Մարդը առաջին հերթին հոգի է. Նարինե Գրիգորյան

Թատրոնը՝ որպես ներշնչանքի աղբյուր․ Մարիկա Դովլաթբեկյանը՝ բեմից դուրս

Աիդա Կարապետյանի ու ամուսնու՝ Արամի սիրո պատմությունը. ծանոթությունից մինչև անսպասելի ամուսնություն

Մարդիկ կան՝ վատ բաներ են մեր հետևից ասում, մարդիկ կան՝ ուրախանում են. Հելոուինը` Հայաստանում

VIDEO. Սոս Ջանիբեկյանը, Լուիզա Ներսիսյանը, Դիանա Մալենկոն և Լևոն Հախվերդյանը՝ սիրային քառանկյունու կիզակետում

Ինչպես Նարեին դիմավորեցին «Զվարթնոց» օդանավականում՝ «Մանկական Եվրատեսիլում» հաղթանակից հետո. երգչուհու էմոցիաները

Թեմա կա. ո՞ւմ մասին է Աստղիկ Սաֆարյանը մտածում գիշերվա 2-ին և ո՞ւմ է տեսնում որպես «Երկու աստղի» հաջորդ զույգ

Օսկար Ուայլդի «Սալոմեն»՝ Երևանի դրամատիկական թատրոնի նոր հարթակում

Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Բրիտանական կառավարությունը ծաղրել է նոր Ջեյմս Բոնդին

13:06, 19 նոյեմբերի

Նույնիսկ Մեծ Բրիտանիայի իշխանությունները չեն կարողացել զերծ մնալ Ռոբերտ Պատինսոնի հասցեին կատակելուց, որին վերջերս պաշտոնապես հայտարարել են Ջեյմս Բոնդի դերի նոր դերակատար։ Բրիտանական կառավարությունը հումորով է արձագանքել դերասանի անսպասելի նշանակմանը՝ երիտասարդների զբաղվածության ծրագրին նվիրված հրապարակման մեջ կատակելով, թե աստղը պատրաստվում է դիմել միանգամից 90 հազար թափուր աշխատատեղի համար։

Այն բանից հետո, երբ հայտարարվեց, որ 40-ամյա Պատինսոնը մարմնավորելու է 007 գործակալին, սոցիալական ցանցերը ողողվեցին նրա անհավանական պահանջվածության մասին կատակներով։ Օգտատերերը հեգնում են, որ դերասանը, կարծես, մտադիր է զբաղեցնել Հոլիվուդում և դրանից դուրս առկա բոլոր թափուր աշխատատեղերը։

Բրիտանական կառավարությունն էլ որոշել է միանալ համացանցային հումորային ալիքին։ Գերատեսչության Instagram-ի պաշտոնական էջում հրապարակում է հայտնվել՝ նվիրված երիտասարդների զբաղվածության աջակցության նոր ծրագրին։ Նախաձեռնությունը նախատեսում է Մեծ Բրիտանիայի երիտասարդների համար 90 հազար աշխատատեղի ստեղծում։

Սակայն սովորական պաշտոնական պատկերազարդման փոխարեն իշխանություններն օգտագործել են Ջեյմս Բոնդի կերպարով Պատինսոնի լուսանկարը։

«Շտապ լուր․ Ռոբերտ Պատինսոնը դիմելու է երիտասարդների զբաղվածության ծրագրի շրջանակում ստեղծված բոլոր 90 հազար աշխատատեղերի համար»,-ասվում էր հրապարակման գրառման մեջ։

Կատակն անմիջապես միացել է բազմաթիվ մեմերին, որոնցում հեգնում են, թե Պատինսոնը, կարծես, պատրաստ է մարմնավորել բացարձակապես ցանկացած կերպար և զբաղեցնել ցանկացած աշխատատեղ։

«Արհեստական բանականությունն ինձ աշխատանքից չի զրկի։ Դա կանի Ռոբերտ Պատինսոնը»,-ասվում է տարածված կատակներից մեկում։

«Եթե դեռ աշխատանք ունեք, ուրեմն Ռոբերտ Պատինսոնը պարզապես դեռ չի ցանկացել այն զբաղեցնել»,- հեգնում են մյուս օգտատերերը։

Հիշեցնենք, որ նոյեմբերի 16-ին Amazon MGM Studios-ը պաշտոնապես հայտարարել է Ռոբերտ Պատինսոնին Ջեյմս Բոնդի նոր դերակատար ընտրելու մասին։ Նա կփոխարինի Դենիել Քրեյգին, որը հայտնի բրիտանացի լրտեսին մարմնավորել է ֆրանշիզայի հինգ ֆիլմերում։

007 գործակալի մասին հաջորդ ֆիլմի ռեժիսորը կլինի «Դյունա» և «Բլեյդ Ռաններ 2049» ֆիլմերով հայտնի Դենի Վիլնյովը։ Սցենարի հեղինակը «Սուր հովարներ» հեռուստասերիալի ստեղծող Սթիվեն Նայթն է։

Հատկանշական է, որ Մեծ Բրիտանիայի թագավորական ընտանիքը նույնպես շնորհավորել է դերասանին նոր դերում նշանակվելու կապակցությամբ՝ ողջունելով նրան «Նորին Մեծության գաղտնի ծառայությունում»։


Հետևեք NEWS.am STYLE-ին Facebook-ում, Twitter-ում և Instagram-ում





  • Related News



@NEWSam_STYLE

  • Archive
Search