• Կադրեր՝ «Լադանիվա»-ի եվրատեսիլյան երկրորդ փորձից (ֆոտո/վիդեո)

  Այսօր Մալմյոյում տեղի է ունեցել «Եվրատեսիլ 2024»-ում Հայաստանը ներկայացնող «Լադանիվա» խմբի երկրորդ փորձը...

• Dj Վակցինան կիսվել է ընտանեկան ժամանցով

  Dj Վակցինան Ինստագրամյան հտեւորդներին ցուցադրել է, թե ինչպես են ինքն ու ընտանիքի անդամներն անցկացրել իրենց երեկոն…

• Երկար սեւ զգեստ, առատ աքսեսուարներ. «Միսս Աշխարհ Արմենիա 2021» Միրնա Բզդիգյանի նոր ֆոտոշարքը

  «Միսս Աշխարհ 2021» մրցույթում Հայաստանի ներկայացուցիչ Միրնա Բզդիգյանն Instagram-ում հաճախ շատ ակտիվ չէ, բայց նա իր պասիվությունը որոշել է «կոտրել» նոր ֆոտոշարքով…

• Նրբակազմ Մալենան՝ նոր՝ «գունատ վարդագույն» կերպարում

  Մալենան իր գեղեցիկ կազմվածքը ցուցադրել է Instagram-ում հրապարակած նոր լուսանկարներում...

• «Հատուկ դասարան»-ից հայտնի Արաքսյա Խաչատրյանը սպասում է առաջնեկին

  Դերասանուհի Արաքսյա Խաչատրյանը սպասում է առաջնեկին։ Այս մասին նա հայտնել է Instagram-ի իր էջում՝ հրապարակելով գեղեցիկ կարգավիճակն ազդարարող տեսանյութ․․․

• Դերասանուհի Ջուլիա Եղշատյանն ու ամուսինը սպասում են իրենց առաջնեկին

  Ջուլիա Եղշատյանն ու ամուսինը սպասում են իրենց առաջնեկին։ Այս մասին դերասանուհին հայտնել է ինստագրամյան իր էջում՝ հրապարակելով իր եւ ամուսնու մասնակցությամբ կարճ հոլովակ, որում երեւում է նրա կլորացած փորիկը...

• «Այս եթերաշրջանն ամենաինտրիգայինն է լինելու»․ մեկնարկում է «Սյուրպրիզ 4»-ը

  «Արմենիա» հեռուստաընկերության եթերում մեկնարկում է ամենաանակնկալներով լի՝ «Սյուրպրիզ» սիթքոմը...

• Իվետա Մուկուչյանը պատասխանել է իրեն ուղղված վատ մեկնաբանություններին

  Իվետա Մուկուչյանը տեսանյութի տեսքով է որոշել պատասխանել սոցիալական ցանցերում իր հրապարակումների ներքո արված բացասական մեկնաբանություններին...

Ամերիկահայ հայտնի պարող եւ խորեոգրաֆ Միհրան Կիրակոսյանին Հայաստանում ճանաչում են, որպես աստղային պարող, որը, չնայած երիտասարդ տարիքին, արդեն հասցրել է համագործակցել աշխարհի ամենահայտնի աստղերից շատերի` Մադոննայի, Ռիկի Մարտինի, Սելենա Գոմեսի, Շակիրայի. Բրիթնի Սփիրսի, Արիանա Գրանդեի եւ այլոց հետ:

2010 թ-ին նա երգչուհի Էմմիի հետ մասնակցեց «Եվրատեսիլ» երգի մրցույթի հայաստանյան նախընտրական փուլին: Չնայած երգիչներին չհաջողվեց ստանալ ուղեգիր դեպի Եվրոպայի ամենահեղինակավոր երաժշտական մրցույթ` նրանց Hey զուգերգը համարվում էր այդ տարվա ֆավորիտներից:

Արդեն տեւական ժամանակ է պարողը չի այցելել Հայատան: NEWS.am STYLE-ը կապ հաստատեց Միհրանի հետ՝ պարզելու, թե ինչ նախագծերով է զբաղված խորեոգրաֆն այս շրջանում.

-Միհրան, ե՞րբ եք վերջին անգամ եղել Հայաստանում:

-Վերջին անգամ Հայաստանում եղել եմ 6 տարի առաջ՝ 2010 թ-ին: Հիմա երբ հետ եմ նայում, բավականին, երկար ժամանակ է անցել…

-Հայտնի է, որ երկար ժամանակ համագործակցել եք Մադոննայի, Ռիկի Մարտինի, Սելենա Գոմեսի եւ մի շարք այլ աշխարհահռչակ երգիչների հետ: Այսօր շարունակո՞ւմ եք իրականացնել նման աստղային համագործակցություններ:

-Այլեւս չեմ պարում արտիստների հետ: Այժմ նրանց հետ համագործակցում եմ, որպես խորեոգրաֆ եւ ռեժիսոր: Այս ընթացքում աշխատել եմ ամերիկյան The Voice նախագծի վրա: Աշխատում եմ թե արտիստների, թե նրանց մասնակիցների շուների վրա, համագործակցում եմ ժյուրիի անդամների` Շակիրայի, Սի Լո Գրինի եւ Բլեյք Շելդոնի հետ: Մեզ հետ աշխատում են նաեւ այլ տաղանդավոր խորեոգրաֆներ եւ ռեժիսորներ:

Բացի դա, որպես խորեոգրաֆ աշխատել եմ մի շարք արտիստների կենդանի շոուների վրա: Նրանց թվում են` Ludcaris-ը, Վիկտորիա Ջասթիսը, Big Time Rush-ը, Սելենա Գոմեսը, Afrojaցk-ը, Եվա Սիմոնսը, Քելլի Ռոուլանդը եւ այլք:

Եղբորս` Գոռ Կիրակոսյանի եւ հորս` Կարո Կիրակոսյանի հետ այժմ աշխատում ենք պարային մի շոուի վրա: Հուսով եմ` այն կներկայացնենք նաեւ Հայաստանում:

Այժմ ունեմ նաեւ իմ պրոդյուսերական ընկերությունը, որը հիմնել ենք եղբորս հետ միասին: Այն կոչվում է Mihran K. Productions, որը զբաղվում է ֆիլմերի, գովազդների, տեսահոլովակների եւ բեմականացումերի ստեղծմամբ:

-Այդքան հայտնի արտիստների նշեցիք… Իսկ կա՞ մեկը, որի հետ դեռեւս չեք աշխատել, բայց շատ կցանկանայիք իրականացնել նաեւ այդ համագործակցությունը:

-Եթե պարելու մասին է խոսքը, ապա այլեւս ցանկություն չունեմ որեւէ աստղի հետ պարելու: Այդ երազանքս իրականացրել եմ տարիներ առաջ: Այժմ կյանքիս այլ փուլում եմ գտնվում, որտեղ երազանքներս եւ նպատակներս այլ են:

-Հանդես եք եկել նաեւ որպես երգիչ: Նոր երգեր եւ տեսահոլովակներ այլեւս չե՞ք պատրաստվում ներկայացնել:

-Երբեք ինձ չեմ համարել ռեփեր կամ երգիչ: Ես դա արել եմ միայն հաճույքի համար եւ շատ ուրախ եմ, որ մարդիկ ինձ ընդունեցին նաեւ այդ տեսանկյունից: Այժմ ինքս եմ աշխատում շատ արտիստների հետ, զբաղվում եմ նրանց մենեջմենթով: Հիմա MiMOSA անունով հայտնի դիջեյի մենեջերն եմ:

-Ասում են` երեխաները հաճախ ժառանգում են իրենց ծնողների տաղանդը: Երկու դուստր ունեք. Նրանք հետաքրքրվո՞ւմ են երաժշտությամբ եւ պարով:

-Այո, եւ Սոֆյան, եւ Լիլին սիրում են երգել ու պարել: Այնուամենայնիվ, նրանք դեռեւս 4 տարեկան են եւ ավելի շատ հետաքրքրվում են նրանով, ինչով բոլոր երեխաներն են հետաքրքրվում այդ տարիքում:

-2010 թ-ին դուք եւս Էմմիի հետ զուգերգով մասնակցեցիք «Եվրատեսիլի» հայաստանյան նախընտրական փուլին: Այժմ Հայաստանը մրցույթում ներկայացնելու ցանկություն չունե՞ք:

-Ոչ, այլեւս նման հետաքրքրություն չունեմ:

-Իսկ հետեւո՞ւմ եք մրցույթին: Այս տարվա մեր մասնակցի` Իվետա Մուկուչյանի եւ նրա երգի մասին ի՞նչ կասեք:

-Անկեղծ ասած` վերջին չորս տարիների ընթացքում, ընդհանրապես չեմ հետեւել «Եվրատեսիլին»: Նույնիսկ, չգիտեմ, թե ովքեր են ներկայացրել Հայաստանը վերջին տարիներին: Իվետային եւ նրա երգին եւս ծանոթ չեմ:

-Մոտ ապագայում Հայաստան այցելելու ծրագրեր ունե՞ք: Կա՞ն նախագծեր, որոնք ցանկանում եք այստեղ իրագործել:

-Ներկա պահին Հայաստան այցելելու ծրագրեր չունեմ: Հաշվի առնելով աշխատանքիս բնույթն ու զբաղվածությունս` մոտ ապագայում դժվար նման ծրագրեր ունենամ: Այս պահին ամբողջությամբ կենտրոնացած եմ խորեոգրաֆիայի, մենեջմենթի, ռեժիսուրայի եւ պրոդյուսինգի վրա:

Սյունե Առաքելյան

Լուսանկարները տրամադրել է Միհրան Կիրակոսյանը

Հետևեք NEWS.am STYLE-ին Facebook-ում, Twitter-ում և Instagram-ում