Աիդա Կարապետյանի ու ամուսնու՝ Արամի սիրո պատմությունը. ծանոթությունից մինչև անսպասելի ամուսնություն

Մարդիկ կան՝ վատ բաներ են մեր հետևից ասում, մարդիկ կան՝ ուրախանում են. Հելոուինը` Հայաստանում

VIDEO. Սոս Ջանիբեկյանը, Լուիզա Ներսիսյանը, Դիանա Մալենկոն և Լևոն Հախվերդյանը՝ սիրային քառանկյունու կիզակետում

Ինչպես Նարեին դիմավորեցին «Զվարթնոց» օդանավականում՝ «Մանկական Եվրատեսիլում» հաղթանակից հետո. երգչուհու էմոցիաները

Թեմա կա. ո՞ւմ մասին է Աստղիկ Սաֆարյանը մտածում գիշերվա 2-ին և ո՞ւմ է տեսնում որպես «Երկու աստղի» հաջորդ զույգ

Օսկար Ուայլդի «Սալոմեն»՝ Երևանի դրամատիկական թատրոնի նոր հարթակում

Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

ԱՄՆ-ից ժամանած երաժիշտներ Թամար Կապրելյանը, Բեն Մուդին եւ Էնդրյու Ֆոքսը` Nvak նախագծի եւ Հայաստանից ստացած տպավորությունների մասին

12:08, 25 հուլիսի

Պրոդյուսինգ, գործիքավորում, վոկալ` այս եւ մի շարք այլ հմտություններ երաժշտությամբ հետաքրքրվող ուսանողները կարող են սովորել Թամար Կապրելյանի Nvak ծրագրին մասնակցելով:

Ամենամյա բնույթ կրող այս ծրագրի շրջանակներում Թամարին են միացել նաեւ աշխարհահռչակ երաժիշտ, «Գրեմմիի» մրցանակակիր եւ Evanescence խմբի կիթառահար Բեն Մուդին եւ հայտնի երգահան ու գործիքավորող Էնդրյու Ֆոքսը:

Վերջերս NEWS.am STYLE-ը ներկա էր Nvak-ի հերթական դասընթացին, որից հետո հետաքրքիր զրույց ունեցանք նախագծի կազմակերպիչների հետ:

 ««Եվրատեսիլին» մասնակցելու ընթացքում մի քանի անգամ եղա Հայաստանում: Այստեղ ես այցելեցի TUMO կենտրոն եւ ծանոթացա մի շարք տաղանդավոր երիտասարդների հետ: Հետո հասկացա, որ պետք է ձեռնարկեմ մի նախագիծ, որով կկարողանամ օգնել տաղանդավոր հայ երիտասասրդներին»,-ասում է Թամարը:

Երկու շաբաթ տեւող նախագծին մասնակցում են 12-22 տարեկան երաժշտասեր երիտասարդներ: Ուսուցիչները լսարան են մտնում մեկ սկզբունքով` նրանք պետք է սովորեն ուսանողներիրց, իսկ վերջիններս էլ իրենցից: Սա ծրագրի գլխավոր նպատակներից է:

«Մեր նպատակներից է նաեւ Արեւելքի եւ Արեւմուտքի միջեւ կամուրջ ստեղծելը: Կարծում եմ` կարեւոր էր, որ ուսուցիչները լինեին արտերկրից, որոնցից ուսանողները կարող են նոր բաներ սովորել: Անսովոր իրավիճակներում հայտնվելով միայն մարդ կարող է դուրս գալ իր հարմարավետության գոտուց եւ նոր բաներ փորձել: Մեր երկրում շատ տաղանդավոր երեխաներ կան, որոնց, պարզապես, ճիշտ ուղղություն է պետք ցույց տալ: Ես էլ ցանկացա, որ այդ հարցում նրանց օգնեն իմ թիմի խելացի եւ հմուտ մասնագետները: Յուրաքանչյուր ուսուցիչ իր մեթոդներն է ներկայացնում` ելնելով իր կյանքի փորձից»:

Հայտնի կիթառահար Բեն Մուդին պնդում է, որ այս նախագծի գաղափարը իրեն գրավել է հենց սկզբից, երբ Թամարը դեռ չէր էլ հասցրել ավարտել իր միտքը.

«Երբ նա առաջին անգամ խոսեց այս թեմայով, ես չգիտեի, թե ինչ է նա պատրաստվում անել, բայց վտահ ասացի` «Այո»: Երբ Թամարն ավելի մանրամասն սկսեց խոսել Nvak-ի գաղափարի մասին, ես ամրապնդեցի իմ որոշումը: Կարծում եմ` նա ֆանտաստիկ եւ միեւնույն ժամանակ համարձակ բան է ձեռնարկել»,-ասում է Բենը` ավելացնելով, որ ուսանողներն, իսկապես, տաղանդավոր են:

«Այս երեխաներն այնքան շնորհակալ են այստեղ գտնվելու համար: Դեռեւս  նրանց շատ խորհուրդներ չեմ տվել, բայց ուզում եմ խնդրել, որ սիրեն իրենց գործը: Սա ամենակարեւոր գործոններից է»:

Բենից նաեւ հետաքրքրվեցինք, թե ինչ տպավորություններ ունի Հայաստանից եւ հայերից.

«Ուր էլ, որ գնում եմ, այնպիսի տպավորություն է, որ մարդիկ չափազանց հետաքրքրված են իմ արտաքինով: Այնպես որ` եթե երբեւէ ցանկանամ ինձ աստղ զգալ, ուրեմն պետք է զբոսնեմ Երեւանի փողոցներով»,-կատակում է նա:

«Այստեղ մարդիկ շատ հարգալից են: Հրաշալի է գալ մի երկիր եւ հասկանալ, որ ժամանակդ իզուր չես վատնում: Հուսով եմ` էլի կգամ այստեղ: Դեռ շատ անելիքներ ունեմ Հայաստանում»:

Այս նախագծով պակաս ոգեւորված չէ նաեւ Էնդրյու Ֆոքսը:

«Թամարն ինձ ասաց. «Կցանկանա՞ս Հայաստանում մի նախագծի մասնակցել»: Եւ ես միանգամից համաձայնվեցի, քանի որ վստահ եմ` այս ճանապարհորդությունից ես նույնքան շատ բան կսովորեմ, որքան մեր ուսանողները»:

Էնդրյուին խնդրեցինք խոսել նաեւ հայ եւ արտասահմանցի ուսանողների նմանությունների եւ տարբերություններիր մասին.

«Նրանց միջեւ շատ են թե նմանությունները, թե տարբերությունները: Այստեղի ուսանողներն ավելի հարգալից են, նրանք նաեւ ավելի կիրթ են»:

Այստեղ գալուց առաջ Ֆոքսը շատ բան չգիտեր Հայաստանի մասին.

«Սովորաբար, երբ որեւէ երկիր եմ այցելում, ես ուումնասիրում եմ այն, փորձում եմ ինչ-որ բաներ իմանալ դրա մասին, բայց այս դեպքում չհասցրեցի որեւէ ուսումնասիրություն կատարել: Իհարկե, Թամարն ինձ որոշ բաներ պատմել է, բայց ամեն անգամ նոր բաներ եմ բացահայտում:»

Էնդրյուն իր ուսանողներին խորհուրդ է տալիս լինել ստեղծագործ եւ հաճախ ասել «Այո».

«Երբ ես ավելի երիտասարդ էի, շատ բաների ասում է «Ոչ»: Այժմ դրա համար զղջում եմ: Եթե սիրում եք երաժշտությունը, փորձեք անընդհատ նոր բաներ բացահայտել ձեզ համար: Անգամ եթե չեք հավանում որեւէ երաժշտություն, փորձեք լսել այն եւ դրա մեջ ինչ-որ հետաքրքրություն գտնել:  Հիշեք, որ երաժշտական կարիերան չի կարող հեշտությամբ տրվել»:

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում




Print    |  In English

  • Related News

TV SHOWS PHOTO VIDEO


@NEWSam_STYLE

  • Archive
Search