Ինչպես Նարեին դիմավորեցին «Զվարթնոց» օդանավականում՝ «Մանկական Եվրատեսիլում» հաղթանակից հետո. երգչուհու էմոցիաները

Թեմա կա. ո՞ւմ մասին է Աստղիկ Սաֆարյանը մտածում գիշերվա 2-ին և ո՞ւմ է տեսնում որպես «Երկու աստղի» հաջորդ զույգ

Օսկար Ուայլդի «Սալոմեն»՝ Երևանի դրամատիկական թատրոնի նոր հարթակում

Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Թրամփը կատակել է, թե Մար-ա-Լագոյում համբուրգերն ու աղանդերը 5 հազար դոլար կարժենան՝ խորհուրդ տալով «գներին հետևող» ամերիկացիներին չայցելել իր ակումբը

10:30, 29 հոկտեմբերի

ԱՄՆ նախագահ Դոնալդ Թրամփը կատակել է, թե այսպես կոչված «Թրամփի շահաբաժինը»՝ յուրաքանչյուր չափահաս ամերիկացու համար իր առաջարկած՝ որոշակի պայմաններով տրամադրվող 5 հազար դոլարի միանվագ վճարը, հնարավորություն կտա Մար-ա-Լագոյում՝ Ֆլորիդայի Փալմ Բիչ քաղաքում գտնվող իր մասնավոր ակումբում, գնել ընդամենը մեկ համբուրգեր և փոքրիկ աղանդեր։ Այս մասին գրում է PEOPLE-ը։

Թրամփի հայտարարությունները հնչել են միջանկյալ ընտրություններից մեկ շաբաթ առաջ։ Ընտրարշավի առանցքային թեմաներից մեկը կյանքի թանկացումն է, քանի որ բազմաթիվ ընտրողներ բախվում են վառելիքի, մթերքի, բնակարանի, առողջապահական ծառայությունների և առօրյա այլ ծախսերի աճին։ Փետրվարին Իրանի դեմ պատերազմ սկսելուց հետո ԱՄՆ-ում բենզինի և էներգակիրների գները բարձրացել են։ Ընտրությունների արդյունքներով կպարզվի՝ արդյոք հանրապետականներին կհաջողվի պահպանել վերահսկողությունը Կոնգրեսի նկատմամբ։

Թրամփը խոստացել է յուրաքանչյուր չափահաս քաղաքացու 5 հազար դոլար տրամադրել, եթե միջանկյալ ընտրություններում հանրապետականները պահպանեն վերահսկողությունը Ներկայացուցիչների պալատի և Սենատի նկատմամբ։ Սակայն կա մեկ պայման․ գումարը պետք է ծախսվի Միացյալ Նահանգների տարածքում։ Թրամփը չի նշել, թե ինչպես է կառավարությունը վերահսկելու, թե քաղաքացիներն ինչի վրա են ծախսել այդ գումարները։ Խոստման իրականացումը կպահանջի ավելի քան մեկ տրիլիոն դոլար և, ամենայն հավանականությամբ, Կոնգրեսի հավանությունը։

Երեքշաբթի օրը Թրամփը Տեխասում էր, որտեղ հանրապետական թեկնածուներին աջակցելու նպատակով մասնակցել է երկու հանրահավաքի՝ Քորպուս Քրիստիում և Լաբբոքում։ Նրանց թվում էր նահանգի գլխավոր դատախազ Քեն Փաքսթոնը, որը Սենատի տեղի համար մրցում է նահանգի Ներկայացուցիչների պալատի դեմոկրատ անդամ Ջեյմս Թալարիկոյի հետ։

«Կարող եք նույնիսկ գալ Մար-ա-Լագո։ Ես այդ մասին խոսեցի օրերս։ Դուք Մար-ա-Լագոյում իմ հյուրը կլինեք», -Քորպուս Քրիստիում կայացած հանրահավաքի ժամանակ հայտարարել է Թրամփը։ «Խնդիրն այն է, որ 5 հազար դոլարով առավելագույնը, ինչ կկարողանաք գնել, համբուրգերն է և, գուցե, մի փոքրիկ աղանդերը»։

«Նույնիսկ վստահ չեմ, որ դա էլ կկարողանաք գնել»,-հավելել է նա։ «Ո՛չ, այնտեղ մի՛ գնացեք։ Եթե ուշադիր եք գների նկատմամբ, դա ձեզ համար հարմար վայր չէ»։

Մար-ա-Լագոն 20 ակր տարածք զբաղեցնող մասնավոր կալվածք և ակումբ է, որի անդամակցությունը սահմանափակված է։

The Associated Press–NORC Հանրային հարցերի հետազոտական կենտրոնի վերջին հարցման համաձայն՝ առաջիկա ընտրություններում ընտրողների հիմնական մտահոգությունների շարքում առաջին տեղում տնտեսությունն ու կյանքի թանկացումն են, որոնց հաջորդում է առողջապահությունը։

Լուսանկարը՝ Ժաքլին Մարտին / AP Photo


Հետևեք NEWS.am STYLE-ին Facebook-ում, Twitter-ում և Instagram-ում





  • Related News

TV SHOWS PHOTO VIDEO


@NEWSam_STYLE

  • Archive
Search