Մարդը առաջին հերթին հոգի է. Նարինե Գրիգորյան

Թատրոնը՝ որպես ներշնչանքի աղբյուր․ Մարիկա Դովլաթբեկյանը՝ բեմից դուրս

Աիդա Կարապետյանի ու ամուսնու՝ Արամի սիրո պատմությունը. ծանոթությունից մինչև անսպասելի ամուսնություն

Մարդիկ կան՝ վատ բաներ են մեր հետևից ասում, մարդիկ կան՝ ուրախանում են. Հելոուինը` Հայաստանում

VIDEO. Սոս Ջանիբեկյանը, Լուիզա Ներսիսյանը, Դիանա Մալենկոն և Լևոն Հախվերդյանը՝ սիրային քառանկյունու կիզակետում

Ինչպես Նարեին դիմավորեցին «Զվարթնոց» օդանավականում՝ «Մանկական Եվրատեսիլում» հաղթանակից հետո. երգչուհու էմոցիաները

Թեմա կա. ո՞ւմ մասին է Աստղիկ Սաֆարյանը մտածում գիշերվա 2-ին և ո՞ւմ է տեսնում որպես «Երկու աստղի» հաջորդ զույգ

Օսկար Ուայլդի «Սալոմեն»՝ Երևանի դրամատիկական թատրոնի նոր հարթակում

Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

«Նա հիշաչար է». Քրիստինա Ռիչին պատմել է, թե ինչու է Շերը դադարել շփվել իր հետ

14:33, 19 նոյեմբերի

Հոլիվուդյան դերասանուհի Քրիստինա Ռիչին պատմել է, թե ինչու է դադարել շփվել լեգենդար Շերի հետ, որը ժամանակին նրա համար իսկական խորհրդատու և ուսուցիչ էր դարձել։ Պարզվել է, որ տարիներ շարունակ տևած տարաձայնության պատճառը թյուրիմացությունն է եղել, որը տեղի է ունեցել գրեթե 30 տարի առաջ, երբ Ռիչին ընդամենը 19 տարեկան էր։

Դերասանուհին կինոյում իր նորամուտը նշել է 1990 թվականին՝ նկարահանվելով «Ջրահարսները» ֆիլմում, որտեղ մարմնավորել է Շերի հերոսուհու դստերը։ Այդ ժամանակ նա ընդամենը ինը տարեկան էր, իսկ նրա գործընկերուհիներից էր նաև Վայնոնա Ռայդերը։

Ռիչին միշտ ջերմությամբ է հիշել Շերին, որը հոգ էր տանում իր մասին, պաշտպանում էր նրան նկարահանման հրապարակում ծագող տարաձայնություններից և նույնիսկ հրավիրում իր՝ Մալիբուում գտնվող տուն՝ գիշերազգեստներով կազմակերպվող երեկույթների։ 2024 թվականին նկարահանված Child Star վավերագրական ֆիլմում դերասանուհին պատմել է, որ երգչուհին իր հովանավորության տակ է վերցրել իրեն և օգնել կողմնորոշվել կինոարդյունաբերության բարդ աշխարհում։

Սակայն ծանոթությունից մոտ տասը տարի անց նրանց շփումը դադարել է։ Տարիներ անց՝ Watch What Happens Live with Andy Cohen հաղորդմանը մասնակցելու ժամանակ, Ռիչին պարզաբանել է, թե ինչ է տեղի ունեցել։

Երբ հաղորդավար Էնդի Քոենը հարցրել է՝ արդյոք նա կապ է պահպանում երգչուհու հետ, դերասանուհին պատասխանել է.

«Ցավոք, ոչ։ Նա դեռ զայրացած է ինձ վրա։ Նա հիշաչար է»։

Ռիչիի խոսքով՝ ամեն ինչ տեղի է ունեցել, երբ ինքը 19 տարեկան էր։ Ամսագրերից մեկում՝ ենթադրաբար Rolling Stone-ում կամ Premiere-ում, հրապարակվել էր Շերի հարցազրույցը, որտեղ երգչուհին, իբր, ոչ այնքան բարեհաճ է արտահայտվել իր երիտասարդ գործընկերուհու մասին։

Հրապարակումից հետո Շերը դերասանուհուն ձայնային հաղորդագրություն է թողել։ Նա բացատրել է, որ լրագրողները հաճախ առանձնացնում և հրապարակում են ամենատհաճ արտահայտությունները, ապա ներողություն խնդրել տեղի ունեցածի համար։ Սակայն 19-ամյա Քրիստինան նրան հետ չի զանգահարել։

«Եվ, ըստ երևույթին, նա վիրավորվել է հենց նրանից, որ ես չպատասխանեցի իր հաղորդագրությանը։ Ավելի ուշ փորձել եմ կապ հաստատել նրա հետ, բայց պատասխանն ամբողջական լռությունն էր»,-պատմել է դերասանուհին։

Միևնույն ժամանակ Ռիչին ընդգծել է, որ մինչ օրս պաշտում է Շերին և լիովին հասկանում նրա արձագանքը։

«Ես միանգամայն կարող եմ ինձ պատկերացնել Շերի փոխարեն։ Նա կարող էր մտածել. «Աստվա՜ծ իմ, ինձ սխալ են մեջբերել։ Պետք է զանգահարեմ այդ երիտասարդ աղջկան և ամեն ինչ բացատրեմ»։ Իսկ հետո այդ աղջիկն այնքան է լկտիանում, որ նույնիսկ հետ չի զանգում՝ ասելու. «Շե՛ր, ամեն ինչ կարգին է, ես Ձեզ այնքան եմ սիրում»։ Նրա փոխարեն ես նույնպես սարսափելի կզայրանայի։ Ես հասկանում եմ նրան»,-խոստովանել է Քրիստինան։

Զրույցի վերջում դերասանուհին անմիջապես տեսախցիկին նայելով՝ դիմել է երգչուհուն՝ ակնհայտորեն հույս ունենալով հաշտվել նրա հետ.

«Սիրում եմ քեզ, Շե՛ր։ Ես քեզ շատ եմ սիրում»։

Պատմությունը սոցիալական ցանցերում հակասական արձագանքների է արժանացել։ Որոշ օգտատերեր զարմացել են, որ գրեթե 30 տարի տևած տարաձայնության պատճառ կարող էր լինել ընդամենը մեկ անպատասխան ձայնային հաղորդագրությունը։

«Մի րոպե, նրանք վիճե՞լ են միայն այն պատճառով, որ նա գրեթե 30 տարի առաջ ներողություն խնդրելուց հետո հետ չի զանգահարել։ Եթե դա ճիշտ է, ապա սա անհավանական մանրախնդրություն է»,-գրել է մեկնաբաններից մեկը։

Մյուսները նշել են, որ Շերը չպետք է լրագրողների վրա բարդեր սեփական խոսքերի պատասխանատվությունը, իսկ ոմանք երգչուհուն խորհուրդ են տվել վերջապես մոռանալ հին վիրավորանքը։


Հետևեք NEWS.am STYLE-ին Facebook-ում, Twitter-ում և Instagram-ում





  • Related News



@NEWSam_STYLE

  • Archive
Search