• Պլասիդո Դոմինգոն Երևանում է. ի՞նչն է օպերային լեգենդին բերել Հայաստան

  Այսօր՝ հոկտեմբերի 14-ին, Ալեքսանդր Սպենդիարյանի անվան օպերայի և բալետի ազգային ակադեմիական թատրոնում տեղի ունեցավ հայ մեծանուն տենոր, համաշխարհային օպերային արվեստի նշանավոր ներկայացուցիչ Գեղամ Գրիգորյանի ծննդյան 75-ամյակին նվիրված գալա-համերգի մամուլի ասուլիսը…

• Լեգենդար «Որոգայթը» վերադառնում է՝ «Նոր սկիզբ»․ նոր պատմություն, նոր մասշտաբ, նոր խաղի կանոններ

  Լեգենդար «Որոգայթը» վերադառնում է՝ «Որոգայթ. Նոր սկիզբ» 24 մասից բաղկացած նոր քրեական դրամայով...

• Րաֆֆի Գալստյան․ «Ուզում եմ իմ լավագույն տարիները նվիրել հենց մեր թատրոնին»

  Մոլդովայի բեմում՝ Սպարտակի կերպարով, հայրենիքում՝ նոր դերերով ու ստեղծագործական ծրագրերով…

• Սյուզան Մարգարյանի արձագանքը Սիրուշոյի պատմությանը, Fashion Week-ն ու Երևանի 2808-ամյակը․ Instagram-ը՝ այս շաբաթ

  Հոկտեմբերի 7-ին կայացավ Վարդուհի Վարդանյանին նվիրված մեծ համերգը, որի ընթացքում գրանցվեցին մի շարք տպավորիչ ու հուզիչ դրվագներ...

• Երջանկության, վախերի ու սիրո մասին․ դերասանները՝ առանց բեմական կերպարների

  Բեմում դերասանին սովորաբար ճանաչում ենք նրա ստեղծած կերպարով, իսկ հարցազրույցում՝ նրա մասնագիտական հայացքներով․․․

• Երեք հարս, մեկ սկեսուր ու մեկ մեծ գաղտնիք․ «Հարսների հավաքականը»՝ բեմում

  Երեք հարս, մեկ սկեսուր ու շատ ինտրիգներ. հոկտեմբերի 5-ին և 7-ին Ստանիսլավսկու անվան ռուսական դրամատիկական թատրոնի բեմ բարձրացավ ռեժիսոր Սեդրակ Գոջամանյանի «Հարսների հավաքական» զավեշտալի ներկայացումը՝ Իրինա Դանիելյանի, Մարջան Ավետիսյանի, Զառա Սահակյանի ու Լիանա Վանոյանի մասնակցությամբ….

• «Բարձրաձայն կարոտ»․ Վարդուհի Վարդանյանին նվիրված երեկոյին բեմում էին նաև որդին, թոռնուհին ու քույրերը (ֆոտո/վիդեո)

  Ապրեց ընդամենը 30 տարի, սակայն Վարդուհի Վարդանյանը հասցրեց ստեղծել մի ժառանգություն, որն այսօր էլ շարունակում է ապրել նրա երգերում, կատարումներում ու իրեն ճանաչողների հիշողություններում․․․

• Ռաֆայել Երանոսյանը խոստանում է «թեթևացնել» կյանքի ծանրությունները. նոր մոնոներկայացման պրեմիերան՝ հոկտեմբերի 19-ին

  Ռաֆայել Երանոսյանը կրկին բեմ է բարձրանալու մոնոներկայացմամբ, այս անգամ՝ «Ծանր ու թեթև» խորագրով...

Warner Bros., DreamWorks, Sony Pictures, FOX` սրանք այն հայտնի ստուդիաների մի մասն են միայն, որտեղ աշխատել է ամերիկահայ մուլտիպլիկատոր Ելենա Գեոդակյանը: Իր 20 տարիների գործունեության ընթացքում Ելենան աշխատել է այնպիսի հայտնի մուլտֆիլմերի ստեղծման շուրջ, ինչպիսիք են` «Կամելոտը փնտրելիս», «Երկաթե հսկան», «Ճանապարհ դեպի Էլ Դորադո», «Սինբադ», «Քունգ ֆու պանդա» եւ այլն:

2006 թ-ից մուլտիպլիկատորը զբաղվում է «Սիմփսոնները» հայտնի շոուի աշխատանքներով:

Ելենան այս օրերին Հայաստանում է, որտեղ իր փորձով սիրով կիսվում է հայրենակիցների հետ: NEWS.am STYLE-ը չէր կարող նման առիթը բաց թողնել եւ չհետաքրքրվել սիրված մուլտֆիլմի անիմատորից, թե ինչպես են ստեղծվում Սիմփսոնները եւ ինչով է պայմանավորված դրա համաշխարհային հաջողությունը.

Ամուսնու` Գագո Հովհաննիսյանի եւ դստեր` հաղորդավարուհի Սոնա Հովհաննիսյանի հետ, որն, ի դեպ, ռեփեր Միշոյի կինն է

«Շուրջ տասը տարի է, ինչ աշխատում եմ «Սիմփսոնները» նախագծի շուրջ` որպես անիմատոր: Ահա, թե ինչ է մտնում իմ աշխատանքի մեջ. Նախ եւ առաջ` ես ստեղծում եմ հերոսների բեքգրաունդի տեսարանը, նրանց գլխավոր գործողությունների դիրքերը, այնուհետեւ տալիս եմ նրանց շարժումը` ներառելով աուդիոն, երկխոսությունները եւ այլն: Հետո մենք կատարում ենք անիմացիան. մենք նկարում ենք cintiq-ի` համակարգչի էկրանի վրա»,-ասում է Ելենան, ըստ որի` շոուի հաջողությունը մի քանի փաստերով է պայմանավորված.

Ելենան դստեր` Սոնայի հետ

«Պատճառներից մեկը կարծում եմ այն է, որ այս շոուն ծիծաղեցնում է շատ երեխաների, բայց եւ պարունակում է մեծահասակների համար նախատեսված կատակներ, ինչի շնորհիվ այն գրավում է տարբեր տարիքի հեռուստադիտողներին: Այն երգիծանքի միջոցով ներկայացնում է մշակութային, քաղաքական, կենցաղային եւ այլ ոլորտների թերի կողմերը: Հեռուստաշոուի մյուս առավելությունն այն է, որ այնտեղ ներկայացված է սովորական ընտանիքի պատմություն, որի անդամները հոգատար են միմյանց նկատմամբ:

Ելենայի աշխատանքներից

Կարծում եմ` սիրված են անգամ երկրորդական կերպարները: Եվ բացի դա` շոուն գեղեցիկ եւ հետաքրքիր գույներով եւ պատկերներով է մատուցվում, ինչը եւս գրավում է երկրպագուներին»:

«Սիմփսոնների» համահեղինակ եւ գլխավոր պրոդյուսեր Մեթ Գրոունինգի հետ

Բացի վարպետության դասերից` Ելենան Երեւանում է նաեւ ընկերներին եւ բարեկամներին տեսնելու եւ պատմամշակութային վայրեր այցելելու նպատակով.

«Հունիսի 15-ին կմեկնեմ Եվրոպա, որտեղից արդեն ամսի 25-ին կվերադառնամ Լոս Անջելես»,-ասում է մուլտիպլիկատորը, որը դեռ մի շարք ծրագրեր ունի իրականացնելու մուլտֆիլմերի հեքիաթային աշխարհում:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում