Մարդը առաջին հերթին հոգի է. Նարինե Գրիգորյան

Թատրոնը՝ որպես ներշնչանքի աղբյուր․ Մարիկա Դովլաթբեկյանը՝ բեմից դուրս

Աիդա Կարապետյանի ու ամուսնու՝ Արամի սիրո պատմությունը. ծանոթությունից մինչև անսպասելի ամուսնություն

Մարդիկ կան՝ վատ բաներ են մեր հետևից ասում, մարդիկ կան՝ ուրախանում են. Հելոուինը` Հայաստանում

VIDEO. Սոս Ջանիբեկյանը, Լուիզա Ներսիսյանը, Դիանա Մալենկոն և Լևոն Հախվերդյանը՝ սիրային քառանկյունու կիզակետում

Ինչպես Նարեին դիմավորեցին «Զվարթնոց» օդանավականում՝ «Մանկական Եվրատեսիլում» հաղթանակից հետո. երգչուհու էմոցիաները

Թեմա կա. ո՞ւմ մասին է Աստղիկ Սաֆարյանը մտածում գիշերվա 2-ին և ո՞ւմ է տեսնում որպես «Երկու աստղի» հաջորդ զույգ

Օսկար Ուայլդի «Սալոմեն»՝ Երևանի դրամատիկական թատրոնի նոր հարթակում

Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Մեգան Ֆոքսը՝ «առնետ», Անջելինա Ջոլին՝ «գորտ». TikTok-ում տարօրինակ թրենդ է տարածվում

13:28, 16 նոյեմբերի

TikTok-ում մեծ թափ է հավաքում մի արտասովոր տեսություն, ըստ որի՝ բոլոր մարդկանց կարելի է բաժանել երկու տեսակի՝ նրանց, ովքեր արտաքնապես հիշեցնում են առնետի, և նրանց, ում դիմագծերն ավելի շատ նման են գորտի։ Առաջին հայացքից գաղափարը հերթական համացանցային կատակ է թվում, սակայն լոնդոնցի պլաստիկ վիրաբույժ Ջուլիան Դե Սիլվան կարծում է, որ դրա հիմքում գիտական բացատրություն կա։

Daily Mail-ի հետ զրույցում դեմքի էսթետիկ վիրաբուժության մասնագետը պարզաբանել է, որ հայտնի թրենդն իրականում կապված է դեմքի համաչափության և կառուցվածքի հետ. հենց այդ չափանիշներն են վիրաբույժները գնահատում պլաստիկ վիրահատություններ պլանավորելիս։

крысаляг.jpg (50 KB)

Դե Սիլվայի խոսքով՝ գոյություն ունի դեմքի կառուցվածքի յոթ հիմնական տեսակ, որոնք պայմանականորեն կարելի է բաժանել երկու խմբի։

«Առնետների» շարքին նա դասում է երկարավուն և նեղ դեմք, սրածայր կզակ, բարձր այտոսկրեր և ծնոտի նուրբ ընդգծված գիծ ունեցող մարդկանց։ Ըստ նրա դասակարգման՝ այս կատեգորիայի մեջ են մտնում շեղանկյունաձև, սրտաձև և երկարավուն դեմքերը։ Հայտնիների շրջանում նման դիմագծեր վիրաբույժը նկատում է Մեգան Ֆոքսի, Սքարլեթ Յոհանսոնի, Ռիզ Ուիզերսփունի, Ժիզել Բունդխենի և Վիկտորյա Բեքհեմի մոտ։

«Գորտերին», ընդհակառակը, բնորոշ են լայն դեմքը, իրարից հեռու տեղակայված աչքերը, ավելի զանգվածեղ ծնոտն ու լայն բերանը։ Այս խմբին Դե Սիլվան դասում է կլոր, քառակուսի և տանձաձև դեմք ունեցողներին։ Որպես օրինակ նա նշում է Քեյթ Մոսին, Անջելինա Ջոլիին, Քիրա Նայթլիին և Դևիդ Բեքհեմին։

Այս դասակարգման մեջ առանձնահատուկ տեղ է զբաղեցնում Ռիհաննան։ Վիրաբույժի կարծիքով՝ նրա օվալաձև դեմքը գտնվում է երկու տեսակների ուղիղ մեջտեղում։ Նա գտնում է, որ հենց ներդաշնակ համաչափություններով է մասամբ պայմանավորված այն, թե ինչու է երգչուհին լուսանկարներում այդքան գեղեցիկ երևում։

Դե Սիլվան ուշադրություն է հրավիրել նաև մի հետաքրքիր օրինաչափության վրա. կանայք ավելի հաճախ են դիմում վիրաբույժներին՝ խնդրելով դեմքն ավելի նեղ ու արտահայտիչ դարձնել՝ բարձր այտոսկրերով և կզակի նրբագեղ գծով։ Իսկ տղամարդիկ հաճախ ցանկանում են ընդգծել զանգվածեղ քառակուսի ծնոտը՝ մի հատկանիշ, որը մասնագետը վերագրում է «գորտային» տեսակին։

Այնուամենայնիվ, արտաքինի այս երկու տեսակներից որևէ մեկն ունեցողները չպետք է այս դասակարգումն ընկալեն որպես գրավչության գնահատական։ «Գեղեցկության միասնական չափանիշ գոյություն չունի»,— ընդգծել է վիրաբույժը։

Նրա խոսքով՝ ընդգծված այտոսկրերով և ծնոտի հստակ գծով լայն դեմքերը տարիքի հետ կարող են հատկապես շահեկան տեսք ունենալ։ Որպես հակառակ օրինակ նա բերում է Ժիզել Բունդխենին. չնայած հին դասագրքերում դեմքի երկարավուն կառուցվածքը թերություն էր համարվում, մոդելը դարձավ աշխարհի ամենաբարձր վարձատրվողներից մեկը։

Որպես արտաքինի հակադիր տեսակները միավորող զույգի վառ օրինակ՝ Դե Սիլվան նշել է Դևիդ և Վիկտորյա Բեքհեմներին։ Նա կարծում է, որ ֆուտբոլիստն ունի դասական քառակուսի՝ «գորտային» դեմք, իսկ նրա կինը՝ երկարավուն և նեղ՝ «առնետային»։

«Հակադրությունները լուսանկարներում հավասարակշռում են միմյանց, և, կարծում եմ, մասամբ հենց դրա շնորհիվ են նրանք արդեն գրեթե 30 տարի միասին այդքան ներդաշնակ երևում»,— նշել է մասնագետը։

Միևնույն ժամանակ վիրաբույժը հիշեցրել է. որոշ հետազոտություններ ցույց են տալիս, որ մարդկանց հաճախ գրավում են իրենց իսկ դիմագծերին նման դեմքերը։ Այնպես որ, TikTok-ի վիրուսային տեսությունը կարող է արտաքինը քննարկելու զվարճալի միջոց լինել, սակայն չարժե այն գեղեցկության համընդհանուր կանոնի վերածել։


Հետևեք NEWS.am STYLE-ին Facebook-ում, Twitter-ում և Instagram-ում





  • Related News



@NEWSam_STYLE

  • Archive
Search