Մարդը առաջին հերթին հոգի է. Նարինե Գրիգորյան

Թատրոնը՝ որպես ներշնչանքի աղբյուր․ Մարիկա Դովլաթբեկյանը՝ բեմից դուրս

Աիդա Կարապետյանի ու ամուսնու՝ Արամի սիրո պատմությունը. ծանոթությունից մինչև անսպասելի ամուսնություն

Մարդիկ կան՝ վատ բաներ են մեր հետևից ասում, մարդիկ կան՝ ուրախանում են. Հելոուինը` Հայաստանում

VIDEO. Սոս Ջանիբեկյանը, Լուիզա Ներսիսյանը, Դիանա Մալենկոն և Լևոն Հախվերդյանը՝ սիրային քառանկյունու կիզակետում

Ինչպես Նարեին դիմավորեցին «Զվարթնոց» օդանավականում՝ «Մանկական Եվրատեսիլում» հաղթանակից հետո. երգչուհու էմոցիաները

Թեմա կա. ո՞ւմ մասին է Աստղիկ Սաֆարյանը մտածում գիշերվա 2-ին և ո՞ւմ է տեսնում որպես «Երկու աստղի» հաջորդ զույգ

Օսկար Ուայլդի «Սալոմեն»՝ Երևանի դրամատիկական թատրոնի նոր հարթակում

Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

«Տղամարդկանց կարելի է նույնիսկ 80 տարեկանում, իսկ կանանց՝ 40-ից հետո ո՞չ». 52 տարեկանում երրորդ երեխային սպասող Հիլարի Սուոնքը վրդովվել է երկակի չափանիշներից

11:44, 19 նոյեմբերի

Հոլիվուդյան դերասանուհի Հիլարի Սուոնքը, որն այժմ՝ 52 տարեկանում, սպասում է իր երրորդ երեխայի ծննդին, հասարակությանը կոչ է արել վերանայել ավելի հասուն տարիքում մայրանալու որոշում կայացրած կանանց նկատմամբ վերաբերմունքը։ «Օսկար»-ի կրկնակի դափնեկրի խոսքով՝ ուշ տարիքում մայրանալն աստիճանաբար դառնում է սովորական երևույթ, և ժամանակն է դադարել զարմանալ նման որոշումներից։

Այս մասին «Մեղուներ» հեռուստասերիալի աստղը պատմել է բրիտանական This Morning հեռուստահաղորդմանը տված հարցազրույցի ընթացքում։

Հաղորդման վարող Քեթ Դիլին, որն այժմ 50 տարեկան է, հիշել է, որ 42 տարեկանում կրտսեր որդու՝ Ջեյմսի ծննդից հետո իրեն անվանել են «տարիքով մայր»։ Նա Սուոնքից հետաքրքրվել է՝ արդյոք դերասանուհին այժմ բախվում է նման վերաբերմունքի։

«Գիտե՞ք, ժամանակն է հարմարվելու նոր նորմերին։ Աշխարհն այնքան է առաջադիմել, մարդիկ շատ ավելի երկար են ապրում, և ավելի ու ավելի շատ կանայք են ցանկանում երեխա ունենալ ավելի հասուն տարիքում։ Սա աստիճանաբար դառնում է միանգամայն սովորական երևույթ»,-հայտարարել է դերասանուհին։

Սուոնքը նաև խոստովանել է, որ այս հղիությունը շատ ավելի հեշտ է տանում, քան նախորդը, երբ սպասում էր երկվորյակների։

«Երկվորյակներով հղիության ընթացքում ես շարունակել եմ աշխատել մինչև հղիության երրորդ եռամսյակի երրորդ շաբաթը։ Դա հեշտ չէր․ օրական 18 ժամ աշխատում էի, և ինձ երկու փոխարինող դերասանուհի էր անհրաժեշտ, քանի որ նրանց թույլ չէր տրվում արտաժամյա աշխատել, մինչդեռ պարզվում է՝ հղի և հասուն տարիքի կնոջը դա թույլատրվում էր»,-հեգնանքով պատմել է Հիլարին։

Միաժամանակ դերասանուհին ընդգծել է, որ իրեն անսահման երջանիկ է զգում, քանի որ կարողացել է համատեղել կարիերան և մայրությունը։

Սուոնքի խոսքով՝ նրա երեքամյա երկվորյակները մեծ անհամբերությամբ են սպասում իրենց կրտսեր եղբոր կամ քրոջ լույս աշխարհ գալուն։ Դերասանուհին պատմել է, որ երեխաներն անընդհատ հարցնում են, թե երբ է ծնվելու փոքրիկը։

Հիշեցնենք, որ Հիլարի Սուոնքն իր երրորդ հղիության մասին հայտարարել է հոկտեմբերի 14-ին։ Նա Instagram-ի իր էջում հրապարակել էր ընտանեկան ինքնատիպ տեսանյութ, որում ինքն ու ամուսինը՝ երկվորյակների հետ, մթության մեջ պարում են՝ մարմնին ամրացված լուսարձակող ձողիկներով։ Տեսանյութի մի դրվագում Սուոնքը ցույց է տալիս արդեն կլորացած փորը, որին նույնպես ամրացված էր փոքրիկ լուսարձակող ձողիկ՝ խորհրդանշելով ապագա փոքրիկին։

Սա առաջին դեպքը չէ, երբ դերասանուհին պատասխանում է նրանց, ովքեր կարծում են, թե նա չափազանց մեծ է ևս մեկ երեխա ունենալու համար։ Ավելի վաղ, Դրյու Բերիմորի հաղորդմանը մասնակցելիս, Սուոնքն ուշադրություն էր հրավիրել տղամարդկանց և կանանց նկատմամբ կիրառվող երկակի չափանիշների վրա։

«Կանայք բախվում են խիստ քննադատության, երբ որոշում են երեխա ունենալ ավելի հասուն տարիքում։ Տղամարդկանց դեպքում նման վերաբերմունքը գրեթե չի դրսևորվում։ Եվ սա բավական ուշագրավ է»,– նշել է դերասանուհին։

Սուոնքը պատմել է նաև մի անծանոթ կնոջ հետ ունեցած զրույցի մասին։ Վերջինս հանդիմանել էր նրան՝ պնդելով, որ դերասանուհին չափազանց մեծ է մայրանալու համար։ Կինը նշել էր, որ Հիլարին կարող է չապրել այնքան, մինչև իր երեխաները մեծանան, և որպես օրինակ բերել էր սեփական հոր մահը, որին կորցրել էր 20 տարեկանից փոքր-ինչ ավելի մեծ տարիքում։

Սակայն Հիլարին խոստովանել է, որ այդ պատմությունն այլ կերպ է ընկալել։

«Ես մտածեցի՝ ավելի լավ է ծնվել և հասցնել ապրել բոլոր այն հրաշալի պահերը մարդու հետ, որը քեզ համար ամենաթանկը կդառնա, նույնիսկ եթե մի օր նա այլևս կողքիդ չլինի, քան ընդհանրապես երբեք նման փորձառություն չունենալ»,-բացատրել է դերասանուհին։

Հիլարի Սուոնքն ու նրա ամուսինը՝ ձեռնարկատեր Ֆիլիպ Շնայդերը, ամուսնացել են 2018 թվականին։ 2023 թվականի ապրիլին զույգը երկվորյակներ է ունեցել՝ Այային և Օմին։ Այժմ ամուսինները պատրաստվում են դիմավորել իրենց երրորդ երեխային, որի ծնունդը սպասվում է Սուրբ Ծննդյան տոներին։


Հետևեք NEWS.am STYLE-ին Facebook-ում, Twitter-ում և Instagram-ում





  • Related News



@NEWSam_STYLE

  • Archive
Search