Հայ դերասան, շոումեն ու պրոդյուսեր Արմեն Պետրոսյանը, ով հանդիսատեսին ավելի հայտնի է Մենչ անունով, շատ քիչ է երեւում եթերում։ NEWS.am STYLE –ը որոշեց պատճառն իմանալ, ինչպես նաեւ մի փոքր բացել նրա անձնական կյանքը։
Արմեն, վերջերս անհայտացել եք էկրաններից։ Ինչո՞ւ։
Չեմ անհայտացել, պարզապես ինձ ժամանակ էր պետք, որպեսզի կարողանայի մտքերս հավաքել ու հանդիսատեսին նոր հեռուստահաղոդումներով ներկայանալ։ Արդեն մեկ տարի է, ինչ չեմ երեւում էկրանին, սակայն հեռուստատեսությունից չեմ հեռացել։ Հումորիստական հաղորդումներից հեռանալու համար զբաղվել եմ տարբեր նախագծերով, որոնցում չեմ մասնակցել եւ որոնք չի կարելի «իմը» համարել։
Ինչո՞ւ այլեւ չկա «Բլեֆը»։
Նախագիծը փակվեց, քանի որ թե՛ մասնակիցները, թե՛ թեմաները սպառվել էին։ Մյուս կողմից, չեմ բացառում, որ հաղորդումը երբեւէ կվերականգնվի։
Ձեր սերնդի ներկայացուցիչները՝ դուք, Մկոն, Հայկոն, Ռաֆոն եւ այլն, կարծես թե իրենց տեղը զիջել են ավելի երիտասարդ սերնդին։ Այժմ նրանք են փայլում էկրանին, նրանց են ուղղված հիացած հայացքները։ Ինչո՞ւ այդպես ստացվեց, ինչո՞ւ չեք համագործակցում։
Ես ինձ բավական երիտասարդ եմ համարում եւ չեմ պատրաստվում հանձնվել։ Դեռ շատ ասելիք ունեմ հանդիսաեսին, ամենեւին էլ չեմ սպառվել։ Իսկ ինչ վերաբերում է տեղը զիջելուն, ապա ես միայն կուրախանամ դրանից։ Բոլոր ցանկացողների հետ էլ համագործակցում ենք։ Եւ մեր շարքերը համալրվում են ավելի երիտասարդ կադրերով։
Ե՞րբ կլինի Yere1-ի նոր սեզոնը։
Այժմ հենց դրանով էլ զբաղվում ենք, աշխատում ենք նոր սերիաների վրա։ Մայիսի կեսերին հաղորդումը եթեր դուրս կգա։ Խոստանում եմ, որ նոր սյուժեներ կլինեն։
Հետաքրքիր է, որ ձեր անձի մասին հայ հանդիսատեսը ոչինչ չգիտի։ Ինչպիսի՞ն է Արմեն Պետրոսյանը կյանքում։
Կյանքում ընդանուր ոչինչ չունեմ այն Արմենի հետ ում տեսնում եք էկրանին։ Ես ավելի լուրջ ու զուսպ մարդ եմ։
Ձեր կածիքով հումորը կյանքում պե՞տք է։
Բնականաբար, իմ կյանքը չի կարող հումորից զուրկ լինել։ Ես կարծում եմ, որ դա յուրաքանչյուր մարդու կյանքում պարտադիր կետ է։
Ի՞նչ հագուստ եք նախընտրում։
Սիրում եմ հագնվել ազատ ոճով, թեեւ երբեմն նախընտրում եմ եւ դասականը։
Ի՞սկ բրենդը նշանակությու ունի։
Ինչ-որ բան չեմ ուզում առանձնացնել։
Դուք շատ զբաղված եք։ Հասցնո՞ւմ եք երեխաներին բավարար ժամանակ տրամադրել։
Այո, տեսնում եմ նրանց առավոտյան ու երեկոները։ Եւ ազատ ժամանակս ձգտում եմ ընտանիքիս հետ անցկացնել։
Արդեն որոշել եք, թե ո՞ր ուղղությամբ կգնան ձեր երեխաները։
Ոչ։ Կարծում եմ, որ յուրաքանչյուրն ինքը պետք է որոշի իր համար։ Թող իրենք ընտրեն իրենց զբաղմունքն ու գտնեն իրենց ճանապարհը։ Իսկ ես պազապես կաջակցեմ ու կօգնեմ նրանց։ Ուզում եմ, որ նրանք հայրենասեր լինեն, բարեհամբույր ու մարդկային։
Ձեր խորհուրդը հայ հայրերին։
Ամուր բռնեք ձեր ընտանիքներից, քանի որ կյանքում ամեն ինչ անցողիկ է, բացի ճիշտ ու ամուր ընտանիքից։
Զրուցեց Մարինա Ադուլյանը
Հետևեք NEWS.am STYLE-ին Facebook-ում, Twitter-ում և Instagram-ում
14:17, 23 ապրիլի
Microsoft-ը Լեոնարդո դա Վինչիի Մոնա Լիզային «ստիպել է» ռեփ կարդալ13:34, 23 ապրիլի
Christie's-ն աճուրդի կհանի Վիվիեն Վեսթվուդի անձնական զգեստապահարանը12:30, 23 ապրիլի
Սելին Դիոնը պատմել է իր հազվագյուտ հիվանդության դեմ պայքարի մասին11:54, 23 ապրիլի
Քանյե Ուեսթը պատմել է, թե որ հայտնի մարդու հետ են պատրաստ ինքն ու իր կինը՝ Բիանկա Սենսորին, համատեղ սեքսով զբաղվել11:18, 23 ապրիլի
Պտուղը ծառից հեռու չի ընկնում. Քեթրին Զետա-Ջոնսի դուստրն իր 21-ամյակը նշել է մայրիկի՝ 25 տարի առաջվա զգեստով10:16, 23 ապրիլի
Բրիթնի Սփիրսի «կեղտոտ պարը»09:00, 23 ապրիլի
ԱՊՐԻԼԻ 23-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ22:32, 22 ապրիլի
Ռիհաննայի Street Style-ը․ ընձառյուծի պրինտով մուշտակ եւ կաշվե մինի շրջազգեստ22:01, 22 ապրիլի
Գեւորգ Մկրտչյանի եւ Քրիստինա Հովհաննիսյանի հարսանեկան առաջին տանգոն՝ Էրիկի կատարման ներքո (VIDEO)21:14, 22 ապրիլի
«Անհավանական» տեսանյութ, որտեղ պատկերված է գիտնականի եւ ութոտնուկի հաղորդակցությունը վայրի բնության մեջ19:56, 22 ապրիլի
Համշենական «Մելուսես» խումբը մայիսին համերգ կունենա Երեւանում19:22, 22 ապրիլի
Ասիայի ամենահարուստ մարդու էքստրավագանտ նվերներն իր ընտանիքին և ընկերներին