Թագավորական ընտանիքին մոտ կանգնած աղբյուրը հինգշաբթի օրը Daily Mail-ին հայտնել է, որ«անհավանական է թվում», թե թագավորական պալատը տեղյակ չի եղել այդ նամակի մասին։Ավելի վաղ Page Six-ին աղբյուրները հայտնել էին, որ նամակը գրել է Թոմաս ավագի նախկին կինը՝հանգուցյալ Ռոզլին Լավլեսը։

Աղբյուրը նաև նշել է, որ 45-ամյա Մեգանն ու նրա ամուսինը՝ 42-ամյա արքայազն Հարրին, այդնամակը չէին ստանա առանց թագավորական պալատի տեղեկացված լինելու։

«Ոստիկանությունը պարտավոր էր պալատին տեղեկացնել ներկայացված մեղադրանքներիմասին, և վստահաբար դա արել է»,- ասել է աղբյուրը։

Ինչպես ավելի վաղ հաղորդվել էր, 82-ամյա Թոմաս ավագը ներկայումս հետաքննության տակ էՖիլիպինների Սեբու քաղաքի ոստիկանության կողմից։ Հետաքննությունը սկսվել է այն բանիցհետո, երբ նրա որդին՝ Թոմաս Մարքլ կրտսերը, հոր տանը, ենթադրաբար, հայտնաբերել էերեխաների նկատմամբ սեռական բռնություն պատկերող «հարյուրավոր, եթե ոչ հազարավոր» լուսանկարներ։

60-ամյա Թոմաս կրտսերը, ըստ տեղեկությունների, այդ նյութերը հայտնաբերել է ընտանեկան«հիշատակների» շարքում պահվող մի քանի տուփերում։ Անցյալ շաբաթ նա The Sun-ին ասել է. «Երբ հայտնաբերեցի այդ նյութերը, սարսափեցի և այլ ելք չունեի, քան հորս մասին հայտնելհամապատասխան մարմիններին»։

Ավելի ուշ Page Six-ին փոխանցված հայտարարության մեջ Մեգան Մարքլը նշել է, որ այդ լուրն իրեն«խորապես ցնցել է»։ Նա նաև հայտնել է, որ դեռևս 2018 թվականին նամակ է ստացել, որում հորհասցեին նմանատիպ «մտահոգիչ և սարսափեցնող» մեղադրանքներ էին ներկայացված։ Մեգանիխոսքով՝ այդ հանգամանքը ևս նպաստել է հոր հետ հարաբերությունների խզմանը։

Լուսանկարները՝ Getty Images, SplashNews.com