• 2.5 մլն դոլարանոց ժամացույց. Ինչպես մեկ եզակի համարը Patek Philippe-ը վերածեց աճուրդի ամենացանկալի գանձի  

  Բարձր նորաձևության աշխարհում երբեմն ոչ թե ադամանդներն են որոշում վաճառքի գինը, ոչ էլ բարդությունների քանակը կամ նույնիսկ սեփականատիրոջ անունը, այլ ընդամենը մեկ մանրուք՝ եզակի համարը: Հենց այս եզակի համարն էր, որ այս չափազանց հազվագյուտ Patek Philippe ժամացույցը վերածել է իսկական աճուրդի հաղթանակի. այն վաճառվել է 2.048 միլիոն շվեյցարական ֆրանկով (մոտավորապես 2.5 միլիոն դոլար) Ժնևի Sotheby's աճուրդում, ըստ Robb Report-ի...

• Ջեյն Բիրկինի Hermès Birkin-ը՝ նրա ստորագրությամբ և անձնական հաղորդագրությամբ, աճուրդի է հանվել  

  Ջեյն Բիրկինին պատկանող հազվագյուտ Hermès Birkin 30 պայուսակը աճուրդի է հանվել Փարիզում։ Դերասանուհու ստորագրությունը և Ջորջիա անունով ընկերուհուն ուղղված ձեռագիր նամակը այս պայուսակը դարձնում են հատկապես արժեքավոր, ըստ Robb Report-ի...

• Գնված 30 դոլարով, վաճառված 1.3 միլիոն դոլարով. մոռացված նկարը դարձել է աճուրդի սենսացիա  

  Երբեմն իսկական գանձը թանգարանի կամ էլիտար պատկերասրահի կարիք չունի. հնաոճ իրերի բակում պատահական զբոսանքը բավական է: Ահա թե ինչպես է ամերիկացի նկարչուհի Գերտրուդ Աբերքրոմբիի փոքրիկ նկարը հայտնվել գնորդի ձեռքում, որը դրա համար վճարել է ընդամենը 30 դոլար: Մի քանի ամիս անց աշխատանքը աճուրդում վաճառվել է անհավանական 1.3 միլիոն դոլարով՝ սահմանելով համաշխարհային ռեկորդ նկարչուհու համար...

• Վան Գոգը՝ 180 միլիոն դոլարով, իսկ Սեզանը՝ 120 միլիոնով. Sotheby's-ը աճուրդի է հանում լեգենդար հավաքածուն

  Այս աշնանը Sotheby's-ը Նյու Յորքում աճուրդի կհանի Վինսենթ վան Գոգի հազվագյուտ նկարը, որը գրեթե կես դար չի ցուցադրվել…

• Չորս Rolex Daytona վաճառվել է 49.5 միլիոն դոլարով՝ գերազանցելով բոլոր ժամանակների ռեկորդը

  Չորս եզակի Rolex Oyster Perpetual Cosmograph Daytona ժամացույցները ժամագործության պատմություն գրեցին՝ սահմանելով բարեգործական աճուրդի նոր ռեկորդ…

• Աշխարհի ամենաթանկ վիսկիի շիշը վերադարձել է աճուրդի, և այն կարող է գերազանցել սեփական ռեկորդը

  Ըստ Robb Report-ի՝ Macallan 1926-ի լեգենդար շիշը կրկին կհանվի աճուրդի, և այս անգամ աճուրդը տեղի կունենա այն վայրում, որտեղ այս եզակի վիսկին արտադրվել է գրեթե 100 տարի առաջ՝ Շոտլանդիայի Սփեյսայդ քաղաքում գտնվող Macallan կալվածքի տարածքում…

• Բրիջիտ Բարդոյի անձնական իրերը Փարիզում կայացած աճուրդում վաճառվել են գրեթե 1 միլիոն եվրոյով  

  Լեգենդար ֆրանսիացի դերասանուհի Բրիջիտ Բարդոյի անձնական իրերը Փարիզում կայացած աճուրդում վաճառվել են գրեթե 1 միլիոն եվրոյով (1.15 միլիոն դոլար), ինչը գրեթե 20 անգամ գերազանցում է նախնական գնահատականը: Վաճառքից ստացված գումարը կուղղվի Բրիջիտ Բարդոյի կենդանիների բարեկեցության հիմնադրամին և նրա միակ որդուն՝ Նիկոլա-Ժակ Շարիեին, ըստ Guardian-ի...

• 1.7 միլիոն դոլար Աստերիքսի համար. փոքրիկ նկարը խելահեղ պայքար է հրահրել աճուրդում

  Հենց այն նույն նկարը, որը պատկերում է գալլիացի զինվոր Աստերիքսին իր վերջին արկածախնդրության մեկնելիս, տասնամյակներ անց ինքնին դարձել է իսկական գանձ․․․

Շքեղության իրերի կոլեկցիոներներին բացառիկ հնարավորություն է ընձեռվել ձեռք բերելու Louis Vuitton-ի էքսկլյուզիվ պայուսակները, որոնք ստեղծվել են մեր ժամանակների ականավոր նկարիչների ու դիզայներների հետ համագործակցությամբ։ Ինչպես գրում է Robb Report-ը, ֆրանսիական նորաձևության տան ավելի քան 100 արտասովոր աքսեսուարներ, այդ թվում՝ Տակասի Մուրակամիի, Յայոյ Կուսամայի և լեգենդար ճարտարապետ Ֆրենկ Գերիի աշխատանքները, վաճառքի կհանվեն Christie's աճուրդի տանը։

Scarcity & Infinity: an Important Collection առցանց աճուրդը կանցկացվի նոյեմբերի 25-ից դեկտեմբերի 10-ը։ Հավաքածուում ներառված են Louis Vuitton-ի նշանակալի արվեստային համագործակցությունների շրջանակում ստեղծված հազվագյուտ մոդելներ, որոնցից շատերը վաղուց արդեն ինքնուրույն կոլեկցիոն նմուշներ են դարձել։

Արվեստի ներկայացուցիչների հետ նորաձևության տան համագործակցության պատմությունը սկսվել է 1996 թվականին։ Իր հայտնի մոնոգրամային կտավի հարյուրամյակին ընդառաջ՝ Louis Vuitton-ը հրավիրեց ավանգարդիստ դիզայներների, այդ թվում՝ Մանոլո Բլանիկին, Հելմութ Լանգին և Վիվիեն Վեսթվուդին՝ նորովի մեկնաբանելու բրենդի պաշտամունքային նախշը։ Այդ ժամանակների լյուքս ինդուստրիայի համար նման նախագծերը գրեթե աննախադեպ էին։

1997 թվականին բրենդի կրեատիվ տնօրեն դարձավ Մարկ Ջեյքոբսը, որը նկարիչների հետ համագործակցությունը դարձրեց Louis Vuitton-ի գլխավոր այցեքարտերից մեկը։ 2001 թվականին նա հրավիրեց նյույորքցի նկարիչ և դիզայներ Սթիվեն Սփրաուզին՝ հայտնի կտավը գրաֆիտիներով զարդարելու համար։ Այս ավանդույթը շարունակվում է նաև այսօր՝ ժամանակակից արվեստի առաջատար ներկայացուցիչների հետ համագործակցության շնորհիվ։

Առաջիկա աճուրդի գլխավոր լոտերից մեկը կդառնա ճապոնացի նկարիչ Տակասի Մուրակամիի ստեղծած Artycapucines Crystal Panda քլաչը, որի արժեքը գնահատվում է 20–30 հազար դոլար։ Մոդելը թողարկվել է սահմանափակ քանակով՝ ընդամենը 130 օրինակ ամբողջ աշխարհում, և զարդարված է ձեռքով ամրացված ավելի քան 6 հազար Swarovski բյուրեղներով։

Մուրակամիի մյուս աշխատանքների թվում է կոկորդիլոսի սպիտակ կաշվից պատրաստված փոքրիկ Cerises Mini Capucines պայուսակը՝ ոսկեգույն դետալներով և բալի տեսքով կախազարդով։ Դրա նախնական արժեքը կազմում է 10–15 հազար դոլար։ Մեկ այլ հազվագյուտ նմուշ է վարդագույնի և սպիտակի համադրությամբ Artycapucines Mini Tentacles-ը, որը նույնպես գնահատվում է 10–15 հազար դոլար։

Աճուրդի կհանվի նաև Մուրակամիի յոթերորդ՝ Artycapucines հավաքածուի տասը նմուշ, որոնք ներկայացվել են 2025 թվականին՝ Art Basel Paris ցուցահանդեսում։

Ընտրանիում առանձնահատուկ տեղ են զբաղեցնում կանադա-ամերիկացի երջանկահիշատակ ճարտարապետ Ֆրենկ Գերիի հետ համատեղ ստեղծված աքսեսուարները։ Դրանց թվում է կոկորդիլոսի սպիտակ կաշվից պատրաստված փոքրիկ Drawn Fish Mini Capucines պայուսակը, որը թողարկվել է ընդամենը 20 օրինակով։ Դրա արժեքը գնահատվում է 10–15 հազար դոլար։

Պակաս արտասովոր չէ նաև արջի տեսքով մետաղական Bear with Us քլաչը, որը ոգեշնչված է Գերիի՝ 2014 թվականի համանուն քանդակով։ Այն ևս նախատեսվում է վաճառել 10–15 հազար դոլարով։

Ճապոնացի նկարչուհի Յայոյ Կուսամայի աշխատանքները ներկայացված են դդմի տեսքով` նրա հազվագյուտ լիմիտավորված պայուսակներից մեկով։ Մոդելը պատրաստված է դեղին և սև մոնոգրամային կաշվից ու լրացված արծաթագույն դետալներով։ Դրա նախնական արժեքը 8–10 հազար դոլար է։

Ինչպես նշել է Christie's-ի պայուսակների և աքսեսուարների բաժնի միջազգային ղեկավար Ռեյչել Կոֆսկի Փարքերը, այս հավաքածուն նվիրված կոլեկցիոների տարիների աշխատանքի արդյունքն է և Louis Vuitton-ի արվեստային կոլաբորացիաների ամենամասշտաբային ընտրանին է, որը երբևէ հանվել է աճուրդի։

«Այսօր, երբ ստեղծագործական տարբեր ուղղությունների միջև սահմաններն ավելի ու ավելի պայմանական են դառնում, այս պայուսակներն ընկալվում են որպես ինքնուրույն կոլեկցիոն ստեղծագործություններ։ Դրանք թույլ են տալիս արվեստը ներմուծել առօրյա կյանք և դառնում են ճաշակի ու անհատականության արտահայտման միջոց», — նշել է աճուրդի տան ներկայացուցիչը։

Հավաքածուի ընտրյալ նմուշներն արդեն կարելի է տեսնել Նյու Յորքի Christie's սրահում. առաջին ցուցադրությունն անցկացվում է նոյեմբերի 7-ից 17-ը, իսկ երկրորդը նախատեսված է դեկտեմբերի 3-ից 9-ը։ Բուն աճուրդը՝ Handbags & Fashion: The New York Edit-ը, կանցկացվի առցանց ձևաչափով՝ նոյեմբերի 25-ից դեկտեմբերի 10-ը։

Հետևեք NEWS.am STYLE-ին Facebook-ում, Twitter-ում և Instagram-ում