• Լեգենդար «Որոգայթը» վերադառնում է՝ «Նոր սկիզբ»․ նոր պատմություն, նոր մասշտաբ, նոր խաղի կանոններ

  Լեգենդար «Որոգայթը» վերադառնում է՝ «Որոգայթ. Նոր սկիզբ» 24 մասից բաղկացած նոր քրեական դրամայով...

• Կինոբեմադրիչ Ջիվան Ավետիսյանի՝ «Վերածնվածը» ֆիլմի անդրանիկ ցուցադրությունը Լոս Անջելեսում

  Լոս Անջելեսում՝ Warner Bros. Studios.-ի Steven J. Ross կինոթատրոնում, հոկտեմբերի 3-ին կայացավ կինոբեմադրիչ Ջիվան Ավետիսյանի «Վերածնվածը» (Revival) լիամետրաժ խաղարկային ֆիլմի առաջին ցուցադրությունը․․․

• Աղաս Մանուկյանը՝ «Բարի Գալուստի» մասին․ առաջին պրոդյուսերական փորձը, Հունաստանում նկարահանումներն ու չնկարահանվելու որոշումը

  Հոկտեմբերի 20-ից Shant TV-ի եթերում կմեկնարկի «Բարի Գալուստ» նոր սիթքոմը…

• Նոր կադրեր «Մոնթե» ֆիլմի նկարահանումից

  Նոյեմբերին մեծ էկրան կբարձրանա Genetic Production-ի կողմից նկարահանվող «Մոնթե» ֆիլմը, որը Հայաստանի և Արցախի հերոս, Արցախյան պատերազմի մասնակից Մոնթե Մելքոնյանի կյանքի մասին՝ ամբողջապես հիմնված իրական փաստերի վրա...

• Գոհար Ավետիսյանը՝ դերասանուհու դերում, Զիրոյանը՝ Արկադի Դումիկյանի կերպարում, իսկ կարմիր գորգին՝ հարսանեկան անակնկալ. կայացավ «Մեկ in Մեկ» ֆիլմի պրեմիերան

  Ինչի՞ եք դուք պատրաստ՝ հանուն ձեր մտերիմ ընկերոջ. «Մեկ in Մեկ» ֆիլմի հերոս Արամը, հայտնի դիմահարդար Գոհար Ավետիսյանի օգնությամբ, պատրաստ եղավ, նույնիսկ, ծայրահեղ քայլի…

• Ի՞նչ է թաքնված «Ճերմակ շապիկի» տակ․ Թելման Խաչատրյանի ու Մերի Քոչարյանի հերոսների պատմությունը՝ մեծ էկրանին․ ֆիլմի պրեմիերան, կարմիր գորգն ու հայտնի հյուրերը (ֆոտո)

  Ի՞նչ պատմություններ են թաքնված ճերմակ շապիկներ կրող մարդկանց ներաշխարհում, հոգում ու հիշողություններում՝ հե՞րքում, կարո՞տ, ցա՞վ…

• Երբ հանգամանքները բացահայտում են մարդկանց. «Գիշատիչների խնջույքը» ֆիլմի պրեմիերան՝ «ՀանդArt»-ում

  Ի՞նչ է մնում մարդուց, երբ ընտրությունը սահմանափակվում է սեփական փրկությամբ...

• «ֆուլ Հաուս» ֆիլմը կունենա 2-րդ մաս

  Նախորդ տարի մեծ էկրաններ բարձրացած «ֆուլ Հաուս. վայրէջք» ֆիլմով թիմը չի սահմանափակվի…

Պատերազմ, զոհեր, ընկերություն, կորուստ, սպասում ու սեր՝ ահա, թե ինչի մասին է  Մհեր Մկրտչյանի «Կյանք ու կռիվ» գեղարվեստական ֆիլմը, որի պրեմիերան կայացավ այսօր՝ սեպտեմբերի 19-ին։

«Ֆիլմի նկարահանման աշխատանքները, մոտավորապես, մեկ տարի առաջ ենք սկսել։ Ֆիլմը նվիրվում է մեր անկախության 25-ամյակին։ Երբ 90-ական թ-երին պատերազմ էր տեղի ունենում, մենք հենց այս երիտասարդների տարիքին էինք, այդ ժամանակ «квн» էինք խաղում եւ հիմնականում Հայաստանում չէինք լինում։ Միշտ մտածել ենք, միգուցե, պետք է լինեինք այստեղ, ոչ թե հեռվում․․․այդպիսով՝ ցանկացել ենք մեր երախտագիտության խոսքն ասել մեր զինվորներին, որտեղից էլ եւ ծնվեց ֆիլմի գաղափարը»,-նշեց «Շարմ» հոլդինգի գլխավոր տնօրեն Կարեն Ղազարյանը։

Ռեժիսոր Մհեր Մկրտչյանի խոսքով՝ այս ֆիլմը, ինչպես շատ ֆիլմեր, ստեղծվել է երկար քննարկումների եւ տարբեր գաղափարների արդյունքում․

«Նկարահանումներն իրականացրել ենք տարբեր վայրերում՝ սկսած Գորիսից, վերջացրած Իջեւանով եւ Երեւանով։ Նկարահանումներ եղել են նաեւ Արցախում։ Պրոդյուսերների հետ եկանք համաձայնության, որ ֆիլմում պետք է նկարահանվեն թարմ դեմքեր։ Իհարկե, մենք հարգում ենք աստղերին, բայց որոշեցինք, որ մեր ֆիլմին պետք են նոր դեմքեր»։

Ի դեպ դերասանական կազմի մասին․․․ Ֆիլմի գլխավոր դերերում հանդես են եկել Սամվել Թադեւոսյանը, Անի Խաչիկյանը, Էլեն Սարգսյանը, Սամվել Թոփալյանը, Հայկ Պետրոսյանը, Հայկ Մարգարյանը։ Նկարահանվել են նաեւ Վարդան Պետրոսյանը, Ռուդիկ Մարտիրոսյանը, Գերոգի Հովակիմյանը եւ այլք։

Խոսելով դերասանական կազմի մասին՝ անհնար է չնշել նաեւ նրանց էմոցիոնալ խաղը, որն էլ միաձուլվելով սյուժեի հետ՝ հանդիսատեին պարգեւեց բառի բուն իմաստով տարբեր հույզեր՝ տագնապ, թախիծ, արցունքներ եւ, նույնիսկ, ժպիտ։

«Ֆիլմում նկարահանվել եմ, հետո զորակոչվել եմ բանակ»,-նշում է գլխավոր հերոսին՝ Տիգրանին մարմնավորող դերասան Սամվել Թադեւոսյանը, որը ֆիլմում խոսում է նաեւ ժեստերի լեզվով, ինչի համար էլ մոտ երկու ամիս գնացել է հատուկ պարապմունքների։

Պարապմունքերի է հաճախել նաեւ ֆիլմում խուլ եւ համր Սոֆիին մարմնավորող Էլեն Սարգսյանը, որի համար այս ֆիլմը դեբյուտային էր․

«Աննկարագրելի զգացողություններ ունեմ, հուզմունք եմ ապրում ու շատ ուրախ եմ, որ դեբյուտս հենց այս ֆիլմով էր։ Շնորհիվ ռեժիսորի եւ մեր ամբողջ պրոֆեսիոնալ կազմի՝ ինձ համար շատ հեշտ էին այս նկարահանումները»,-նշեց սկսնակ դերասանուհին, որն արդեն նկարահանվելու նոր առաջարկներ է ստանում։

Դերասանուհի Անի Խաչիկյանը փոքր-ինչ դժվարացավ կարծիք հայտնել ֆիլմի մասին․ չէ՞ որ, ինքն էլ է նկարահանվել այնտեղ․

«Ինձ համար մի փոքր դժվար է օբյեկտիվ խոսել ֆիլմի մասին, քանի որ ինքս նկարահանվել եմ ֆիլմում։ Ես ուղղակի ուրախ եմ, որ մենք ունենք այսպիսի ֆիլմ։ Սա մի մեծ քայլ է դեպի կինո»։

Սամվել Թոփալյանը ֆիլմում աչքի էր ընկնում իր մարտական պատրաստվածությամբ եւ պատահական չէ, քանի որ դերասանը հատուկ նախապատրաստվել էր այս դերի համար։

«Քանի որ ես ֆիլմում հատուկ ջոկատային եմ, պետք է տիրապետեի զենքը բռնելուն, քայլելուն եւ այլ մարտական դիրքերին, ինչը մոտ մեկ ամիս պարապել եմ։ Մի անգամ, նույնիսկ Իջեւան ենք գնացել կրակելու համար։ Սա շատ նուրբ թեմա է, այդ պատճառով այստեղ չափի զգացողությունն էլ էր կարեւոր։ Կարծում եմ՝ սցենարում ամեն ինչ շատ ճիշտ էր նկարագրված եւ ոչ մի արհեստածին լարում չկար»։

Ֆիլմի ստեղծագործական կազմը նշում է՝ այս ֆիլմին կհաջորդի եւս մեկը՝ «Կյանք ու կռիվ՝ 25 տարի անց», որը ստեղծելու գաղափարը ծնվել է ապրիլյան պատերազմի ժամանակ։ Իսկ մինչ այդ՝ հանդիսատեսը կարող է դիտել «Կյանք ու կռիվ» ֆիլմը՝ սկսած սեպտեմբերի 21-ից։

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում