Մարդը առաջին հերթին հոգի է. Նարինե Գրիգորյան

Թատրոնը՝ որպես ներշնչանքի աղբյուր․ Մարիկա Դովլաթբեկյանը՝ բեմից դուրս

Աիդա Կարապետյանի ու ամուսնու՝ Արամի սիրո պատմությունը. ծանոթությունից մինչև անսպասելի ամուսնություն

Մարդիկ կան՝ վատ բաներ են մեր հետևից ասում, մարդիկ կան՝ ուրախանում են. Հելոուինը` Հայաստանում

VIDEO. Սոս Ջանիբեկյանը, Լուիզա Ներսիսյանը, Դիանա Մալենկոն և Լևոն Հախվերդյանը՝ սիրային քառանկյունու կիզակետում

Ինչպես Նարեին դիմավորեցին «Զվարթնոց» օդանավականում՝ «Մանկական Եվրատեսիլում» հաղթանակից հետո. երգչուհու էմոցիաները

Թեմա կա. ո՞ւմ մասին է Աստղիկ Սաֆարյանը մտածում գիշերվա 2-ին և ո՞ւմ է տեսնում որպես «Երկու աստղի» հաջորդ զույգ

Օսկար Ուայլդի «Սալոմեն»՝ Երևանի դրամատիկական թատրոնի նոր հարթակում

Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Նյու Յորքի Հինգերորդ պողոտան կրկին դարձել է աշխարհի ամենաթանկ առևտրային փողոցը

19:35, 19 նոյեմբերի

Նյու Յորքի Հինգերորդ պողոտան կրկին գլխավորել է աշխարհի ամենաթանկ առևտրային փողոցների վարկանիշը՝ առաջ անցնելով Լոնդոնի Նյու Բոնդ սթրիթից և Միլանի Վիա Մոնտենապոլեոնեից։ Վերջին մեկ տարվա ընթացքում Մանհեթենի այս հեղինակավոր հատվածում առևտրային տարածքների վարձակալության արժեքն աճել է միանգամից 35 տոկոսով՝ տարեկան միջինը հասնելով 2700 դոլարի՝ մեկ քառակուսի ֆուտի դիմաց։

Այս տվյալները ներկայացրել է միջազգային խորհրդատվական Cushman & Wakefield ընկերությունը՝ Main Streets Across the World 2026 ամենամյա հետազոտության շրջանակում, որն ընդգրկում է աշխարհի 147 առաջատար առևտրային փողոցները։

Հինգերորդ պողոտան վարկանիշի երրորդ հորիզոնականից բարձրացել է առաջինը՝ 2023 թվականից ի վեր առաջին անգամ վերականգնելով առաջատարի դիրքը։

Համեմատության համար նշենք, որ անցյալ տարի առաջին տեղը զբաղեցրած Լոնդոնի Նյու Բոնդ սթրիթում տարեկան վարձակալության արժեքը կազմում է 2230 դոլար՝ մեկ քառակուսի ֆուտի դիմաց, իսկ Միլանի Վիա Մոնտենապոլեոնեում՝ 2160 դոլար։ Ընդ որում, վերջին մեկ տարվա ընթացքում երկու փողոցներում էլ վարձակալության գները գրեթե չեն փոխվել։

Խոսքը Հինգերորդ պողոտայի մոտ կես մղոն երկարությամբ հատվածի մասին է, որը ձգվում է 49-րդ փողոցում գտնվող Saks Fifth Avenue հանրախանութից մինչև Կենտրոնական զբոսայգու հարավարևելյան հատվածը՝ 60-րդ փողոցի մոտ։ Այստեղ են գտնվում աշխարհի առաջատար ապրանքանիշերի բուտիկները, ոսկերչական խանութներն ու հայտնի հանրախանութները, այդ թվում՝ Tiffany & Co.-ն և Bergdorf Goodman-ը։ Հեղինակավոր դիրքի և զբոսաշրջիկների հսկայական հոսքի շնորհիվ Մանհեթենի այս հատվածը շարունակում է մնալ միջազգային ընկերությունների համար ամենացանկալի վայրերից մեկը։

Հինգերորդ պողոտայի վերադարձը վարկանիշի առաջին հորիզոնական մեծածավալ ներդրումների և լավագույն առևտրային տարածքների համար աճող մրցակցության արդյունք է։ Վերջին երկու տարիների ընթացքում շքեղ ապրանքանիշերի խմբերը այս փողոցի անշարժ գույքում ներդրել են գրեթե 4 միլիարդ դոլար։ Մասնավորապես, Prada-ն ավելի քան 800 միլիոն դոլարով ձեռք է բերել իր խանութները տեղակայող շենքերը, իսկ ֆրանսիական Kering հոլդինգը սեփական անշարժ գույքի ձեռքբերման համար ծախսել է գրեթե 1 միլիարդ դոլար։ Rolex-ն էլ այստեղ կառուցում է 30-հարկանի առաջատար խանութ, որի արժեքը կազմում է շուրջ 250 միլիոն դոլար։

Հեղինակավոր առևտրային տարածքների նկատմամբ պահանջարկը շարունակում է աճել, իսկ ազատ տարածքների թիվը՝ նվազել։ Cushman & Wakefield-ի տվյալներով՝ 2026 թվականի երրորդ եռամսյակում Հինգերորդ պողոտայի վերին հատվածում վարձակալության համար հասանելի տարածքների մասնաբաժինը նվազել է մինչև 13 տոկոս՝ նախորդ տարվա նույն ժամանակահատվածի համեմատ կրճատվելով 4,4 տոկոսային կետով։

Միևնույն ժամանակ փոխվում է նաև առաջատար խանութների հայեցակարգը։ Այժմ դրանք ծառայում են ոչ միայն որպես վաճառքի կետեր, այլև որպես ապրանքանիշին ծանոթանալու, ժամանցի և գնորդների հետ անմիջական շփման հարթակներ։ Դրա օրինակներից մեկը Հինգերորդ պողոտայում բացված Meta խանութն է, որտեղ այցելուները կարող են փորձարկել վիրտուալ իրականության սարքերն ու խելացի ակնոցները, երաժշտություն լսել և սուրճ խմել։

Փոխվում է նաև փողոցի ստորին հատվածի տեսքը, որտեղ նախկինում գերակշռում էին հուշանվերների կրպակներն ու մատչելի ապրանքների խանութները։ Դրանց աստիճանաբար փոխարինում են սպորտային հագուստի, կոշիկի և վերնահագուստի ապրանքանիշերը, որոնք հիմնականում ուղղված են երիտասարդ սպառողներին։

Այնուամենայնիվ, աշխարհի առաջատար առևտրային թաղամասերը շարունակում են գրավել միջազգային ապրանքանիշերին։ Մեկ տարվա ընթացքում աշխարհի 30 ամենահեղինակավոր առևտրային փողոցներում կնքվել է խանութների վարձակալության և բացման 153 գործարք՝ ընդհանուր առմամբ ավելի քան 815 հազար քառակուսի ֆուտ մակերեսով տարածքների համար։ Նոր տարածքների շուրջ 90 տոկոսը զբաղեցրել են միջազգային ընկերությունները, իսկ վարձակալված տարածքների 57 տոկոսը բաժին է հասել նորաձևության ապրանքանիշերին։

Հատկապես աշխույժ է Հինգերորդ պողոտայում Սուրբ Ծննդյան տոներին ընդառաջ։ Դեկտեմբերին այստեղ ամեն օր անցնող հետիոտների թիվը կարող է հասնել 1,5 միլիոնի։ Շքեղ ապրանքանիշերի համար սա պարզապես հեղինակավոր հասցե չէ, այլ հնարավորություն՝ հայտնվելու աշխարհի տարբեր երկրներից ժամանած գնորդների ուշադրության կենտրոնում։


Հետևեք NEWS.am STYLE-ին Facebook-ում, Twitter-ում և Instagram-ում





  • Related News



@NEWSam_STYLE

  • Archive
Search