• Սյուզան Մարգարյանի արձագանքը Սիրուշոյի պատմությանը, Fashion Week-ն ու Երևանի 2808-ամյակը․ Instagram-ը՝ այս շաբաթ

  Հոկտեմբերի 7-ին կայացավ Վարդուհի Վարդանյանին նվիրված մեծ համերգը, որի ընթացքում գրանցվեցին մի շարք տպավորիչ ու հուզիչ դրվագներ...

• Երջանկության, վախերի ու սիրո մասին․ դերասանները՝ առանց բեմական կերպարների

  Բեմում դերասանին սովորաբար ճանաչում ենք նրա ստեղծած կերպարով, իսկ հարցազրույցում՝ նրա մասնագիտական հայացքներով․․․

• Երեք հարս, մեկ սկեսուր ու մեկ մեծ գաղտնիք․ «Հարսների հավաքականը»՝ բեմում

  Երեք հարս, մեկ սկեսուր ու շատ ինտրիգներ. հոկտեմբերի 5-ին և 7-ին Ստանիսլավսկու անվան ռուսական դրամատիկական թատրոնի բեմ բարձրացավ ռեժիսոր Սեդրակ Գոջամանյանի «Հարսների հավաքական» զավեշտալի ներկայացումը՝ Իրինա Դանիելյանի, Մարջան Ավետիսյանի, Զառա Սահակյանի ու Լիանա Վանոյանի մասնակցությամբ….

• «Բարձրաձայն կարոտ»․ Վարդուհի Վարդանյանին նվիրված երեկոյին բեմում էին նաև որդին, թոռնուհին ու քույրերը (ֆոտո/վիդեո)

  Ապրեց ընդամենը 30 տարի, սակայն Վարդուհի Վարդանյանը հասցրեց ստեղծել մի ժառանգություն, որն այսօր էլ շարունակում է ապրել նրա երգերում, կատարումներում ու իրեն ճանաչողների հիշողություններում․․․

• Ռաֆայել Երանոսյանը խոստանում է «թեթևացնել» կյանքի ծանրությունները. նոր մոնոներկայացման պրեմիերան՝ հոկտեմբերի 19-ին

  Ռաֆայել Երանոսյանը կրկին բեմ է բարձրանալու մոնոներկայացմամբ, այս անգամ՝ «Ծանր ու թեթև» խորագրով...

• Ռոմեոն ու Ջուլիետը՝ Սունդուկյանի բեմում․ երկու դերակատարների անկեղծ պատասխանները

  Ռոմեոն ու Ջուլիետը համաշխարհային թատրոնի ամենաճանաչված սիրահարներից են...

• Սամվել Հայրապետյան. վիրտուոզ ջութակահար, որը համատեղում է դասականը, ռոքը և ջութակագործության արվեստը

  Երբեմն ուրիշի մասնագիտական ​​սխալը լիովին փոխում է կյանքի ընթացքը: Սամվել Հայրապետյանը մանկուց դատապարտված էր դաշնակահար դառնալու, բայց հանձնաժողովը նայեց նրա ձեռքերին և մտածեց՝ մատները չափազանց կարճ են…

• Անահիտի փայլուն ելույթը՝ ռուսական նախագծում, Լիլիթ Հովհաննիսյանի շքեղ համերգը՝ Երևանում, Վարդուհի Վարդանյանին նվիրված համերգին ընդառաջ․ Instagram-ը՝ այս շաբաթ

  Այս շաբաթ եկեք միասին ամփոփենք հայ արտիստների՝ արդեն իրականություն դարձած փայլուն ելույթները, և մեկ շատ կարևոր համերգ, որը նվիրված է սիրված երգչուհի Վարդուհի Վարդանյանին...

Մոլդովայի բեմում՝ Սպարտակի կերպարով, հայրենիքում՝ նոր դերերով ու ստեղծագործական ծրագրերով։ Ա. Սպենդիարյանի անվան օպերայի և բալետի ազգային ակադեմիական թատրոնի առաջատար մենապարող Րաֆֆի Գալստյանը շարունակում է հանդես գալ միջազգային բեմերում՝ միաժամանակ իր ապագան կապելով հայրենի թատրոնի հետ։ Մարիա Բիեշուին նվիրված ամենամյա փառատոնի հրավերը ևս մեկ առիթ էր արտասահմանյան գործընկերների հետ համագործակցությունը շարունակելու և հանդիսատեսի ջերմ ընդունելությունը վայելելու համար։

Մոլդովայի բեմում՝ Սպարտակի կերպարով

Րաֆֆի Գալստյանի ստեղծագործական ուղին շարունակում է հատել միջազգային բեմերը։ Վերջերս պարողը մեկնել էր Մոլդովայի մայրաքաղաք Քիշնև՝ մասնակցելու անվանի օպերային երգչուհի Մարիա Բիեշուին նվիրված ամենամյա փառատոնին։ Նա հանդես է եկել Սպարտակի դերակատարմամբ՝ համագործակցելով Մոլդովայի թատրոնի հետ։

«Երեք օրով մեկնեցի այնտեղ․ երկու օր փորձ արեցինք, իսկ երրորդ օրն արդեն խաղացինք ու վերադարձա հայրենիք»,–NEWS.am STYLE-ի հետ զրույցում պատմեց Րաֆֆի Գալստյանը։

Մոլդովայի թատրոնի հետ այս համագործակցությունն արդեն երրորդն էր։ Առաջին անգամ նրան նույն փառատոնին հրավիրել էին երկու տարի առաջ, իսկ հաջողված համագործակցությունից հետո հաջորդել էր նոր առաջարկ՝ այս անգամ Ռումինիայի մայրաքաղաք Բուխարեստում հանդես գալու համար։

Պարողը վստահ է՝ այս կապը դեռ երկար շարունակություն է ունենալու։ Վերջին երկու տարիներին, երբ աշխատում էր Ֆրանսիայում, Մոլդովայից ևս չորս հրավեր էր ստացել, սակայն պայմանագրային սահմանափակումների պատճառով չէր կարողացել մեկնել։

Այս անգամ, սակայն, ամեն ինչ բարեհաջող դասավորվեց։ Րաֆֆի Գալստյանի խոսքով՝ հայրենի թատրոնը ոչ միայն չի խոչընդոտել միջազգային համագործակցությանը, այլև աջակցել է իրեն և Անահիտ Վասիլյանին՝ մասնակցելու փառատոնին։

Ծափահարություններ, որոնք արժե վայելել

Միջազգային բեմում ելույթ ունենալը ոչ միայն մասնագիտական փորձություն է, այլև յուրահատուկ զգացողություն, երբ արտիստը տեսնում է իր աշխատանքի անմիջական արձագանքը։ Քիշնևում կայացած ելույթից հետո Րաֆֆի Գալստյանի հիշողության մեջ հատկապես տպավորվել է հանդիսատեսի և թատերախմբի ջերմ ընդունելությունը։

«Այնտեղ մեզ շատ լավ ընդունեցին՝ թե՛ հանդիսատեսը, թե՛ թատերախումբը։ Նման ծափերն իսկապես պետք էր վայելել։ Ներկայացման սկզբից մինչև վերջ մեզ ուղեկցել են բուռն ծափերով»,– նշում է պարողը։

Բեմական հաջողությունն ու հանդիսատեսի արձագանքը, անկասկած, կարևոր խթան են արտիստի համար՝ նոր բարձունքներ նվաճելու և միջազգային համագործակցությունները շարունակելու ճանապարհին։ Իսկ երբ այդ ամենին գումարվում է գործընկերների վստահությունը, յուրաքանչյուր նոր հրավեր դառնում է ոչ միայն գնահատանքի, այլև հետագա ստեղծագործական ծրագրերի հիմք։

Միջազգային հրավերներ՝ առանց հայրենիքից հեռանալու ցանկության

Թեև արտերկրից ստացվող առաջարկները չեն դադարում, Րաֆֆի Գալստյանն իր առաջիկա ծրագրերի մասին խոսելիս հստակ ընդգծում է՝ երկար ժամանակով Հայաստանից բացակայելու մտադրություն չունի։

Առաջիկայում սպասվում են կարճատև շրջագայություններ, հրավեր կա նաև Անգլիայից։ Այնուամենայնիվ, պարողն արդեն որոշում է կայացրել՝ իր ստեղծագործական կյանքի կարևորագույն տարիները նվիրել հայրենի բեմին։

«Ասել եմ և իմ խոսքի տերն եմ լինելու, որ երկար ժամանակով չեմ բացակայելու Հայաստանից։ Այստեղ եմ աշխատելու։ Ուզում եմ իմ լավագույն տարիները նվիրել հենց մեր թատրոնին»,– ասում է նա։

Այս ընտրությունը խոսում է ոչ միայն մասնագիտական ծրագրերի, այլև հարազատ բեմի նկատմամբ պատասխանատվության ու նվիրվածության մասին։ Միջազգային փորձը, նոր համագործակցություններն ու արտասահմանյան հանդիսատեսի գնահատանքը նրա ստեղծագործական ուղու կարևոր մասն են, սակայն առաջնային տեղում շարունակում է մնալ հայկական բեմը։

Նոր հանդիպումներ՝ հայրենի թատրոնի բեմում

Րաֆֆի Գալստյանն ակտիվորեն ներգրավված է Օպերայի և բալետի ազգային ակադեմիական թատրոնի ներկայացումներում։ Նրա արվեստին հետևող հանդիսատեսը առաջիկա ելույթների մասին տեղեկություններ կարող է գտնել թատրոնի պաշտոնական խաղացանկում։

Միջազգային հաջողություններից հետո հայրենի բեմ վերադառնալը պարողի համար նոր ստեղծագործական փուլ է՝ նոր դերերով, նոր հանդիպումներով և իր հանդիսատեսի հետ անմիջական շփմամբ։

Իսկ Մոլդովայում ունեցած հաջող ելույթը ևս մեկ անգամ հաստատում է, որ Րաֆֆի Գալստյանի արվեստը պահանջված է նաև Հայաստանի սահմաններից դուրս։ Բայց նրա համար ամենակարևոր ուղերձը մնում է անփոփոխ՝ միջազգային բեմերը կարող են նոր հնարավորություններ բացել, իսկ ստեղծագործական ամենաթանկ տարիները նա ցանկանում է անցկացնել հենց այնտեղ, որտեղ իրեն սպասում է հարազատ հանդիսատեսը՝ հայրենի թատրոնում։

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում