Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

«Վառեմ-Մարեմ». Գյումրու ստեղծարար ոգին՝ արվեստի և հիշողությունների հանդիպման վայրում

Ինչպե՞ս եք վերաբերվում լողազգեստով լուսանկարներին

Վերջին զանգ․ արցունք, ծիծաղ ու հրաժեշտ մանկությանը

Ժամանակից շուտ մի՛ մեծացեք․ խորհուրդներ երիտասարդներին

Արքայադուստր Դիանայի եղբայրը հայտարարել է, որ Չարլզ III-ը նրա մահից հետո այնպես էր խոսում, «ասես վիճակախաղում հաղթած մարդ լիներ»

13:20, 19 սեպտեմբերի

Մեծ Բրիտանիայի թագավոր Չարլզ III-ը կրկին քննադատության է ենթարկվել արքայադուստր Դիանայի եղբոր՝ Չարլզ Սփենսերի՝ կոմս Սփենսերի կողմից: Նրա հուշագրության հրապարակման ֆոնին Բուքինգհեմյան պալատը պատրաստվում է նոր հրատարակությունների, որոնք նվիրված են բրիտանական թագավորական ընտանիքի կյանքին։

Գրքի նոր հատվածում Սփենսերը պնդում է, որ Դիանայի՝ 1997 թվականին Փարիզում տեղի ունեցած ավտովթարից անմիջապես հետո այն ժամանակ արքայազն Չարլզը խոսել է «այնպես, կարծես էքստազի վիճակում լիներ» և հնչել է «ինչպես վիճակախաղում շահած մարդ»: Այդ ժամանակ Չարլզի և Դիանայի պաշտոնական ամուսնալուծությունից անցել էր ընդամենը մեկ տարի։

Սփենսերը, որի արիստոկրատական ​​ընտանիքը սերունդներ շարունակ կապեր է ունեցել բրիտանական թագավորական ընտանիքի հետ, գրում է, որ ինքը Հարավային Աֆրիկայում գտնվող իր տանն էր իր երեխաների հետ, երբ քրոջից՝ Ջեյն Ֆելոուզից, իմացել է, որ Դիանան ավտովթարի է ենթարկվել: Ավելի ուշ, տանջալից սպասումից և աճող վախից հետո, նա իմացել է նրա մահվան մասին։

«Հեռախոսը անընդհատ զանգում էր»։ «Արքայազն Չարլզը բռնեց ինձ վերևի հարթակն անցնելիս։ Ի տարբերություն մյուս զանգահարողների, որոնք ցնցված էին և հազիվ էին կարողանում ցավակցության կամ օգնության առաջարկի խոսքեր արտաբերել, նա, ըստ իս, անսովոր ոգեշնչված էր հնչում՝ ինչպես մի մարդ, որը վիճակախաղում էր հաղթել», - հիշում է Սփենսերը։

Ըստ Սփենսերի՝ զանգի ժամանակ Չարլզը նրան հայտնել է, որ արդեն մոր մահվան մասին տեղեկացրել է արքայազններ Ուիլյամին և Հարրիին, որոնք այդ ժամանակ համապատասխանաբար 15 և 12 տարեկան էին։

«Հետ նայելով՝ ես հիմա կասկածում եմ, որ արքայազնի սկզբնական արձագանքը պետք է որ այն միտքը լիներ, որ այս իրադարձությունը թույլ կտա նրան ամուսնանալ իր սիրելի կնոջ հետ, այլ ոչ թե գիտակցել այն կնոջ կորուստը, որին նա չէր սիրում։ Ցավալի ամուսնալուծությունից հետո դժվար է չափազանց մեծ կարեկցանք զգալ նախկին կնոջ կամ նրանց նկատմամբ, ովքեր խորապես հոգ էին տանում նրա մասին»,-հավելել է նա։

Իր հուշագրություններում Սփենսերը նաև մանրամասնել է, թե ինչպես, իր խոսքերով, թագավորական արարողակարգը արդյունավետորեն բացառել է Դիանայի ընտանիքին մասնակցել նրա հուղարկավորության կազմակերպմանը։ Նա պնդում է, որ թագավորական ներկայացուցիչները մերժել են Դիանայի սիրելի երաժշտությունը՝ Մոցարտի «Ռեքվիեմը», արարողությանը ներառելու խնդրանքը։

«Բուքինգհեմյան պալատի աչքերում Դիանան մնում էր նրանց սեփականությունը նույնիսկ մահից հետո։ Նրա ընտանիքը, չնայած ամուսնալուծությանը, պարզապես ստիպված էր հետևել թագավորական ընտանիքի կողմից կայացված ցանկացած որոշմանը», - գրել է Սփենսերը։

1997 թվականին Չարլզ Սփենսերն ինքը քայլում էր քրոջ դագաղի ետևից իր զարմիկների՝ արքայազններ Ուիլյամի և Հարրիի հետ միասին։

Սա Սփենսերի առաջին նման պնդումը չէ։ Այս շաբաթվա սկզբին նա պնդում էր, որ Չարլզը Դիանայի մահից մի քանի օր անց իրեն ասել է, որ նրան շուտով կմոռացնեն։

Բուքինգհեմյան պալատը անսովոր կոշտ հայտարարություն է տարածել՝ մերժելով Սփենսերի պնդումները և ենթադրելով, որ քրոջ մահից հետո նրա կրած վիշտը կարող է ազդել իր հիշողությունների վրա։

Սփենսերը BBC-ին տված հարցազրույցում մերժել է պալատի դիրքորոշումը՝ ասելով. «Ես կարող եմ ձեզ ասել այստեղ և հիմա. սրանք հենց այն խոսքերն են, որոնք նա ասել է»։


Հետևեք NEWS.am STYLE-ին Facebook-ում, Twitter-ում և Instagram-ում





  • Related News

TV SHOWS PHOTO VIDEO


@NEWSam_STYLE

  • Archive
Search