Rolls-Royce-ը որոշել է ապացուցել, որ շքեղությունը կարող է մակնիշի ավտոմեքենաների սեփականատերերին ուղեկցել ոչ միայն ճանապարհին, այլև հանգստի ժամերին։ Բրիտանական ավտոարտադրողը ներկայացրել է նարդու բացառիկ հավաքածու, որը նախագծվել է ընկերության սեփական Bespoke Collective ստորաբաժանման կողմից։ Դրա ստեղծման համար պահանջվել է մեկ տարի, իսկ նախնական արժեքը կազմում է շուրջ 50 հազար դոլար։
Հավաքածուի ձևավորման մեջ օգտագործվել են նույն այն նյութերն ու գունային լուծումները, որոնք ծանոթ են Rolls-Royce-ի ավտոմեքենաների սրահներից։ Օխրայի, քարի և ավազի երանգները հիշեցնում են Միջագետքը՝ այն տարածաշրջանը, որտեղ շուրջ հինգ հազար տարի առաջ ծնունդ է առել հնագույն սեղանի խաղերից մեկը։ Կառուցվածքում ներդաշնակորեն համադրված են ալյումինը, ամերիկյան ընկուզենին և արտահայտիչ հյուսվածքով բնական կաշին։

Հավաքածուի ինժեներական գլխավոր առանձնահատկությունը ալյումինի ամբողջական կտորից պատրաստված ծավալուն ծխնին է, որը հղկվել է ձեռքով և ենթարկվել անոդացման։ Դրա շնորհիվ պատյանը բացվում է, իսկ կենտրոնական առանցքը պտտվում է հակառակ ուղղությամբ՝ բացելով խաղադաշտն ու քարերը։
Կոնստրուկցիայի վերին հատվածում տեղադրված է հանրահայտ «Էքստազի ոգին» արձանիկը։ Ինչպես և մակնիշի ավտոմեքենաների դեպքում, այստեղ ևս այն պահպանում է իր ուղղահայաց դիրքը՝ անկախ նրանից, թե ինչ անկյան տակ է թեքված տուփը։
Խաղային մակերեսը պատրաստված է արքայական ընկուզենու ծակոտկեն շպոնից և ծխագույն էվկալիպտից։ Նախշի երկու կեսերը մանրակրկիտ կերպով համադրված են միմյանց 55 աստիճանի անկյան տակ. ճիշտ նույն տեխնոլոգիայով է Rolls-Royce-ը ձևավորում իր ավտոմեքենաների սրահների փայտե դետալները։

Քարերը պատրաստված են բոքսիտի հավելումով կոմպոզիտային նյութից և ներկայացված են երկու գույնով՝ գիշերային երկինք հիշեցնող սև (Deep Night Sky) և սպիտակ (Antarctica)։ Խաղադրույքը կրկնապատկելու զառը զարդարված է մեղրաբջիջների տեսքով նախշով, ինչը հղում է Գերմանիայում, ԱՄԷ-ում, Բահրեյնում և Կատարում ընկերության պահած մեղվանոցներին։ Իսկ զառերը նետելու բաժակների կաշվե երեսպատումը խլացնում է ձայնը նետման պահին։
Չնայած ավելի երիտասարդ լսարան գրավելու ձգտմանը՝ Rolls-Royce-ը հավատարիմ է մնում իր պատմությանը։ Դեռևս 1938 թվականին անհատական պատվերով ստեղծվել էր Wraith ավտոմեքենան, որի սրահի հետևի հատվածում ներկառուցված նարդի կար։ Այսպիսով, նոր նախագիծը շարունակում է մակնիշի վաղեմի ավանդույթը։
Ընկերությունը նորույթի պաշտոնական գինը դեռ չի հայտնել, սակայն, ըստ շրջանառվող լուրերի, հավաքածուն կարժենա մոտ 50 հազար դոլար։ Համեմատության համար նշենք, որ Rolls-Royce-ի շախմատի հավաքածուն, որի մշակման վրա ևս մոտ մեկ տարի էր պահանջվել, գնահատվում է շուրջ 44 հազար դոլար։
Այդուհանդերձ, շքեղության առարկաների շուկայում կան նաև անհամեմատ ավելի թանկ խաղային հավաքածուներ։ Օրինակ՝ Charles Hollander նարդին համարվում է աշխարհում ամենաթանկը. սև և սպիտակ ադամանդներով զարդարված այդ հավաքածուի արժեքը հասնում է մոտ 5 միլիոն դոլարի։ Ածխածնային մանրաթելից և փայտից պատրաստված Chopard Classic Racing նարդին նույնպես գնահատվում է գրեթե մեկ միլիոն դոլար։
Rolls-Royce-ի նոր հավաքածուն դեռ չի հայտնվել բրենդի առցանց խանութում, սակայն, ըստ տեղեկությունների, հետաքրքրված գնորդներն արդեն կարող են հարցումներ ուղարկել ֆիրմային սրահներ։
Հետևեք NEWS.am STYLE-ին Facebook-ում, Twitter-ում և Instagram-ում
21:19, 18 նոյեմբերի
Rolls-Royce-ը նարդին վերածել է 50 հազար դոլարանոց շքեղության առարկայի. բացառիկ հավաքածուի ստեղծման վրա մի ամբողջ տարի է ծախսվել20:23, 18 նոյեմբերի
Սիրուհու հետ Ջենսեն Հուանգի աղմկահարույց լուսանկարից հետո Շանհայի ռեստորանում ասեղ գցելու տեղ չկա. այցելուները «որսի են դուրս եկել» միլիարդատիրոջ սեղանի համար19:50, 18 նոյեմբերի
«Մոնթե». լեգենդը՝ մանրամասներով. Genetic Production-ը նոր կինոնկար է ներկայացրել մարդ-դարաշրջանի մասին19:33, 18 նոյեմբերի
Աբու Դաբին սուպերզբոսանավերի սեփականատերերին գրավում է շքեղ հանգստի առաջարկներով. էմիրությունը մտադիր է էլ ավելի շատ միլիարդատերերի ներգրավել16:24, 18 նոյեմբերի
«Թրամփի տակդիրների պայուսակը». նախագահի օգնականը համացանցում ծաղրի է ենթարկվել ասիական շրջագայության ժամանակ կրած հսկայական պայուսակի պատճառով16:01, 18 նոյեմբերի

15:14, 18 նոյեմբերի
Մահճակալի չափ լողացող տուն. բլոգերը կառուցել է աշխարհի ամենափոքր հաուսբոթը, սակայն դրա մեջ անցկացրած երեք օրն իսկական փորձություն է դարձել14:22, 18 նոյեմբերի
«Ես հենարան էի փնտրում և վախենում էի միայնությունից». Ջենիֆեր Լոպեսն անկեղծացել է չորս ամուսնությունների ու սիրային հիասթափությունների մասին13:17, 18 նոյեմբերի
Ջեֆ Բեզոսն անձամբ է ընտրել նոր Ջեյմս Բոնդին. միլիարդատերը խոստովանել է, որ ակտիվորեն ներգրավված է եղել Ռոբերտ Փաթինսոնի քասթինգում12:18, 18 նոյեմբերի
Cartier-ի ինքնակոչ ժառանգորդուհուն վռնդել են Նյու Յորքում կայացած աշխարհիկ միջոցառումից11:20, 18 նոյեմբերի
Էնն Հեթեուեյը երրորդ անգամ մայր է դարձել. 44-ամյա դերասանուհուն նկատել են նորածինը գրկին10:30, 18 նոյեմբերի
Ջենիֆեր Լոպեսին ծաղրել են շրթունքների 150 դոլարանոց բալզամի գովազդի համար. ԱԲ-ով ստեղծված հոլովակն անվանել են «ապրանքի ամենաաբսուրդային թողարկումը պատմության մեջ»