Հայկ Մարությանը, Վահագն Խաչատրյանն ու Արման Մարությանը շուտով կներկայացնեն նոր կատակերգություն, որը կոչվում է «Սուպեր մամա»:
Ֆիլմի մասին NEWS.am STYLE-ը զրուցեց դերասան, սցենարիստ, ռեժիսոր, պրոդյուսեր Հայկ Մարությանի հետ:
Հայկ, ի՞նչի մասին է Ֆիլմը:
Ֆիլմը մի հերոսի մասին է, ով տարբեր ճանապարհներով գումար է աշխատում՝ ոչ ազնիվ, եւ գալիս է մի ժամանակ, երբ այդ ճանապարհները սպառվում են, եւ նա մնում է փողոցում միայնակ: Ո՛չ տուն է ունենում, ո՛չ մեքենա: Մի օր նա պատահական թերթում ընթերցում է մի հոդված, որտեղ գրված է լինում, որ ինչ-որ բարեգործական կազմակերպություն միայնակ մայրերին տուն են տալիս եւ գումար, որպեսզի երեխաներին խնամեն: Գլխավոր հերոսը որոշում է կերպարանափոխվել, այսինքն՝ կնոջ կերպարով հանդես գալ, որպեսզի կարողանա օգտվել այդ ծառայություններից: Եվ սկսվում է իրադարձությունների շատ հետաքրքիր եւ անսպասելի զարգացում: Իսկ ֆիլմի վերջում happy end է: Հերոսը սիրահարվում է բարեգարծական կազմակերպությունում աշխատող մի աղջկա: Ֆիլմի ընթացքում նրանց միջեւ լինում է ե՛ւ սեր, ե՛ւ բաժանում, բայց վերջում նրանք միանում են:
Ֆիլմի մտահաղացումն ու՞մն է եղել եւ ի՞նչ խորհուրդ ունի իր մեջ:
Մտահաղացումը եղել է մերը՝ նույն «Ալաբալանիցա» ֆիլմի թիմինը: Պարզապես պահը հասունացել էր, եւ մենք որոշեցինք ներկայացնել եւս մեկ ֆիլմ, որը, իհարկե, ունի իր ասելիքը: Ճիշտ է, այն կատակերգություն է, բայց հումորի միջոցով եւս կարող ես ինչ-որ բան ասել: Ֆիլմի վերջում դիտողն ամեն ինչ կհասկանա:
Ո՞վ է մարմնավորել գլխավոր հերոսի կերպարը եւ ովքե՞ր են խաղացել ֆիլմում:
Գլխավոր հերոսին մարմնավորել եմ ես, որտեղ, ինչպես արդեն հասկացաք, երկու դեր եմ խաղացել՝ կնոջ եւ տղամարդու: Մյուս դերերում հանդես են եկել Գարիկ Պապոյանը, Անի Խաչիկյան, Անդրանիկ Հարությունյան, Ռաֆայել Երանոսյանը, Լեւոն Հարությունյանը, Արմինե Պողոսյանը, Արման Մարտիրոսյանը: Ռեժիսորներն են Արման Մարությանն ու Վահագն Խաչատրյանը, ովքեր եղել են նաեւ «Ալաբալանիցա»-ի ռեժիսորները: Ֆիլմի սցենարի հեղինակն է Վարդան Զադոյանը, իսկ համահեղինակը ես եմ:
Ինչպե՞ս եք ընտրել դերասանական այս կազմը:
Ֆիլմի պրոդյուսերը ես եմ, բայց Արմանի եւ Վահագի հետ միասին ենք ընտրել դերասանական կազմը: Շատ լավ դերասաններ են, որոնց հետ շատ անգամներ աշխատել ենք:
Նշեցիք, որ երկու դեր եք մարմնավորելու՝ կնոջ եւ տղամարդու: Հե՞շտ էր խաղալ միայնակ մոր կերպարը:
Ճիշտ է, «Կարգին հաղորդման» ժամանակ կնոջ դերեր շատ եմ խաղացել, բայց սա ինձ համար նոր կերպար էր: Չեմ ասի, որ դժվար էր, բայց կասեմ, որ շատ հետաքրքիր էր: Տղաների ասելով՝ այն ինձ մոտ շատ լավ էր ստացվում: Իմ կարծիքով, դա նրանից էր, որ ես ամբողջությամբ կերպարի մեջ էի մտել: Բավականին հետաքրքիր կերպար է ստացվել:
Ֆիլմի նկարահանումը միայն Հայաստանում է եղե՞լ:
Իրադարձությունները տեղի են ունենում Հայաստանում եւ, ըստ այդմ, նկարահանումները միայն Հայաստանում են եղել: Չեմ նշի, թե որտեղ, բայց կասեմ, որ Հայաստանի մի շարք վայրերում: Կարող եմ ասել, որ շատ հետաքրքիր Հայաստան ենք ստացել: Ինքս, որ նայում եմ, այնպիսի տպավորություն է, որ մի ուրիշ երկրում ենք նկարել: Հավատացեք, օրինակ, մեր նկարած Դիլիջանը ավելի գեղեցիկ է, քան Շվեցարիան: Նույնը եւ մայրաքաղաք Երեւանը: Մենք ամեն ինչ արել ենք, որ մեր քաղաքը եւ մարզերը գեղեցիկ ներկայացնենք:
Ո՞րքան է տեւել ֆիլմի նկարահանման ընթացքը:
Մենք Ֆիլմը նկարել ենք մի ամսվա ընթացքում, բայց ֆիլմում իրադարձությունները զարգանում են մեկ տարվա մեջ: Իսկ ֆիլմի տեւողությունը մեկ ժամ հիսուն րոպե է:
Հայկ, բացի այս ֆիլմից այս ընթացքում ինչո՞վ եք զբաղվել:
Միայն այս ֆիլմի վրա եմ աշխատել, քանի որ ցանկացել եմ շատ լավ որակով աշխատանք նեկայացնել: Իհարկե, կան շատ նախագծեր, որոնք կիրագործվեն, սակայն դեռես չեմ ցանկանա դրանց մասին խոսել:
Իսկ Ձեզ կտեսնե՞նք կրկին եթերում:
Ինչպես գիտեք, ես ինքս եմ ստեղծում իմ հաղորդումները, եւ եթե պայմանները բավարարեն իմ պահանջներին եւ որակով աշխատանք ստանանք, ապա կտեսնեք եթերում, քանի որ ես սիրում եմ, որ ամեն ինչ, ինչ-որ անում եմ, պետք է լինի որակյալ:
Զրուցեց՝ Մելինե Տոնոյանը
Հետևեք NEWS.am STYLE-ին Facebook-ում, Twitter-ում և Instagram-ում
15:18, 29 մարտի
Իրինա Շեյքը Swarovski campaign֊ում հայտնվել է շշմեցուցիչ կերպարով14:02, 29 մարտի
Ռոբերտ Դաունի կրտսերը խաղում է չորս տարբեր կերպարներ HBO-ի նոր սերիալում13:23, 29 մարտի
Թոմ Քրուզը բաժանվել է ռուս ընկերուհուց իր նախկին օլիգարխ ամուսնու պատճառով12:21, 29 մարտի
Դեմի Մուրը ևս մեկ անգամ ապացուցեց, որ տարիքը պարզապես թիվ է11:17, 29 մարտի
Բեյոնսեն ձեռքերով սպագետի է ուտում անձնական ինքնաթիռի վրա և ծաղրում իր կովբոյական look-ի մասին մեմերը10:16, 29 մարտի
Selling Sunset սերիալի աստղը գոլֆ խաղալիս ընտրել է տարօրինակ և բաց աութֆիտ09:00, 29 մարտի
ՄԱՐՏԻ 29-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:16, 28 մարտի
Ռիհաննան անհավանական տեսք ունի չինական Vogue-ի շապիկին22:15, 28 մարտի
Ռեբել Ուիլսոնը ուզում է «դրական հաղորդագրություն» տարածել՝ բացահայտելով, որ կորցրել է կուսությունը 35 տարեկանում21:35, 28 մարտի
TikTok-ը նվաճել է նիհարելու նոր թրենդը. «Կախարդական» Oatzempic ըմպելիքը20:30, 28 մարտի
Տիհանա vibes. Թվում է՝ պարզ հարցեր են, պարզվում է՝ ոչ այնքան20:25, 28 մարտի
Հոլիվուդյան աստղեր, ովքեր նկարահանվել են պոռնոֆիլմերում