• Երկար սեւ զգեստ, առատ աքսեսուարներ. «Միսս Աշխարհ Արմենիա 2021» Միրնա Բզդիգյանի նոր ֆոտոշարքը

  «Միսս Աշխարհ 2021» մրցույթում Հայաստանի ներկայացուցիչ Միրնա Բզդիգյանն Instagram-ում հաճախ շատ ակտիվ չէ, բայց նա իր պասիվությունը որոշել է «կոտրել» նոր ֆոտոշարքով…

• Նրբակազմ Մալենան՝ նոր՝ «գունատ վարդագույն» կերպարում

  Մալենան իր գեղեցիկ կազմվածքը ցուցադրել է Instagram-ում հրապարակած նոր լուսանկարներում...

• «Հատուկ դասարան»-ից հայտնի Արաքսյա Խաչատրյանը սպասում է առաջնեկին

  Դերասանուհի Արաքսյա Խաչատրյանը սպասում է առաջնեկին։ Այս մասին նա հայտնել է Instagram-ի իր էջում՝ հրապարակելով գեղեցիկ կարգավիճակն ազդարարող տեսանյութ․․․

• Դերասանուհի Ջուլիա Եղշատյանն ու ամուսինը սպասում են իրենց առաջնեկին

  Ջուլիա Եղշատյանն ու ամուսինը սպասում են իրենց առաջնեկին։ Այս մասին դերասանուհին հայտնել է ինստագրամյան իր էջում՝ հրապարակելով իր եւ ամուսնու մասնակցությամբ կարճ հոլովակ, որում երեւում է նրա կլորացած փորիկը...

• «Այս եթերաշրջանն ամենաինտրիգայինն է լինելու»․ մեկնարկում է «Սյուրպրիզ 4»-ը

  «Արմենիա» հեռուստաընկերության եթերում մեկնարկում է ամենաանակնկալներով լի՝ «Սյուրպրիզ» սիթքոմը...

• Իվետա Մուկուչյանը պատասխանել է իրեն ուղղված վատ մեկնաբանություններին

  Իվետա Մուկուչյանը տեսանյութի տեսքով է որոշել պատասխանել սոցիալական ցանցերում իր հրապարակումների ներքո արված բացասական մեկնաբանություններին...

• «Եվրատեսիլ 2024»-ում Հայաստանը ներկայացնող «Լադանիվա»-ի առաջին փորձի առաջին կադրերը (ֆոտո)

  Շվեդիայի Մալմյո քաղաքում այսօր կայացել են «Եվրատեսիլ 2024»-ի մրցութային փորձերը…

• Հարգանքի տուրք Ազնավուրին․ բացվեց քանդակագործ Մկրտիչ Մազմանյանի ցուցահանդեսը

  Շառլ Ազնավուրի ծննդյան 100-ամյակին նվիրված հոբելյանական միջոցառումների շրջանակում Two Arcs պատկերասրահում բացվեց քանդակագործ Մկրտիչ Մազմանյանի հայաստանյան առաջին ցուցահանդեսը...

Երկար դադարից հետո տաղանդավոր արտիստ, երգիչ-հումորիստ Արամ Mp3-ին կրկին վերադառնում է բեմ: Արամն իր վերադարձը մեկնարկեց մենահամերգով, որը նա անվանեց հենց «Վերադարձ»: Նշենք, որ մենահամերգը կայացել է  նոյեմբերի 13-ին՝ «Վիտամին» ակումբում: Նախքան համերգի սկսելն, Արամը լրագրողների հետ զրուցեց իր նոր ծրագրերի, սպասվող անակնկալների, նոր ձեռքբերումների եւ իր փոքրիկի մասին:

«Երկարատեւ դադարից հետո վերադառնում եմ կրկին աշխատանքիս: Նոյեմբերին, բացի համերգային ծրագրերից, կներկայացնեմ իմ նոր տեսահոլովակը, որն ինչ-ինչ տեխնիկական պատճառներով ուշանում է: Իհարկե, դրա համար մի փոքր տրամադրությունս ընկել է, քանի որ ի սկզբանե պրեմիերան որոշված էր ամսի 11-ին: Տեսահոլովակում գրաֆիկական էլեմենտներ ենք ներառել, որն էլ համակարգչից է կախված, ամեն անգամ ձգձգվում է, բայց փորձում ենք ամեն ինչ անել, որ այս ամսվա մեջ ներկայացնենք»,-ասաց Արամը:

Երգի հեղինակը հենց ինքն է՝ Արամ Mp3-ին, գործիքավորումը կատարել են Լիլիթ Նավասարդյանն ու  DJ Սերոն, տեսահոլովակի ռեժիսորը Գրիգոր Գասպարյանն է, օպերատորները՝ Միհրան Ստեփանյանն ու Նարեկ Մարտիրոսյանը:

«Տեսահոլովակը նկարել ենք Երեւանից դուրս՝ մի անապատային գոտում: Բավականին հետաքրքիր տեսահոլովակ է ստացվել: Այն շատ համահունչ է երգի հետ: Ինչպես «Եվրատեսիլ»-ի  «Not alone» երգը, այնպես էլ սա, վաղուց է, ինչ ստեղծվել է: Կարելի է ասել, որ հիմա հերթը եկավ այս երգի թողարկմանը (ժպտում է): Երգի ժանրը մի փոքր խառն է՝ կարող ենք ասել, որ այն փոփ ժանրում է, սակայն երգում հնչում են սիմոնիկ, էլեկտրոնային երաժշտություններ եւ խոռ: Հուսով եմ, որ լայն մասաների կողմից կսիրվի, կնդունվի եւ կդիտվի»,- նշեց Արամը:

Տեսահոլովակում Արամ Mp3-ին հանդես է եկել միայնակ. «Տեսահոլովակում խաղացել եմ միայն ես, որտեղ մի քանի չակերտավոր կերպարներով եմ հանդես եկել: Այս անգամ էլ որոշեցինք աշխատել ոճաբան Արամ Նիկոլյանի հետ: Նա միշտ կարողանում է ստեղծել այն կերպարները, որոնք դու սպասում ես: Իմ բոլոր կերպարներն էլ ես համարում եմ ստացված»:

Ինչպես Արամը նշեց, տեսահոլովակի նկարահանումները այդքան էլ հեշտ չեն ընթացել. «Տեսահոլովակի ընթացքը բավականին դաժան է եղել: Ես նման նկարահանում երբեք չեմ ունեցել իմ կյանքում: Եղել է մի պահ, որ կյանքիս հրաժեշտ էի ասելու՝ ժայռից ընկնելով: Տեղանքը սողուն է եւ երբ ձեռքս դրեցի մի քարի վրա, որ բռնվեմ՝ փշրվեց: Այդ պահին մտածեցի, որ վերջ, բայց արի ու տես, բախտս բերեց եւ հրաշքով փրկվեցի: Նկարահանումները տեւել են երեք օր, եւ այդ երեք օրվա ընթացքում մի լավ տանջվել եմ: Տեսահոլովակում ես պետք է խաղայի տանջված մարդու դեր, բայց ես այնտեղ ոչ թե խաղում էի, այլ իրոք որ տանջված էի (ժպտում է)»:

Վերադառնալով համերգային ծրագրին, Արամն ասաց. «Համերգը նշանակված է երեք օր: Արդեն առաջին եւ երկրորդ օրվա ամբողջ տոմսերը վաճառվել են»:

Նոյեմբերի 13-ին կայացած համերգին Արամն իր երկրպագուներին անմոռանալի եւ գեղեցիկ պահեր պարգեւեց՝ իր հին եւ նոր կատարումներով եւ համաշխարհային հիթերով, որոնք Արամը յուրովի էր կատարում:

Համերգի գլխավոր հյուրը ԱՄՆ դեսպան  Ջոն Հեֆերն էր, ով վերջերս Արամի եւ  Գարիկի հետ հանդիպել էր եւ քննարկել ապագա համագործակցության հարցեր:

«ԱՄՆ դեսպանի հետ ծանոթացել ենք մոտ կես տարի առաջ, երբ Կասկադում ԱՄՆ դեսպանատունը կազմակերպել էր համերգ՝ նվիրված ընտանեկան բռնությունների դեմ պայքարի օրվան: Հենց այդ օրը ծանոթացաք եւ որոշեցինք միասին համագործակցել, քանի որ մեր կազմակերպությանն էլ էր սատարում այդ ակցիային: Մենք բոլորս դեմ ենք, որ նման բռնություներ լինեն աշխարհում»,- ասաց Արամը:

Իսկ առաջիկա մեծ համերգային ծրագրի մասին Արամն ասաց. «Երբ վերադարձել էինք «Եվրատեսիլ»-ից, որոշել էինք «Շնորհակալ եմ» խորագրով բացօթյա համերգ կազմակերպել ամռանը, սակայն ինչ-ինչ պատճառներով չստացվեց, որը իրականում մեր պատճառով չէր»,-նշեց Արամը:

Արամը կշարունակի իր գործունեությունը նաեւ հումորի ասպարեզում. «Ինձ հմար երկուսն էլ շատ կարեւոր ոլորտներ են: Եթե ես մի փոքր ուշադրությունս սեւեռել եմ երգարվեստ վրա, դա դեռ չի նանակում, որ դուրս կգամ հումորից: Ես շարունակելու եմ երկու ոլորտներում ել աշխատել»:

Հարցին, թե որ դերում է իր փոքրիկ տղան սիրում իրեն, Արամը ժպտալով պատասխանեց. «Հոր դերում: Երբ տեսնում է ինձ, ասում է՝ պապա արի ինձ հետ խաղա: Երբեմն զգում եմ, որ շատ եմ չափն անցնում եւ որդուս համար քիչ ժամանակ եմ հատկացնում: Իսկ այժմ հանգստյան օրերին աշխատում եմ այդ բացը լրացնել: Շատ աշխույժ երեխա է, սիրում է երգել: Շատ անգամներ համերգներիս փախել, բարձրացել է բեմ եւ այդպես ծանոթացել հանդիսատեսի հետ, բայց այսօր այստեղ չի լինելու»:

Լրագրող՝ Մելինե Տոնոյան

Լուսանկարիչ՝ Սիրանուշ Ոսկանյան

Հետևեք NEWS.am STYLE-ին Facebook-ում, Twitter-ում և Instagram-ում