• Ալլա Պուգաչովան ցանկանում է ապրանքանշան գրանցել զենք եւ կոմետիկա վաճառելու համար

  Այս պահին Իսրայելում գտնվող երգչուհին նոր ապրանքանիշը գրանցում է Ռուսաստանում․․․

• Անաստասիա Ռեշետովան թողարկել է կոսմետիկայի իր շարքը

  Հավաքածուում ներառված են խոնավեցնող քսուքներ, հանգստացնող յուղ լոգանքի համար եւ սկրաբ մարմնի համար․․․

• «Oriflame»-ը հայտարարել է Ռուսաստանում գործունեությունը կրճատելու մասին

  Ընկերությունը կդադարեցնի առցանց վաճառքը չգրանցված գնորդների համար․․․

• МАС, Jo Malone, Kilian, Clinique․ կոսմետիկայի ապրանքանիշերը հայտնել են Ռուսաստանից հեռանալու մասին

  Ռուս աշխատակիցները նյութական փոխհատուցում եւ աջակցություն կստանան․․․

• Ինչպես վերականգնել մազերը ձմռան ցիտից հետո

  Օրացուցային ձմեռը մոտենում է ավարտին․․․

• Ոտքերը փափկացնող դիմակներ

  Այսօր առաջարկում ենք տնային պայմաններում պատրաստվող մի քանի դիմակներ․․․

• Սիրահարների տոնին ընդառաջ․ Քայլի Ջենները կոսմետիկայի նոր հավաքածու է ներկայացրել

  Աստղը ներկայացրել է իր Kylie Cosmetics ապրանքանիշի նոր հավաքածուն․․․

• Օգտակար յուղերով դիմակներ՝ մազերի համար

  Առաջարկում ենք մազերի համար նախատեսված դիմակ․․․

Առաջին հայացքից, աչքերի «սլաքներ» անելը դյուրին է թվում, ոչ մի գունային ընտրություն, ոչ մի տանջանք։ Բայց «սլաքները» գործնականում նենգ են. կա՛մ շատ ցածր են ստացվում եւ «փակում» են աչքերը, կա՛մ համաչափ չեն ստացվում, կա՛մ հաստությամբ տարբեր են, կա՛մ անհավասար ու ծուռ։ Շատերը կանգ են առնում առաջին եւ երկրորդ անհաջող փորձից հետո:

Սլաքներն ամենապարզ, բայց, միաժամանակ, աչքերի դիմահարդարման ամենակարեւոր տարբերակներից են։ Դրանք կարող են ընդգծել աչքերի ձեւը, ավելի գեղեցիկ ու արտահայտիչ դարձնել։ Այս հոդվածի միջոցով դուք կծանոթանաք սլաքներ նկարելու մի քանի միջոցների, մենք կբացահայտենք դրանց բոլոր առավելություններն ու առանձնահատկությունները։

Սլաքները նկարելու ընդհանուր կանոնները

Սկզբում պետք է ուշադիր սովորել անթերի սլաքներ ստանալու հիմնական կանոնները, որոնք կոսմետոլոգներն են մշակել.

- նկարելիս հայելու մեջ նայեք ոչ թե կողքից, այլեւ ուղիղ;

- սլաքները սկսեք նկարել թարթիչների շարքից;

- թարթիչների շարքը թույլատրվում է ծածկել մուգ ստվերաներկով, որպեսզի կարողանաք խուսափել սլաքների եւ թարթիչների արանքում հայտնված բաց հատվածից;

- միշտ հաշվի առեք աչքերի ձեւը:

Ինչով ավելի լավ կլինի նկարել սլաքները

Այժմ դիմահարդարումը կատարվում է կոսմետիկական հետեւյալ միջոցների օգնությամբ.

աչքերի մատիտ;

հեղուկ մատիտ;

գելային մատիտ;

կոպերի ստվերաներկ;

կոմպակտ մատիտ:

Այս միջոցները տարբեր են, այդ պատճառով անհրաժեշտ է ընտրել ձեզ ամենահարմար տարբերակը։ Ծանոթացեք այս միջոցներից յուրաքանչյուրի առանձնահատկություններին, այնուհետեւ վերջնական ընտրություն կատարեք:

Աչքերի մատիտ

Կարելի է ասել, որ հատուկ մատիտով նկարված սլաքներն ավելի վառ ու հետաքրքիր են, քան ստվերաներկով արված սլաքները: Այդպիսի սլաքները հարմար են գրեթե բոլոր տեսակի աչքերին։ Բացի այդ, մատիտը բավական հարմար միջոց է սլաքներ նկարելու համար։ Կոսմետիկ այս միջոցը հատկապես հարմար է այն կանանց, ովքեր այս գործում մեծ փորձ չունեն:

Հեղուկ մատիտ

Այս միջոցը կարող է առավելագույնս բարակ սլաքներ նկարել։ Հարկ է խոստովանել, որ այն այդքան էլ դյուրին չէ կիրառել։ Հեղուկ մատիտը բավական արագ է չորանում, ինչից հետո այն շտկելը բարդանում է։ Սլաքները նկարում են բարակ վրձինների միջոցով։

Գելային մատիտ

Շատ նման է հեղուկ մատիտին, ամեն դեպքում, արդյունքը նույնն է։ Բայց գելային մատիտը քսում են հարթ վրձինով, որի ծայրն անհավասար ձեւ ունի։

Ստվերաներկ

Ստվերաներկի օգնությամբ կարելի է փափուկ ծխանման արդյունք ստանալ, որը շատ հարմար է կլոր աչքերով կանանց համար։ Ցանկալի է մուգ երանգներով չոր ստվերաներկ ընտրել։ Ստվերաներկով սլաքներ նկարելը նույնպես հատուկ հմտություններ է պահանջում։

Կոմպակտ մատիտ

Տարբերվում է հուսալիությամբ, չի լղոզվում ու չի ծորում։ Սլաքները շատ վառ, միաժամանակ՝ ոչ գռեհիկ տեսք են ունենում։ Հմուտ շատ դիմահարդարներ նախընտրում են սլաքներ նկարել հենց կոսմետիկ այս միջոցով։

Նյութը՝ Fancy-journal-ի

Հետևեք NEWS.am STYLE-ին Facebook-ում, Twitter-ում և Instagram-ում