• 26 տարի սպասում և հարսանիք. 84-ամյա միլիարդատեր Մայքլ Բլումբերգը ամուսնացել է իր սիրելիի հետ  

  Նյու Յորքի նախկին քաղաքապետ և միլիարդատեր Մայքլ Բլումբերգը պաշտոնապես ամուսնացել է իր վաղեմի զուգընկերուհի Դիանա Թեյլորի հետ։ Զույգն ամուսնացել է 26 տարվա համատեղ կյանքից հետո...

• «Լրտեսուհու» հետ սիրավեպը կարող է Nvidia-ի գործադիր տնօրենին արժենալ 60 մլրդ դոլար և կարիերա. Ջենսեն Հուանգը հայտնվել է կրկնակի սկանդալի մեջ  

  Nvidia-ի գործադիր տնօրեն Ջենսեն Հուանգը միաժամանակ բախվել է մի քանի լուրջ խնդիրների. խոստովանությունը դավաճանության մասին կարող է ֆինանսական հետևանքներ ունենալ իր ընտանիքի համար, իսկ ենթադրյալ սիրավեպը մի կնոջ հետ, որին ԱՄՆ հետախուզական գործակալությունները կասկածում են Չինաստանի օգտին լրտեսելու մեջ, սպառնում է վտանգել տեխնոլոգիական հսկայի ղեկին նրա դիրքը...

• «Մասկի փողերը չօգնեցին». Ռոբերտ Դե Նիրոն ծաղրել է միլիարդատիրոջը նրա մասին ֆիլմի ցուցադրության ժամանակ  

  Էլոն Մասկը դժվար շաբաթ է ունեցել: Նա հարյուր միլիոնավոր դոլարներ է ծախսել ԱՄՆ միջանկյալ ընտրությունների վրա, բայց նրա կողմից աջակցվող հանրապետական թեկնածուները պարտվել են: Այժմ էլ միլիարդատիրոջը քննադատել է հոլիվուդյան դերասան Ռոբերտ Դե Նիրոն...

• Բիանկա Սենսորին կրկին ցնցել է իր համարձակ կերպարով՝ Լոս Անջելեսում գնումներ անելիս

  31-ամյա ավստրալիացի ճարտարապետը այցելել է Williams Sonoma խանութ՝ մի քանի իրեր գնելու, նախքան ամուսնուն միանալը շքեղ ճաշին...

• Փոլ Մաքքարթնին դարձել է միլիարդատեր և միացել է աշխարհի երեք ամենահարուստ երաժիշտներին  

  Լեգենդար բրիտանացի երաժիշտ Փոլ Մաքքարթնին պաշտոնապես միացել է միլիարդատերերի ակումբին: Forbes-ի տվյալներով՝ The Beatles–ի 84–ամյա նախկին անդամի կարողությունը հասել է մոտավորապես 1.4 միլիարդ դոլարի, ինչը նրան դարձնում է մոլորակի երրորդ ամենահարուստ երաժիշտը...

• Մեծ Բրիտանիա վերադառնալը թանկ է նստում. Արքայազն Հարրին հրաժարվել է ԱՄՆ-ում 1 միլիոն դոլար աշխատավարձից  

  Արքայազն Հարրին հրաժարվել է ամերիկյան բիզնեսի ամենաբարձր վարձատրվող աշխատանքներից մեկից։ Սասեքսի դուքսը այլևս սոցիալական ազդեցության գլխավոր տնօրենը չէ BetterUp-ում, որը տեխնոլոգիական ընկերություն է և մասնագիտանում է հոգեկան բարեկեցության և առցանց մարզչական գործունեության մեջ։ Նրա պաշտոնն այժմ «ավագ խորհրդատու» է...

• Դասթին Հոֆմանը բացահայտել է, թե ինչպես է ատրճանակով զինված խանդոտ ամուսինը բռնացրել իրեն կնոջ հետ անկողնում  

  Հոլիվուդյան լեգենդ Դասթին Հոֆմանը մի պահ է ապրել, երբ վստահ է եղել, որ իրեն մնացել է ընդամենը մի քանի վայրկյան ապրելու։ 89-ամյա դերասանը խոստովանել է, որ մի անգամ հայտնվել է իր հետ սիրավեպի մեջ գտնվող կնոջ զայրացած ամուսնու կողմից զենքի սպառնալիքի տակ։ Նա այս մասին պատմել է Քոնան Օ'Բրայենի փոդքասթում....

• Ռոբ Քարդաշյանը պատրաստ է բացահայտել ընտանեկան գաղտնիքները և խոսել իր դժվարությունների մասին. Դա հունից հանել է Քրիս Ջեններին  

  Տարիներ շարունակ ուշադրության կենտրոնում լինելուց խուսափելուց հետո Ռոբ Քարդաշյանը մտածում է հեռուստատեսություն վերադառնալու մասին։ Քրիս Ջենների 39-ամյա որդին ցանկանում է թողարկել իր սեփական վավերագրական շարքը, որում նա մտադիր է բացահայտ քննարկել վերջին տասնամյակում իր առջև ծառացած դժվարությունները։ Սակայն, նրա ծրագրերը, կարծես, զայրացրել են իր հայտնի մորը...

Կիմի Անտոնելիի հաղթարշավը, որը դարձավ «Ֆորմուլա 1»-ի պատմության ամենաերիտասարդ աշխարհի չեմպիոնն ու 73 տարվա ընթացքում առաջին իտալացին, կրկին ուշադրություն է հրավիրել «Ferrari»-ի վաղեմի գաղտնիքի վրա. ինչո՞ւ է լեգենդար թիմը տասնամյակներ շարունակ գոյատևում առանց չեմպիոնական տիտղոսի համար պայքարելու ունակ իտալացի արշավորդների։

Ամենահայտնի վարկածներից մեկը կապված է 1957 թվականին «Mille Miglia» մրցարշավի ժամանակ տեղի ունեցած ողբերգության հետ։ Վերջնագծից 40 մղոնից էլ պակաս հեռավորության վրա մարկիզ Ալֆոնսո դե Պորտագոյի վարած «Ferrari 335 S»-ը, առջևի անվադողի պայթելու հետևանքով, կորցրել էր կառավարումը։ Մեքենան բախվել էր էլեկտրասյանը, մխրճվել հանդիսատեսի ամբոխի մեջ և կանգ առել առվակում։ Զոհվել էին արշավորդը, նրա շտուրման Էդմունդ Նելսոնը և ինը հանդիսատես, որոնցից հինգը՝ երեխաներ։ Եվս մոտ 20 մարդ վիրավորվել էր, գրում է «Telegraph»-ը։

Աղետից հետո Իտալիայի իշխանություններն արգելեցին «Mille Miglia»-ն և ընդհանուր օգտագործման ճանապարհներին անցկացվող մյուս մրցարշավները։ «Ferrari»-ի հիմնադիր Էնցո Ֆերարիին մեղադրեցին անզգուշությամբ մահ պատճառելու և անփութության մեջ։ Վատիկանի «L’Osservatore Romano» թերթը սուր քննադատական հոդված հրապարակեց՝ նրան անվանելով «արդյունաբերական Սատուրն» և համեմատելով սեփական զավակներին խժռող հռոմեական աստծու հետ։

Դրանից հետո տասնամյակներ շարունակ լուրեր էին շրջանառվում, թե Պիոս XII պապն Էնցո Ֆերարիի հետ գաղտնի համաձայնություն է ձեռք բերել․ ընկերությունը կկարողանա շարունակել մասնակցությունը մրցարշավներին, եթե դադարի իտալացի արշավորդների ներգրավել։ Սակայն գաղտնի համաձայնագրի մասին վարկածը փաստերով չի հաստատվում․ իտալացիները ողբերգությունից հետո էլ շարունակել են հանդես գալ «Ferrari»-ի կազմում։

Այդուհանդերձ, տասնամյակներ շարունակ թիմի գլխավոր հաջողություններն իսկապես կապված էին հիմնականում օտարերկրացի արշավորդների հետ։ «Ferrari»-ի կազմում տարբեր տարիների հանդես են եկել ավստրիացի Նիկի Լաուդան, գերմանացի Միխայել Շումախերը, իսպանացի Ֆեռնանդո Ալոնսոն և բրիտանացի Լյուիս Հեմիլթոնը։ Թիմի կազմում աշխարհի վերջին չեմպիոնը դարձել է ֆինն Կիմի Ռայկոնենը՝ 2007 թվականին։

Հոդվածի հեղինակ Թոմ Քերին Էնցո Ֆերարիի զգուշավորությունը կապում է անձնական ողբերգությունների շարքի հետ։ 1955 թվականին Մոնցայում մարզումների ժամանակ զոհվեց Ալբերտո Ասկարին՝ նրան հարազատ մի արշավորդ, որին Ֆերարին գրեթե որդու պես էր ընդունում։ Մեկ տարի անց մկանային դիստրոֆիայից մահացավ նրա որդին՝ Դինոն, որն ընդամենը 24 տարեկան էր։ Հեղինակի կարծիքով՝ այս կորուստները ստիպեցին Էնցոյին հուզական հեռավորություն պահպանել արշավորդներից։

Այսօր «Ferrari»-ի խնդիրը կարող է կապված լինել երիտասարդ իտալացի տաղանդների որոնման և զարգացման ոչ բավարար արդյունավետության հետ։ Անտոնելիի հաջողությունները կրկին այս հարցն են բարձրացրել․ նա հայտնվեց ոչ թե «Ferrari»-ի, այլ «Mercedes»-ի երիտասարդական ծրագրում։ Նրա հայրը պնդում էր, որ «Ferrari»-ի նախկին ղեկավար Մաուրիցիո Արիվաբենեն մերժել է որդու թեկնածությունը։

Այժմ Իտալիայում մտավախություն ունեն, որ թիմը կարող է բաց թողնել նաև հաջորդ հեռանկարային արշավորդին։ 11-ամյա Նիկոլո Պերիկոն, որին արդեն մեծ տաղանդ են անվանում, համաձայնագիր է ստորագրել «Mercedes»-ի հետ։ Մինչդեռ «Ferrari»-ին առայժմ չի հաջողվել պատրաստել սեփական երիտասարդ իտալացի արշավորդին, որը կարող է հավակնել հիմնական թիմում տեղ զբաղեցնելուն։

Անտոնելին արդեն հետաքրքրություն է առաջացնում «Ferrari»-ում։ Էնցո Ֆերարիի որդին՝ Պիեռոն, խոստովանել է, որ երազում է նրան տեսնել թիմի կարմիր համազգեստով։ «Ferrari»-ի նախկին նախագահ Լուկա դի Մոնտեձեմոլոն նույնպես ափսոսանք է հայտնել, որ Մեքսիկայում իտալացին չէր ներկայացնում թիմը։

Սակայն «Mercedes»-ի ղեկավար Տոտո Վոլֆը կարծում է, որ Անտոնելիի հաջողությունը բազմամյա համակարգված աշխատանքի արդյունք է։ Նրա խոսքով՝ «Mercedes»-ն ինը տարի աջակցել է արշավորդին ու նրա ընտանիքին, ապահովել նրա նախապատրաստությունը, ֆինանսավորել կարիերան և ընձեռել այնպիսի հնարավորություններ, որոնք մյուս թիմերը գուցե չկարողանային տալ։

Հնարավոր է՝ «Ferrari»-ին դեռ հաջողվի շտկել իրավիճակը։ Մինչ այդ Իտալիայում տեղեկություններ են հայտնվել, որ կաթոլիկություն դավանող Անտոնելին շուտով կարող է հանդիպել Հռոմի պապ Լևոն XIV-ի հետ։ Նյութի հեղինակը հեգնանքով ենթադրում է՝ գուցե Վատիկանը կրկին ստիպված լինի միջամտել, այս անգամ՝ օգնելու «Ferrari»-ին իտալացի արշավորդին իր շարքերը բերել։

Հետևեք NEWS.am STYLE-ին Facebook-ում, Twitter-ում և Instagram-ում