Փողոցում՝ սառը քամի, ներսում՝ ջեռուցման սարքերից առաջացած չոր օդ, ինչպես նաև ջերմաստիճանի մշտական տատանումներ․ ձմռանը մաշկը բավականին մեծ փորձության է ենթարկվում։ Նույնիսկ սովորական խնամքը կարող է հանկարծակի դադարել արդյունավետ լինել․ դեմքը լվանալուց հետո առաջանում է ձգվածության զգացում, այտերին հայտնվում են կարմիր բծեր, իսկ տոնային քսուքն ընդգծում է թեփոտված հատվածները, որոնք ընդամենը մեկ շաբաթ առաջ դեռ նկատելի չէին։
Պատճառը հաճախ մաշկի պաշտպանիչ պատնեշի խախտումն է։ Նորմալ վիճակում այն պահպանում է խոնավությունը, պաշտպանում արտաքին գրգռիչներից և նպաստում է էպիդերմիսի հարմարավետ վիճակի պահպանմանը։ Սակայն ցրտի, քամու և չոր օդի ազդեցության հետևանքով դրա լիպիդային կառուցվածքը կարող է թուլանալ։ Արդյունքում մաշկն ավելի արագ է կորցնում խոնավությունը, դառնում զգայուն և սկսում ավելի սուր արձագանքել նույնիսկ սովորական կոսմետիկ միջոցներին։
Լավ նորությունն այն է, որ ձմռանը մաշկի խնամքը չի պահանջում տասնյակ նոր միջոցների ձեռքբերում։ Շատ ավելի խելամիտ է վերանայել խնամքի սովորական ռեժիմը, այն դարձնել ավելի նուրբ և կենտրոնանալ մաշկի պաշտպանիչ պատնեշի վերականգնման վրա։
Սկսեք մաքրումից, ոչ թե քսուքից
Ձմռանը հատկապես հեշտ է մաշկը չորացնել դեռևս դեմքը լվանալու փուլում։ Տաք ջուրը, ագրեսիվ մաքրող միջոցները և մինչև մաշկի բնորոշ ճռռոցը մաքրելու զգացողությունը կարող են վնասել մաշկի բնական լիպիդային շերտը։ Արդյունքում նույնիսկ լավ խոնավեցնող քսուքը միշտ չէ, որ կարողանում է վերացնել առաջացած անհարմարությունը։
Ցուրտ եղանակին նախապատվությունը տվեք կրեմային կամ կաթնային հյուսվածքով նուրբ միջոցներին՝ մաքրող կաթիկին, հիդրոֆիլ յուղին, ինչպես նաև առանց ագրեսիվ մակերեսային ակտիվ նյութերի (ՄԱՆ) նուրբ մաքրող գելերին։ Ջուրը պետք է լինի հարմարավետ ջերմաստիճանի՝ թեթևակի գոլ, բայց ոչ տաք։
Եթե մաշկը չոր և զգայուն է, առավոտյան երբեմն բավական է դեմքը լվանալ պարզապես ջրով կամ շատ նուրբ մաքրող միջոցով։ Երեկոյան մաքրումը պետք է լինի ավելի մանրակրկիտ, հատկապես եթե օրվա ընթացքում օգտագործել եք արևապաշտպան քսուք և դեկորատիվ կոսմետիկա։
Ավելի լավ է հրաժարվել սպիրտ պարունակող տոնիկներից, կոշտ սկրաբներից և այն մաքրող միջոցներից, որոնց օգտագործումից հետո դեմքի մաշկը բառացիորեն ձգվում է։ Ձմռանը մաշկը մաքրության մեջ համոզելու կարիք չունի։
Ընտրեք պաշտպանիչ պատնեշը վերականգնողբաղադրիչներ
Սովորական խոնավեցումը կարող է բավարար չլինել, եթե մաշկն արդեն չորացել է, գրգռված է և դարձել է զգայուն։ Այդ դեպքում խնամքի միջոցները պետք է ոչ միայն լրացնեն խոնավության պակասը, այլև նպաստեն պաշտպանիչ լիպիդային շերտի վերականգնմանը։
Քսուքների բաղադրության մեջ ուշադրություն դարձրեք մի քանի խմբի բաղադրիչների։
Կերամիդներ․ լիպիդներ են, որոնք բնականորեն առկա են մաշկի պաշտպանիչ պատնեշում։ Դրանք օգնում են պահպանել դրա ամբողջականությունը, նվազեցնել խոնավության կորուստը և մեղմել չորության զգացումը։
Սկվալան․ փափկեցնում է մաշկը և օգնում նվազեցնել խոնավության գոլորշիացումը։ Իր թեթև հյուսվածքի շնորհիվ հարմար է նաև նրանց, ովքեր չեն սիրում խիտ և յուղոտ քսուքներ։
Գլիցերին և հիալուրոնաթթու․ պատկանում են խոնավեցնող բաղադրիչների խմբին։ Դրանք օգնում են ջուրը ձգել և պահել մաշկի վերին շերտերում։ Հատկապես հարմար է դրանք օգտագործել այնպիսի քսուքի բաղադրության մեջ, որը պարունակում է նաև փափկեցնող և պաշտպանիչ բաղադրիչներ։
Պանտենոլ․ օգնում է հանգստացնել գրգռված մաշկը և նպաստում է վերականգնման գործընթացներին։ Այն հաճախ ներառվում է զգայուն և վնասված մաշկի խնամքի միջոցների բաղադրության մեջ։
Նիացինամիդ․ նպաստում է մաշկի պաշտպանիչ պատնեշի ամրապնդմանը, օգնում է նվազեցնել կարմրությունը և հավասարեցնել մաշկի երանգը։ Զգայուն մաշկի դեպքում ավելի լավ է սկսել ցածր խտությամբ միջոցներից և ուշադիր հետևել մաշկի արձագանքին։
Շիի յուղ, ժոժոբայի յուղ և այլ փափկեցնող բաղադրիչներ․ նվազեցնում են մաշկի ձգվածության զգացումը, դարձնում դրա մակերեսն ավելի փափուկ և օգնում պահպանել խոնավությունը։
Խնամքի միջոցները քսելուց անմիջապես հետո դուրս մի՛ եկեքցուրտ եղանակին
Ձմռանը առավոտյան գեղեցկության խնամքի ռեժիմը փոքր-ինչ վերանայելու կարիք կա։ Եթե քսուքը քսում եք տնից դուրս գալուց անմիջապես առաջ, ժամանակ տվեք, որպեսզի այն հավասարաչափ տարածվի և ներծծվի։ Որպես կողմնորոշիչ կարելի է ընդունել մոտավորապես 15–30 րոպեն՝ կախված միջոցի հյուսվածքից։
Միևնույն ժամանակ տարածված այն պնդումը, թե խոնավեցնող քսուքի բաղադրության մեջ եղած ջուրը դեմքի վրա սառչում է և վնասում մաշկը, իրականությանը չի համապատասխանում։ Կոսմետիկ միջոցի բաղադրության մեջ ջրի առկայությունն ինքնին այն վտանգավոր չի դարձնում ցրտին։ Շատ ավելի կարևոր է մաշկը պաշտպանել քամուց, ցրտից և ջերմաստիճանի կտրուկ տատանումներից։
Երկար զբոսանքների, ձմեռային հանգստի և լեռնային ուղևորությունների համար հարմար են խիտ, պաշտպանիչ քսուքները, այդ թվում՝ կոլդ-քրեմները (cold cream)։ Դրանց բաղադրության մեջ սովորաբար առկա են փափկեցնող և օկլյուզիվ բաղադրիչներ, որոնք մաշկի վրա ստեղծում են լրացուցիչ պաշտպանիչ շերտ։
Մի՛ մոռացեք նաև արևապաշտպանության մասին։ Ձմռանը ուլտրամանուշակագույն ճառագայթումը չի անհետանում, իսկ լեռներում և ձյան պայմաններում արևի ճառագայթների ազդեցությունը կարող է հատկապես ուժեղ լինել։ Հետևաբար SPF-ով միջոցը շարունակում է մնալ առավոտյան խնամքի կարևոր մասը, հատկապես եթե շատ ժամանակ եք անցկացնում դրսում։
Վերականգնեք մաշկի փայլը, բայց մի՛ շտապեք թթուներօգտագործել
Ձմռանը դեմքի մաշկը հաճախ կորցնում է իր բնական փայլը։ Դրա մակերեսը կարող է կոշտանալ, իսկ թեփոտված հատվածները՝ ավելի նկատելի դառնալ։ Պատճառներից մեկը եղջերացած բջիջների կուտակումն է, որի հետևանքով մաշկի մակերեսը կորցնում է իր հարթությունը։ Սակայն դա պատճառ չէ մաշկին ագրեսիվ շերտազատման ենթարկելու համար։ Եթե պաշտպանիչ պատնեշը թուլացած է, թթուների և սկրաբների հաճախակի օգտագործումը կարող է ավելի ուժեղացնել չորությունը, գրգռվածությունն ու կարմրությունը։
Մաշկի նուրբ թարմացման համար կարելի է դիտարկել ֆերմենտային միջոցները, PHA թթուները կամ կաթնաթթվի ցածր խտություն պարունակող միջոցները։ Դրանք կարող են հարմար լինել այն մաշկին, որը լավ է տանում շերտազատումը։ Ավելի լավ է սկսել մեկ միջոցից, օգտագործել այն ոչ հաճախ և ուշադիր հետևել մաշկի արձագանքին։
Սակայն արտահայտված չորության, այրոցի, ճաքերի և ակտիվ թեփոտման դեպքում անհրաժեշտ է ժամանակավորապես հրաժարվել թթուներից, ռետինոիդներից և սկրաբներից։ Նախ պետք է վերականգնել մաշկի բնականոն ու հարմարավետ վիճակը, և միայն դրանից հետո կրկին ներառել ակտիվ բաղադրիչները խնամքի ռեժիմում։
Ի՞նչ անել, եթե մաշկն արդեն կարմրել է և ճաքճքել
Եթե դեմքի մաշկը դարձել է զգայուն, առաջացել է այրոցի զգացում, արտահայտված թեփոտում կամ ցավոտ մանր ճաքեր, անհրաժեշտ է ժամանակավորապես պարզեցնել խնամքի սովորական ռեժիմը։ Այս պահին մաշկին ոչ թե ակտիվ թարմացում, այլ հանգիստ վերականգնում է անհրաժեշտ։
Մի քանի օրով բացառեք սկրաբները, թթուները, ռետինոիդները, սպիրտ պարունակող տոնիկները և մյուս այն միջոցները, որոնք կարող են ուժեղացնել գրգռվածությունը։ Խնամքի մեջ թողեք նուրբ մաքրումը, չեզոք խոնավեցնող քսուքը և ցրտից պաշտպանությունը։ Հատկապես չորացած հատվածների համար կարելի է օգտագործել վազելին կամ այլ օկլյուզիվ բաղադրիչներ պարունակող միջոցներ, եթե մաշկը դրանք լավ է տանում։
Մի՛ փորձեք ինքնուրույն հեռացնել թեփոտվող հատվածները և մի՛ կիրառեք միանգամից մի քանի ակտիվ միջոց վնասված մաշկի վրա։ Եթե կարմրությունը չի անցնում, առաջանում է ուժեղ քոր, այտուց, մաշկից հեղուկի արտազատում կամ ճաքերը դառնում են ցավոտ, անհրաժեշտ է դիմել մաշկաբանի։
Երբեմն սեզոնային չորության հետևում կարող են թաքնված լինել կոնտակտային դերմատիտը, էկզեման կամ ռոզացեան, որոնք պահանջում են բուժման և խնամքի առանձին մոտեցում։
Հետևեք NEWS.am STYLE-ին Facebook-ում, Twitter-ում և Instagram-ում
15:20, 22 նոյեմբերի
Մաշկի իմունիտետը․ ինչպես ազատվել ճաքերից ու կարմրությունից և ցուրտ եղանակին վերականգնել դեմքի փայլը14:35, 22 նոյեմբերի
Հայկական ոճ․ 70-ականների ռոմանտիկայից մինչև քրեական աշխարհի կնոջ էսթետիկա․ ընտրում ենք այս աշնան նորաձև կողմը13:56, 22 նոյեմբերի
Տաշքենդում կայացած Our Generation մրցույթում Հայաստանի ներկայացուցիչ Լեոն զբաղեցրել է 2-րդ տեղը12:12, 22 նոյեմբերի
Ո՞վ կդառնա ԱՄՆ հաջորդ առաջին տիկինը․ հանրապետական քաղաքական գործիչների կանայք և ընտրյալներն արդեն պայքարում են Մելանյա Թրամփի տեղը զբաղեցնելու համար10:30, 22 նոյեմբերի

09:00, 22 նոյեմբերի
Wine Scope․ Ո՞ր գինին եք դուք այս հանգստյան օրերին ըստ կենդանակերպի նշանի19:23, 21 նոյեմբերի
Երկրպագուն 2000 կիլոմետր ճանապարհ է անցել՝ հնդիկ բլոգերի հետ ամուսնանալու համար. աղջկա հայրն ու հարևանները ծեծելով սպանել են նրան19:10, 21 նոյեմբերի
Մահացել է լեգենդար ոսկերիչ Պաոլո Բուլգարին, ով ընտանեկան բիզնեսը վերածել էր համաշխարհային շքեղության18:17, 21 նոյեմբերի
Ջենիֆեր Լոպեսը կարմիր գորգ է դուրս եկել թափանցիկ զգեստով և 100 կարատանոց ադամանդով17:29, 21 նոյեմբերի
Բացահայտվել է արքայազն Հարիի և Մեգան Մարքլի՝ Մեծ Բրիտանիա հանկարծակի վերադարձի անսպասելի պատճառը16:19, 21 նոյեմբերի
Մելանիա Թրամփը քննադատել է ամուսնու շրջապատին. առաջին տիկնոջ խոսքով՝ Դոնալդին շրջապատել են միայն քծնողների15:22, 21 նոյեմբերի
Մաքոլեյ Կալկինը վերադառնում է «Տանը մենակ» ֆիլմին. պաշտամունքային ֆիլմն անսպասելի շարունակություն կունենա