• Քիմը խնայում է միայն ադվենտ օրացույցների վրա. ի՞նչ շռայլ նվերներով է Քարդաշյանը երես տալիս «All’s Fair»-ի իր խաղընկերներին  

  Vogue-ի «The Run-Through» փոդքասթի եթերում Փոլսոնը խոստովանել է, որ Քիմն անհավանական առատաձեռն մարդ է։ Դեռևս առաջին եթերաշրջանի նկարահանումների ժամանակ «SKIMS» բրենդի հիմնադիրը բոլորին «Balenciaga» նորաձևության տան շքեղ պայուսակներ է նվիրել...

• Արքայական գաղտնիք և 430 հազար դոլար արժողությամբ մարգարիտ. ընտանեկան առեղծված թաքցնող վզնոցի պատմությունը

  Վիկտորիա թագուհու հռչակավոր զարդի նմուշով ստեղծված մարգարտե և ադամանդե վզնոցը Ժնևի Phillips աճուրդում վաճառվել է 327 հազար ֆունտ ստեռլինգով (շուրջ 430 հազար դոլար)։ Գրեթե մեկ դար առաջ այն պատվիրել էր Գեորգ V-ի կինը՝ Մարիա թագուհին, որը հայտնի էր թանկարժեք քարերի հանդեպ իր մեծ սիրով։ Սակայն այս զարդի պատմությունը կապված է ոչ միայն արքայական շքեղության, այլև պալատական խարդավանքների ու մի առեղծվածի հետ, որը մինչ օրս բացահայտված չէ, գրում է Telegraph-ը...

• 2 մլն դոլար մեկ սերիայի համար. բացահայտվել են Ստալոնեի, Զենդայայի և այլ հոլիվուդյան աստղերի չափազանց բարձր աշխատավարձերը  

  Variety ամսագիրը կազմել է ամենաբարձր վարձատրվող հեռուստատեսային դերասանների վարկանիշը: Չնայած օրիգինալ սերիալների արտադրության և հոսքային հարթակների ծախսերի վերանայման կրճատմանը, առաջատար աստղերը շարունակում են կնքել բազմամիլիոն դոլարանոց պայմանագրեր...

• Կարմիր գորգից մինչև Chanel-ի փակ ընթրիք. ինչպե՞ս են Ռոբերտ Դե Նիրոն ու նրա երիտասարդ ընտրյալը վայելում Նյու Յորքի աստղային գիշերները  

  Հեղինակավոր Chanel նորաձևության տան հովանու ներքո անցկացվող 18-րդ գալա-երեկոն այս տարի նվիրված էր կինոաշխարհի մեկ այլ տիտանի՝ ռեժիսոր Սթիվեն Սփիլբերգի մեծարմանը։ Աստղային հյուրերի շարքում Դե Նիրոն և Չենը առանձնանում էին իրենց ոճային և միմյանց լրացնող կերպարներով...

• «Ես պարտավոր չեմ փոխել իմ համոզմունքները». Առնոլդ Շվարցենեգերը բացատրել է, թե ինչու է դեռևս մնում հանրապետական  

  Jimmy Kimmel Live  ծրագրի մի դրվագում 79-ամյա Շվարցենեգերին հարցրել են, թե արդյոք նա շարունակում է մնալ Հանրապետական կուսակցության անդամ...

• TikTok 23-ամյա աստղի խորհրդավոր մահը. ոստիկանությունը հետաքննություն է սկսել բրազիլացի բլոգերի մահվան կապակցությամբ  

  Բրազիլացի բլոգեր Վիվի Մոտտան, որը TikTok-ում ուներ ավելի քան 31,000 հետևորդ, մահացել է նոյեմբերի 9-ին: Նրա մահվան պատճառը դեռևս չի բացահայտվել, և ոստիկանությունը հետաքննում է ողբերգության հանգամանքները...

• «Նա դեռ երիտասարդ է և աներևակայելի էներգիայով լի». Բեն Սթիլլերը հիացել է Ռոբերտ Դե Նիրոյով իրենց առաջին հանդիպումից 26 տարի անց  

  «Հանդիպեք ծնողների հետ» (Meet the Parents) կատակերգության թողարկումից քսանվեց տարի անց Բեն Սթիլլերը ջերմությամբ է հիշել Ռոբերտ Դե Նիրոյի հետ իր երկարամյա բարեկամությունը և խոստովանել, որ դեռևս հիանում է նրա էներգիայով, երիտասարդական ոգով և ուշագրավ կենսունակությամբ...

• Միլիարդատեր Թեդ Թըրները Ջեյն Ֆոնդային ժառանգություն չի թողել. Ո՞վ կստանա CNN-ի հիմնադրի 2.5 մլրդ դոլարի կարողությունը  

  Ըստ TMZ-ի՝ դատարանի փաստաթղթերին հղում անելով՝ 87-ամյա Թըրների միակ ժառանգները նրա հինգ երեխաներն են՝ Լորան, Ռոբերտը, Ռեթը, Ռիդը և Սառան։ Նրանք նաև դիմում են ներկայացրել հոր կարողության կատարողներ նշանակվելու համար...

Ավստրալիայի վարչապետ Էնթոնի Ալբանեզեն զավեշտալի սկանդալի կենտրոնում է հայտնվել այն բանից հետո, երբ կլիմայի փոփոխության հարցերով նախարար Քրիս Բոուենի հետ նրա զրույցը ֆիքսել է միացված խոսափողը։ Քաղաքական գործիչները, չկասկածելով անգամ, որ իրենց լսում և նկարահանում են, կատակներ են փոխանակել այն մասին, թե ինչու չարժե բջջային հեռախոսը կրել տաբատի գրպանում։

Անհարմար միջադեպը տեղի է ունեցել ուրբաթ օրը՝ Թուրքիայում ընթացող COP31 կլիմայական համաժողովի ժամանակ։ 63-ամյա Ալբանեզեն Բոուենի հետ զրուցելիս է եղել հանդիպումների միջև ընկած ընդմիջմանը և նախ գործընկերոջը նախազգուշացրել է հեռախոսը պիջակի արտաքին կրծքագրպանում պահելու վտանգի մասին։

«Դա կարող է ազդել սրտիդ ռիթմի վրա»,- նշել է վարչապետը՝ նկատի ունենալով սրտի վրա սարքի հնարավոր ազդեցությունը։

«Ես հիմա նույնպես աշխատում եմ ավելի զգույշ լինել՝ դադարել եմ այն դնել տաբատիս գրպանը»,- պատասխանել է Բոուենը։

«Քո... առնանդամի՞ պատճառով»,- ճշտել է Ալբանեզեն՝ չկռահելով, որ խոսակցությունը ձայնագրվում է։

«Այո, առնանդամիս։ Դա, թերևս, սրտից էլ կարևոր է»,- արձագանքել է նախարարը, ինչից հետո երկու քաղաքական գործիչներն էլ ծիծաղել են։

Ավելի ուշ վարչապետի ներկայացուցիչը պարզաբանել է, որ պաշտոնական հանդիպումների միջև եղած դադարի ժամանակ քաղաքական գործիչներն ուղղակի կատակում էին։

Զրույցն ուշադրություն է գրավել նաև այն պատճառով, որ տղամարդու վերարտադրողական ֆունկցիայի վրա բջջային հեռախոսների հնարավոր ազդեցության հարցն իրականում ակտիվորեն ուսումնասիրվում է գիտնականների կողմից։ 2022 թվականին Environmental Research ամսագրում հրապարակված հետազոտության համաձայն՝ բջջային սարքերի էլեկտրամագնիսական ճառագայթումը կարող է կապված լինել սերմնահեղուկի որակի անկման և սերմնաբջիջների շարժունակության վատթարացման հետ։

Այնուամենայնիվ, մինչ օրս համոզիչ ապացույցներ չկան այն մասին, որ աճուկի հատվածում հեռախոս կրելն էրեկտիլ դիսֆունկցիա է առաջացնում։

Հետևեք NEWS.am STYLE-ին Facebook-ում, Twitter-ում և Instagram-ում