• Գարիկ Մարտիրոսյանի կինը ընտանեկան լուսանկար է հրապարակել որդու 17-ամյակի առթիվ

  Գարիկ Մարտիորոսյանի որդին՝ Դանիելը, այսօր՝ հոկտեմբերի 27-ին, նշում է ծննդյան 17-ամյակը…

• «Շնորհակալ եմ բոլորին, ովքեր սա հնարավոր դարձրին». Սամվել Թադևոսյանը՝ Ոսկե Գլոբուսի կողմից մրցանակ ստանալու մասին

  Դերասան Սամվել Թադևոսյանը ինստագրամյան իր էջում նոր հրապարակումներ է արել Golden Globes Silk Road Tribute Gala-ից, որի ընթացքում հայ արտիստը ստացել է Ոսկե Գլոբուսի Beacon Award մրցանակը…

• Սամվել Թադևոսյանը ստացել է Ոսկե Գլոբուսի Beacon Award մրցանակը

  Մրցանակաբաշխությունը տեղի է ունեցել Տաշքենդում՝ Silk Road Tribute Gala 2026-ի ընթացքում…

• Հայաստանի հաղթանակը «Մանկական Եվրատեսիլում», Էլեն Սաֆարյանի ու Դիանա Մխիթարյանի հարսանիքները, Քիմ Քարդաշյանի 46-ամյակը. Instagram

  Այս շաբաթ հայտնիների ինստագրամյան հրապարակումները բավական տարբեր էին ու քննարկվող։ Բայց սկսենք ամենաթարմից ու ուրախալիից…

• Վախեցրեք անցորդներին գեղեցիկ ձևով. Դիմահարդարման 5 գաղափար 2026 թվականի Հելոուինի համար

  Չնայած նախապաշարմունքներին և Հելոուինը հայկական տոնական օրակարգից դուրս մղելու փորձերին, դրա նկատմամբ հետաքրքրությունը տարեցտարի աճում է…

• Սերը կարող է արդարացնել ամեն ինչ․ Տաթևիկ Մելքոնյանի Ֆիլումենան

  Կա՞ մի սահման, որից այն կողմ սերը դադարում է արդարացում լինել…

• Ծննդյանս օրերին ես ինձ երջանիկ եմ զգացել, քանի որ բախտ եմ ունեցել ծնվելու հրաշալի ընտանիքում

  Մանկության տարիներին ծննդյանս օրը՝ հոկտեմբերի 23-ը անցնում էր ընտանեկան ջերմ միջավայրում։ Հայրիկս՝ իմ, եղբորս կամ մորս ծննդյան օրերը դարձնում էր հեքիաթ…

• Թեմա կա. ո՞ւմ մասին է Աստղիկ Սաֆարյանը մտածում գիշերվա 2-ին և ո՞ւմ է տեսնում որպես «Երկու աստղի» հաջորդ զույգ (VIDEO)

  Ո՞ւմ հետ կցանկանար երազել գիշերվա 2-ին, ո՞ւմ մասին էր մտածում երգը գրելիս, երկրորդ անգամ «Երկու աստղին» մասնակցելու դեպքում ո՞վ կցանկանար, որ լիներ իր զույգը…

Այս օրերին համացանցը գրավել է դիմահարդարման մի քնքուշ ու զվարճալի թրենդ՝ Բեմբիի՝ փոքրիկ եղնիկի կերպարը։ Հայտնի ինֆլուենսերներն ու դիմահարդարման սիրահարները քողարկիչի, բրոնզերի և բաց գույնի մատիտի օգնությամբ դեմքերին եղնիկի բնորոշ պուտեր են նկարում՝ ստեղծելով մուլտֆիլմային հերոսին հիշեցնող գեղեցիկ կերպար։

Թրենդն առանձնահատուկ տարածում է գտել մայրիկների ու դուստրերի շրջանում․ նրանք ոչ միայն կրկնում են նույն դիմահարդարումը, այլև միասին նկարահանում զվարճալի տեսանյութեր՝ ցուցադրելով իրենց փոքրիկ «եղնիկային» կերպարանափոխությունը։

Բեմբիի կերպարը հատկապես արդիական է դարձել Հելոուինի շրջանում՝ առաջարկելով տոնական դիմահարդարման ավելի նուրբ, բարի ու հմայիչ այլընտրանք՝ սարսափազդու և արտասովոր կերպարների փոխարեն։ Մի քանի սպիտակ պուտ, շագանակագույն երանգներ ու վարդագույն այտեր․ և ահա պատրաստ է փոքրիկ եղնիկի կերպարը։

Թրենդը չի շրջանցել նաև հայկական շոուբիզնեսն ու սոցիալական ցանցերը։ Հայ հայտնիներից մի քանիսն էլ են միացել այս զվարճալի նախաձեռնությանը։ Իսկ հայկական համացանցում այն առանձնահատուկ երանգ է ստացել «Սարերի եղնիկ» երգի ուղեկցությամբ, որը վերջին շրջանում լայն տարածում գտավ փոքրիկ Դավիթի կատարման շնորհիվ։

View this post on Instagram

A post shared by Juliɐ Egshatyan (@julyegshatyan)

Ռուզաննա Մանուչարյանն ու Ջուլի Եղշատյանը միացել են այս գեղեցիկ միտմանը՝ իրենց դուստրերի հետ միասին նկարահանելով տեսանյութեր։

View this post on Instagram

A post shared by Ruzanna Manucharyan (@ruzannamanucharyan)

Ինչպե՞ս ստանալ Բեմբիի դիմահարդարումը․ քայլ առ քայլ

Այս կերպարը կրկնելու համար պրոֆեսիոնալ դիմահարդար լինելու կարիք չկա․ անհրաժեշտ են ընդամենը մի քանի հասանելի միջոցներ և մի փոքր երևակայություն։

Քայլ 1․ Պատրաստեք մաշկը։ Մաքրեք դեմքը և խոնավեցրեք այն։ Ցանկության դեպքում օգտագործեք թեթև տոնային միջոց կամ քողարկիչ՝ մաշկի երանգը հավասարեցնելու համար։

Քայլ 2․ Ավելացրեք ջերմ երանգներ։ Բրոնզերի կամ բաց շագանակագույն ստվերաներկի օգնությամբ թեթև ընդգծեք այտոսկրերն ու քթի կողային հատվածները։ Նպատակը դեմքին բնական, արևահարված երանգ հաղորդելն է։

Քայլ 3․ Ընդգծեք աչքերը։ Օգտագործեք շագանակագույն ստվերաներկ և թարթիչաներկ՝ աչքերին ավելի արտահայտիչ տեսք տալու համար։ Կարող եք ավելացնել նաև նուրբ սլաք՝ առանց չափազանց ընդգծված դիմահարդարման։

Քայլ 4․ Ներկեք եղնիկի պուտերը։ Սա կերպարի ամենակարևոր մասն է։ Բաց երանգի քողարկիչի ու վրձնի օգնությամբ նկարեք մանր կետեր՝ այտերին, քունքերին և ցանկության դեպքում՝ ճակատին։ Դրանք դասավորեք տարբեր չափերով, որպեսզի ավելի բնական ու եղնիկի մորթուն նմանվող պատկեր ստանաք։

Քայլ 5․ Ավելացրեք վարդագույն այտեր։ Վարդագույն կամ դեղձագույն կարմրաներկը քսեք այտերի կենտրոնական հատվածին՝ կերպարին ավելի քնքուշ ու մանկական տեսք հաղորդելու համար։

Քայլ 6․ Ամբողջացրեք կերպարը։ Ցանկության դեպքում քթի ծայրը ներկեք շագանակագույնով, իսկ դրա կենտրոնից դեպի վերին շուրթը բարակ գիծ տարեք։ Վերջում ավելացրեք նուրբ փայլ կամ բնական երանգի շրթներկ։ Իսկ եղնիկի ականջներով աքսեսուարը կերպարն ավելի ամբողջական կդարձնի։

Փոքրիկ խորհուրդ․ Եթե դիմահարդարումը պատրաստում եք երեխայի համար, ընտրեք նրա մաշկի համար նախատեսված, անվտանգ և հեշտ լվացվող միջոցներ։ Սովորական գրենական պիտույքների մատիտների փոխարեն օգտագործեք միայն կոսմետիկ արտադրանք։

Հետևեք NEWS.am STYLE-ին Facebook-ում, Twitter-ում և Instagram-ում