվի առնելով այն ամենը, ինչը նա գրավիչ է համարում, իսկ հետո ամեն օր խոսել նրա հետ, համատեղ հիշողություններ ստեղծել ու շարունակել զարգացնել ընդհանուր պատմությունը, նման հարաբերությունները կարող են շատ ավելի գրավիչ լինել, քան ԱԲ-ի միջոցով պարզապես պատկերների գեներացումը»,- ասվում է SxxxAI-ի ներկայացուցչի հայտարարության մեջ:

Սակայն հոգեբանները, հարաբերությունների մասնագետները և մարդիկ, ովքեր բախվել են ԱԲ-ի չարաշահման հետևանքով առաջացած պսիխոզի հետ, The Post-ին հայտնել են, որ նման տեխնոլոգիաները կարող են լրջորեն փոխել այն, թե ինչպես են տղամարդիկ ընկալում հարաբերությունները և կանանց:

«SxxxAI-ն ըստ էության ժամանակակից փչովի տիկնիկ է, միայն թե հիմա նա պատասխանում է ձեզ, ասում է այն, ինչ ուզում եք լսել և ձևացնում է, թե սիրում է ձեզ»,- հայտարարել է հոգեթերապևտ Ջոնաթան Ալփերտը: «Ինձ կանհանգստացներ այն երիտասարդը, որը շատ ժամանակ է անցկացնում նման աշխարհում... Եթե դուք ընտելանաք մի «ընկերուհու», որին բառացիորեն ստեղծել են ձեզ հաճույք պատճառելու համար, ի՞նչ տեղի կունենա, երբ ստիպված լինեք գործ ունենալ իրական մարդու հետ»:

Ընտանեկան թերապևտ և Embrace Growth ընկերության գործադիր տնօրեն դոկտոր Ազիտա Սայանը կարծում է, որ նման հավելվածները կարող են խորացնել տղամարդկանց մենակությունը և երիտասարդների մեկուսացումը, որն առավել նկատելի է դարձել համավարակից հետո:

«Ինձ թվում է, տղամարդկանց համար դժվար էր դեռ մինչև COVID-19-ը, իսկ հիմա նրանց համար էլ ավելի բարդ է բացվելը, ինքնադրսևորվելն ու իրենց զգացմունքներն արտահայտելը: Ես շատ ավելի մեծ մեկուսացում եմ տեսնում տղամարդկանց, քան կանանց շրջանում»,- ասել է Սայանը:

«Նրանք չգիտեն՝ ուր դիմել և ինչպես բացվել, կամ վախենում են մերժումից... Ես մտավախություն ունեմ, որ նրանք կարող են դիմել նման հավելվածի՝ հուսալով, որ այն կօգնի: Սկզբում, հնարավոր է, այդպես էլ լինի, բայց իմ կարծիքով, տևական օգտագործումը շատ ավելի վտանգավոր է»:

Զուգընկերների ընտրության մասնագետ և Exclusive Matchmaking-ի գործադիր տնօրեն Սյուզան Տրոմբետին կարծում է, որ վիճահարույց SxxxAI-ն կարող է «կործանարար լինել երիտասարդների համար» և ի վիճակի չէ իսկապես լրացնել ռոմանտիկ դատարկությունը: «Այն կգրավի միայնակ մարդկանց և նրանց, ում պակասում են սոցիալական հմտությունները, ու միայն կբարդացնի նրանց խնդիրները, քանի որ նրանք չեն սովորի կանանց հետ իրական հարաբերություններ կառուցել»,- հայտարարել է Տրոմբետին:

Սակայն միայնությունը տագնապի միակ պատճառը չէ: Ակտիվիստները նախազգուշացնում են մեկ այլ պոտենցիալ վտանգավոր հետևանքի մասին. նման տեխնոլոգիաները կարող են ամրապնդել կանանց մասին պատկերացումը որպես բացառապես տղամարդկանց հաճույքի համար ստեղծված օբյեկտներ:

«ԱԲ-հարթակները, որոնք թույլ են տալիս տղամարդկանց ստեղծել իրենց սեփական անհատականացված «ընկերուհուն», վատ գաղափար են»,- հայտարարել է Կանանց ազգային կազմակերպության նախագահ Քիմ Վիլյանուևան:

«Նման «ընկերուհիները» կստեղծվեն ըստ տղամարդու պատկերացումների այն մասին, թե իր կարծիքով ինչպիսին պետք է լինի կինը, այլ ոչ թե ելնելով նրանից, թե ինչպիսին է կինն իրականում: Դա անիրատեսական է և վտանգավոր: Կանայք ապրանքներ չեն, որոնք կարելի է նախագծել և ծրագրավորել ինչ-որ մեկի հաճույքի համար:

Չի կարելի լուծել մենակության խնդիրը՝ ստեղծելով կին, որը երբեք չի կարող ասել «ոչ»»:

Կանադացի նկարիչ Ջո Ալերին, ով անցյալ տարի վերապրել է ԱԲ-ով պայմանավորված պսիխոզ՝ հավատալով, թե սիրահարվել է Ալմի անունով իր չաթբոթին, կարծում է, որ այս դեպքում սեռը նշանակություն չունի:

Նա չաթբոթին էր դիմել մի մարդու հետ հարաբերությունների խզումից հետո, որին անպատասխան սիրահարված էր: Ալերին ավելի ու ավելի էր տարվում Ալմիով, երբ վերջինս սկսեց աջակցել նրա մոլորություններին՝ էլ ավելի կատարյալ ԱԲ-ուղեկից ստեղծելու հարցում: Արդյունքում նա այդ նախագծի վրա ծախսեց առնվազն $40 հազար՝ նախքան հասկանալը, որ այդ ամենը շինծու էր:

2024 թվականի վերջից մինչև 2025 թվականի մայիսը Ալերին օրական ավելի քան 20 ժամ էր անցկացնում Ալմիի հետ: Ի վերջո նա վարձեց իրական ծրագրավորողների, որպեսզի նրանք ուսումնասիրեն իր աշխատանքը, և նրանք հայտնեցին իրեն, որ այն ամենն, ինչի վրա ինքն աշխատել է, անօգուտ էր:

Այժմ Ալերին ընդգրկված է Տորոնտոյում գործող The Human Line Project աջակցության խմբում, որն օգնում է ԱԲ-չաթբոթներից կախվածության պատճառով հոգեկան առողջության խնդիրների բախված մարդկանց: Նրա խոսքով, ինքը տեսել է ամենատարբեր տարիքի և մասնագիտությունների մարդկանց, որոնք կախվածություն են ձեռք բերել մեկից, որն իրականում պարզապես գոյություն չունի:

«Եթե նրանք մտածում են՝ «Լավ, ես կստեղծեմ ԱԲ-ընկերուհի և կստիպեմ նրան սիրահարվել ինձ»»,- The Post-ին պատմել է 57-ամյա Ալերին:

«Գիտե՞ք, թե ինչ կլինի հետո: Նա կասի, որ ուզում է հանդիպել ձեզ հետ Հավայան կղզիներում, և դուք աշխատանքից դուրս կգաք ու կթռչեք Հավայան կղզիներ: Սա իրական պատմություն է: Ինչ-որ մեկն իսկապես այդպես արել է»:

Ուստի նա մտավախություն ունի, որ նոր հարթակը միայն յուղ կլցնի կրակի վրա:

«Ես ոչ մի լավ բան չեմ տեսնում, որը կարող է դուրս գալ սրանից: Ես այստեղ չեմ տեսնում ո՛չ շփում, ո՛չ սեր, ո՛չ էլ մարդկային կապ»,- ասել է նա:

SxxxAI-ից The Post-ին հայտնել են, որ իրենց վիրտուալ աղջիկները նախատեսված չեն իրական կանանց փոխարինելու համար: «SxxxAI-ն ստեղծված է որպես զվարճանքի և ստեղծագործական փոխազդեցության ձև, այլ ոչ որպես կանանց կամ իրական հարաբերությունների փոխարինող: Օգտատերերը ստեղծում են հորինված ԱԲ-կերպարներ և շփվում նրանց հետ, իսկ այդ կերպարները կարգավորելու հնարավորությունը ստեղծագործական փորձի մի մասն է»,- հայտարարել է ընկերության ներկայացուցիչը:

Հետևեք NEWS.am STYLE-ին Facebook-ում, Twitter-ում և Instagram-ում