Ինչպես Նարեին դիմավորեցին «Զվարթնոց» օդանավականում՝ «Մանկական Եվրատեսիլում» հաղթանակից հետո. երգչուհու էմոցիաները

Թեմա կա. ո՞ւմ մասին է Աստղիկ Սաֆարյանը մտածում գիշերվա 2-ին և ո՞ւմ է տեսնում որպես «Երկու աստղի» հաջորդ զույգ

Օսկար Ուայլդի «Սալոմեն»՝ Երևանի դրամատիկական թատրոնի նոր հարթակում

Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Արամ MP3-ը՝ պրոմո շրջագայության, շոուի եւ սիրահար զույգերի մրցույթի մասին (ֆոտո)

13:24, 26 ապրիլի

«Եվրատեսիլ 2014» երգի մրցույթի եզրափակիչ փուլին հաշված օրեր են մնացել։ Արամ MP3-ը եւ մրցույթի հայաստանյան պատվիրակությունը ապրիլի 27-ին կմեկնեն Կոպենհագեն, որտեղ էլ կիրականացվի նախամրցույթային ամբողջ գործընթացը։ Այս մասին այսօր՝ ապրիլի 26-ին, «Արմենիա-Մարիոթ» հյուրանոցում լրագրողների հետ հանդիպման ժամանակ ասաց «Եվրատեսիլ»-ում հայաստանյան պատվիրակության ղեկավար Գոհար Գասպարյանը։

«Բարձր տրամադրությամբ ենք վերադարձել պրոմո շրջագայությունից։ Եվ նույն տրամադրությամբ պատրասվում ենք մեկնել Կոպենհագեն։ Ասեմ, որ Արամը մրցույթի առաջին կիսաեզրափակիչ փուլում ելույթ կունենա առաջին համարի ներքո։ Հուսամ՝ այսպես առաջատար դիրքերով էլ կշարունակենք»,- նշեց Գոհար Գասպարյանը։

Ասուլիսի ընթացաքում Արամը ներկայացրել է շրջագայությունից տպավորությունները. «Եղել ենք Ռուսաստանի քաղաքներում եւ Եվրոպայի մի շարք երկրներում։ Վերջին համերգը կայացավ Բրյուսելում։ Վերադարձել եմ դրական լիցքերով։ Համերգներն անցնում էին ջերմ մթնոլորտում։ Շատ ուրախ եմ, որ սփյուքում բնակվող հայերն իրենց դրական կարծիքն էին արտահայտում եւ ասում, որ մեր կողքին են լինելու։ Եվ այս նույն ոգեւորությամբ պատրաստվում եմ մեկնել Դանիա»։

Իսկ Գոհարն ավելացրեց. «Շատ հետաքրքիր շրջագայություն էր։ Ունեցել ենք երկու մեծ համերգ, որից մեկը համընկեց Արամի ծննդյան օրվա հետ՝ գեղեցիկ եւ անսպասելի անակնկալով։ Նշեմ, որ ապրիլի 28-ից սկսվելու են փորձերը, որին կարող եք հետեւել Արամի ֆեյսբուքի պաշտոնական էջում»։

Հիշեցնենք, որ մրցույթի առաջին կիսաեզրափակիչը կկայանա մայիսի 6-ին, B&W Hallerne համերգասրահում։ Արամը MP3-ը բեմում հանդես կգա միայնակ։

«Որոշեցինք, որ Արամը միայնակ լինի։ Այդպես ավելի տպավորիչ կլինի։ Իհարկե, լուսային նոր տեխնոլոգաների արդյունքում հետաքրքիր շոու կստանանք։ Բեք-վոկալիստներ նույնպես չեն լինելու»,- նշեց Գոհարը։

Ինչպես գիտենք, «Not alone» տեսահոլովակում Արամի ոճով զբաղվել է Արամ Նիկոլյանը։ Մրցույթին նույնպես ոճաբանը ջանք չի խնայել եւ հետաքրքիր, նորաոճ զգեստներ է պատրաստել, որի մասին Գոհարն ու Արամը չցանկացան մանրամասնել՝ ասելով միայն. «Այն փոքր-ինչ նման կլինի տեսահոլովակի կերպարին, բայց ավելին չենք բացի փակագծերը»։

Մինչ մայիսի 5-ը «Եվրատեսիլ»-ի հայաստանյան պատվիրակությունը մրցույթ է նախաձեռնել, որի մասին Գոհարն ավելի մանրամասն ասաց. «Ֆոտոմրցույթ ենք հայտարարում մինչեւ մայիսի 5-ը։ Արամի ֆեյսբուքյան էջին ցանկացած զույգ կարող է ուղարկել իրենց լուսանկարը համբուրվելիս։ Ի դեպ, պարտադիր չէ, որ այն լինի ավտոմեքենայում. որքան օրիգինալ, այնքան լավ։ Հաղթող մասնակցին սպասվում է շատ հետաքրքիր եւ յուրօրինակ անակնկալ, հատկապես UCOM ընկերության կողմից»։

Հիշեցնենք, որ Not alone երգի բառերի հեղինակը Vitamin ակումբից Արամի գործընկեր եւ ընկեր Գարիկ Պապոյանն է, երաժշտությունը գրել է Արամը, գործիքավորումը Լիլիթ Նավասարդյանինն է, իսկ հոլովակի ռեժիսորը Գրիգոր Գասպարյանն է:


Երգը կարելի է դիտել նաեւ սոցիալական ցանցերում Արամ MP3-ի պաշտոնական էջերում.

Facebook.com Official

Twitter.com. Official Page

Instagram.com. Official Page

 Պատրաստեց՝ Մելինե Տոնոյանը


Հետևեք NEWS.am STYLE-ին Facebook-ում, Twitter-ում և Instagram-ում




Print    |  In English

  • Related News

TV SHOWS PHOTO VIDEO


@NEWSam_STYLE

  • Archive
Search