Սոնա Մովսեսյանն իր քայլերը սկսել է Քոնան Օ’ Բրայենի հեռուստանախագծում` որպես արտադրության բաժնի օգնական, իսկ այսօր նա անձամբ Քոնանի օգնականն է:
«Անկեղծ ասած` Քոնանի հետ իր բոլոր ուղիներով անցնելն իմ կյանքի լավագույն փորձերից է եղել»,-ասում է Սոնան:
Սոնան խոստովանում է, որ տարված է հեռուստատեսությամբ: People ամսագրին տված հարցազրույցում նա նշել է, որ մի շաբաթում հասցրել է դիտել Friday Night Lights շոուի բոլոր եթերաշրջանները:
Երբ Սոնան դեռեւս Հարավային Քալիֆորնիայի համալսարանի ուսանողուհի էր, նա մտածում էր, որ պետք է աշխատի կինոինդուստրիայում: Այնուհետեւ նա փորձաշրջան անցավ NBC հեռուստաաալիքում: Այդպես սկսվեց նրա էկրանային գործունեությունը:
Թեեւ Սոնան երբեք չի ցանկացել երեւալ հեռուստաէկրաններին, նրա դեմքը բավականին ծանոթ է TBS-ի եւ Քոնանի շոուի լսարանին: Նա, հատկապես, մեծ ճանաչման հասավ աշնանը, երբ Քոնանի հետ ժամանեց Հայաստան:
Հայկական արմատներ ունեցող աղջիկը ոգեշնչեց շոումենին նկարահանել Հայաստանի մասին հաղորդում:
«Շատ կցանկանայի ասել, որ Հայաստան գնալն իմ մտահաղացումն էր, սակայն դա այդպես չէ: Այդ ծրագրի հեղինակը Քոնանն է»,-խոստովանում է Մովսեսյանը:
Սոնայի ծնողները Միացյալ Նահանգներ տեղափոխվել են Թուրքիայից:
«Ես հաճախ չեմ բարձրաձայնել այն մասին, որ հայուհի եմ, քանի որ կարծում եմ` առաջին սերնդի ամերիկահայերի արտաքինից միանգամից երեւում է նրանց հայ լինելը»,-ասում է նա` ավելացնելով. «Կարծում եմ` Քոնանը հաշվի առավ այն փաստը, որ ես երբեք չեմ եղել Հայաստանում»:
Այդ ուղեւորությունը մեծ նշանակություն ուներ Մովսեսյանի համար, որը հնարավորություն ունեցավ տեսնելու իր հայրենիքը: Սակայն հայտնի շոումենի օգնականը խոստովանում է, որ հուզմունքի եւ անհանգստության պատճառ եւս ուներ.Նա թիմում միակ հայն էր եւ մտավախություն ուներ` արդյոք կկարողանա՞ ամեն ինչ հավուր պատշաճով մատուցել.
«Մտածում էի` իսկ ի՞նչ կլինի, եթե ինչ-որ բան սխալ անեմ եւ հայկական համայնքը երես թեքի ինձանից»:
Բարեբախտաբար, նման բան տեղի չունեցավ: Ավելին, շոուն ավելի շատ դրական արձագանքներ ստացավ, քան հայուհին ակնկալում էր:
«Դրանից հետո շատ հայեր սկսեցին սոցիալական ցանցերի իմ էջերին նամակներ ուղարկել եւ շփվել ինձ հետ»,-ասում է Սոնան:
Չնայած Հայաստանի մասին պատմող էպիզոդում Սոնան հայտնվեց բոլորի ուշադրության կենտրոնում` աղջիկը չի կարող չհիշատակել շոուի անձնակազմի մյուս անդամներին.
«Այն, որ նրանք չլինելով ազգությամբ հայ այդքան եռանդով աշխատեցին այդ հաղորդման վրա, ինձ համար շատ բան է նշանակում: Հենց դա է էպիզոդի մեծագույն հաջողությունը: Ինձ համար այդ ամենը շատ հուզիչ էր»:
Աղբյուրը` www.laweekly.com
Հետևեք NEWS.am STYLE-ին Facebook-ում, Twitter-ում և Instagram-ում
23:05, 1 մայիսի
Ինստասամկան պատմել է ֆիլերներից հետո առաջացած առողջական խնդիրների մասին22:31, 1 մայիսի
Երկար սեւ զգեստ, առատ աքսեսուարներ. «Միսս Աշխարհ Արմենիա 2021» Միրնա Բզդիգյանի նոր ֆոտոշարքը21:15, 1 մայիսի
Նրբակազմ Մալենան՝ նոր՝ «գունատ վարդագույն» կերպարում20:40, 1 մայիսի
Արհեստական ինտելեկտի նոր սահմանները. «Մահվան հաշվիչը» սարսափելի ճշգրտությամբ կանխատեսում է, թե որքան ժամանակ է ձեզ մնացել ապրելու19:19, 1 մայիսի
Wine Story. Գինու միտումներ 2024. ի՞նչ են խմելու գինու սիրահարները17:05, 1 մայիսի
«Հատուկ դասարան»-ից հայտնի Արաքսյա Խաչատրյանը սպասում է առաջնեկին16:12, 1 մայիսի
Franck Muller-ը եւ S.T. Dupont-ը ներկայացրել են Master Lighter կրակայրիչը15:27, 1 մայիսի
Իրինա Շեյքը մերկացել է Marc Jacobs-ի գովազդային արշավի համար14:05, 1 մայիսի
Դերասանուհի Ջուլիա Եղշատյանն ու ամուսինը սպասում են իրենց առաջնեկին13:16, 1 մայիսի
Թոմ Քրուզը «շոյված է» այն մտքից, որ Իրինա Շեյքը հետաքրքրված է իրենով, բայց այս «առաքելությունն անհնարին է»12:22, 1 մայիսի
«Հնդկական հարսանեկան դիմահարդարում»՝ նոր թրենդ Tiktok-ում եւ Instagram-ում. Գոհար Ավեստյանը ներկայացրել է իր տարբերակը11:57, 1 մայիսի
Դիտա ֆոն Թիզը ապացուցում է, որ ժամանակն իր հանդեպ անզոր է