Bad Boys Blue խմբի մենակատար Քեվին Մաքկոյը Հայաստանում է։ Լեգենդար երգիչը Երեւան է եկել երգչուհի Սոնայի հետ միասին տեսահոլովակ նկարելու համար։ Բացի դրանից՝ Քեվինն առաջին անգամ Երեւանում կներկայանա մենահամերգով՝ Yans Music Hall-ում, որը կկայանա նոյեմբերի 21-ին։ Այս մասին այսօր լրագրողների հետ հանդիպման ժամանակ ասացին Սոնան եւ Քեվինը։
«Քեվինի հետ երգելու առաջարկը ստանալուց հետո Bad Boys Blue խմբի պրոդյուսեր Իգոր Սենգերի հետ ընտրեցինք «Do what you do» դիսկո ոճի երգը, որն ինձ համար էլ նորություն լինելու, քանի որ մինչ օրս ես այդ ժանրում չեմ երգել։ Երգի համահեղինակից պետք է թույլտվություն վերցնել, որը Իգորին հայտնել էր, որ այդ երգը Քեվինը կարող է միայն կատարել սեւամորթ արտիստի հետ, բայց Իգորը կարողացել է նրան, այսպես ասած, համոզել։ Եվ դրանից հետո Իգորն ինձ հայտնեց, որ ձայնագրվեմ եւ ձայնագրությունը ուղարկեմ Գերմանիա, որ նրանք լսեն այն։ Ի սկզբանե, որոշված էր, որ ես պետք է գնայի Գերմանիա եւ հենց այնտեղ ձայնագրվեի, սակայն «Հայաստանի ձայնը» նախագծի պատճառով ես չէի կարող երկրից բացակայել»,- ասաց Սոնան։
Սոնան եւ Քեվինը առաջին անգամ այդ երգը կատարել են «Տաշի շոուի» ժամանակ։ Սոնայի խոսքով՝ երբ նրանք սկսել են երգել հանդիսատեսը ցնցվել է. «Չեք կարող պատկերացնել, թե ինչպիսի ոգեւորությամբ ընդունեցին մեզ։ Համերգային ծրագիրը տեւել է 4-5 ժամ։ Մենք ելույթ ենք ունեցել վերջում, իսկ մինչ այդ արդեն մարդիկ հոգնել էին, որովհետեւ շատ դժվար էր Կրեմլում 4-5 ժամ նստել։ Աննկարագրելի էր այդ պահը։ Բոլորը վեր էին կացել եւ պարում էին։ Եվ հենց դա դրդեց, որ մենք ներկայանանք նաեւ տեսահոլովակով»։
Իսկ Քեյվինը նշեց. «Շատ եմ աշխատել Ռուսաստանում եւ շատերի հետ համագործակցել եմ։ Այս անգամ որոշեցի զուգերգով հանդես գալ հայ արտիստի հետ։ Երբ լսեցի Սոնայի կատարումները, ինձ միանգամից դուր եկան։ Զարմացած էի նրա տեմբրի վրա։ Նա յուրահատուկ ձայն ունի»։
Պարային, ռիթմիկ երգի տեսահոլովակը նկարելու են Հայաստանում։
«Ռեժիսորն Արեն Բայադյանն է, որն ունի մեծ եւ պրոֆեսիոնալ թիմ, նրա աշխատանքները շատ եմ հավանում։ Բայց ասեմ, որ Իգորը ուզում էր, որ Գերմանիայում նկարվեր, բայց երբ ուղարկեցի Արենի գործերը, համաձայնեցին։ Շատ չեմ ցանկանա փակագծերը բացել, թե ինչպիսին է լինելու տեսահոլովակը, բայց կնշեմ, որ հանդես եմ գալու մի քանի կերպարներում, որի համար շնորհակալ եմ ոճաբան Արմեն Գալյանին»,- նշեց Սոնան։
Մելինե Տոնոյան
Հետևեք NEWS.am STYLE-ին Facebook-ում, Twitter-ում և Instagram-ում
15:06, 20 ապրիլի
Որտե՞ղ են խորհրդավոր կերպով անհետանում գուլպաները13:36, 20 ապրիլի
Քիմ Քարդաշյանը չի արձագանքի Թեյլոր Սվիֆթի նվաստացուցիչ դիս-թրեքերին՝ «վախենալով» նրա երկրպագուների բանակից12:31, 20 ապրիլի
Իննա Սահակյանը կմիանա Անսիի միջազգային անիմացիոն ֆիլմերի փառատոնի ժյուրիի կազմին11:30, 20 ապրիլի
Կիսամերկ Քայլի Ջենները՝ իր Khy բրենդի նոր արշավի լուսանկարներում10:45, 20 ապրիլի
Թեյլոր Սվիֆթը չի ներել Քիմ Քարդաշյանին՝ իր նոր ալբոմում երկու «դիս-թրեք» նվիրելով նրան09:00, 20 ապրիլի
ԱՊՐԻԼԻ 20-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:19, 19 ապրիլի
Որքանո՞վ է գեղեցիկ արտաքինն ազդում սեքսի որակի վրա. Առասպելներ եւ իրականություն22:24, 19 ապրիլի
Մալդիվների ամենաթանկ հանգստավայրի ներսում21:17, 19 ապրիլի
Թրեւիս Բարքերը շնորհավորել է Քորթնի Քարդաշյանին՝ հրապարակելով նրա լուսանկարը, որում նա զուգարանում է20:21, 19 ապրիլի
Jacquemus-ը նոր շունչ է հաղորդում ամառային հարսանիքներին19:47, 19 ապրիլի
Ինչպե՞ս է Բրիտանիայի ամենահարուստ մարդուն հաջողվում ստվերում մնալ. նույնիսկ նրա ադմինիստրատորը չի լսել նրա մասին18:27, 19 ապրիլի
Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել