• «Յաշան ու Լեոնիդ Բրեժնեւը»՝ 5, «Ամերիկացին»՝ 4 մրցանակ. «Անահիտ» մրցանակաբաշխության կարմիր գորգն ու բոլոր մրցանակակիրները (ֆոտո)

  Ապրիլի 16-ին Dvin Music Hall-ում անցկացվեց Հայկական ազգային կինոակադեմիայի 4-րդ «Անահիտ» մրցանակաբաշխությունը...

• Դասականի հավերժականության, երաժշտի եւ երաժշտության փոխհարաբերությունների մասին՝ տուբահար Հարություն Հաջինյանի հետ

  Երաժշտության պատմության մեջ երաժշտական ​​ոճերից կարեւորագույնը ինձ համար դասականն է, ասում է 37–ամյա տուբահար Հարություն Հաջինյանը...

• MOCT 5. Անդերգրաունդ կյանքը Հայաստանում

  MOCT Promo-ի պրոդյուսեր Լևոն Հունանյանի հետ զրուցել ենք անդերգրաունդ կյանքի, էլեկտրոնային երաժշտության, և հենց MOCT-ի մասին։ Ապրիլի 20-ից 22-ը MOCT-ը նշում է իր 5 ամյակը, գերմանացի տեխնո արտիստ, դի-ջեյ Ben Klock-ը միջոցառման գլխավոր հյուրն է...

• Իջինը «հպարտացել է» իր սլացիկ կազմվածքով (ֆոտո)

  Ռուսաստանաբնակ երգչուհի Իջինը Instagram-ում նոր հրապարակում է արել՝ ցուցադրելով իր գեղեցիկ արեւայրուքն ու սլացիկ կազմվածքը...

• «Ահա, թե ինչ եմ անում, երբ չեմ աշխատում»․ Սիրուշոն ցուցադրել է, թե ինչպես է անցկացրել «weekend»-ը երեխաների հետ (ֆոտո/վիդեո)

  Սիրուշոն Instagram-ում կիվել է իր եւ երեխաների հանգստյան օրերի ժամանցով...

• «Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

  «Մոսկվա» կինոթատրոնում երեկ՝ ապրիլի14-ին, կայացավ «ՄԵՆՔ» հոլդինգի, նոր՝ «Տանդեմ» քրեական դրամայի առաջին երեք սերիաների ցուցադրությունը...

• «Ամերիկացին»՝ Հայատանում. Ժան Նշանյանը՝ որդու՝ Արմանի հետ աշխատելու, Նարինե Գրիգորյանը՝ Հովիկ Կեուչկերյանի կողքին «փոքր կին» զգալու մասին

  Ապրիլի 4-ից հայաստանյան էկրաններ է բարձրացել «Ամերիկացի» ֆիլմը: Ֆիլմի ռեժիսորը եւ գլխավոր դերակատարը Մայքլ Գյույրջյանն է, պրոդյուսերը՝ Արման Նշանյանը…

• Գոհար Ավետիսյանը՝ երկու էկզոտիկ կերպարով. «բարոյականության պահապանները» կարծում են, որ «հայուհիներն այդպես չեն հագնվում»

  Հայկական ծագմամբ ռուս դիմահարդար Գոհար Ավետիսյանը ներկայացել է երկու էկզոտիկ կերպարով…

10 տարի առանց նրա… Շոու-բիզնեսի ընկերները, կոլեգաները, հայկական բեմն ու հանդիսատեսը կարոտել էին հայկական երգարվեստի ամենատաղանդավոր երգչուհիներից մեկին՝ Վարդուհի Վարդանյանին: Սիրելի ընկերոջն իր իսկ երգերով հիշելու եւ նրա արվեստը վառ պահելու համար երեկ՝ հոկտեմբերի 26-ին, Վարդուհու մտերիմ ընկերները «Մեզ ոչինչ չի բաժանի» խորագրով համերգային հուզիչ ծրագիր էին կազմակերպել՝ նվիրելով այն իրենց թանկ ընկերոջը:

Համերգի ընթացքում ելույթ ունեցան հայկական շոու-բիզնեսի ամենահայտնի ու սիրված դեմքերը՝ Անդրեն, Սիրուշոն, Էրիկը, Սոնա Ռուբենյանը, Արսեն Սաֆարյանը, Հայկոն, Մարթան, Սյուզան Մարգարյանը, Շուշան Պետրոսյանը, Զարուհի Բաբայանը, Քրիստինե Պեպելյանը, Արսեն Գրիգորյանը, Մրոն, Երգի պետական թատրոնի սաները, Սոնա Շահգելդյանը, Աննա Խաչատրյանը, Անուշ եւ Ինգա Արշակյանները եւ այլք: Համերգը վարում էր Ավետ Բարսեղյանը:

Ետնաբեմում երգիչները մեզ հետ կիսվեցին իրենց հույզերով եւ Վարդուհու մասին ամենաջերմ հուշերով.

«Թութուշը մեզ համար միշտ կա, երեւի հենց դրանով է պայմանավորված այն փաստը, որ ամեն անգամ հենց նրա պատվին կազմակերպված համերգների ժամանակ ենք այսքան հավաքվում, քանի որ նրա հետ կապված շատ հուշեր ունենք՝ մրցույթներ, համերգներ եւ այլն: Այս ամեն ինչով մենք նաեւ հիշում ենք, որ նա մեզ հետ է: Նա այնքան քաղցր աղջիկ էր, այդ պատճառով էլ բոլորը նրան վառ են հիշում եւ ցանկանում են այսպիսի միջոցառումներին ներկա գտնվել»,-նշեց Հայկոն:

Արսեն Սաֆարյանը կարծում է, որ Վարդուհուն հիշում են հենց իր վառ կերպարի համար.

«Նա եւ աստղ էր, եւ հասարակ ընկեր: Այդպիսի մարդիկ հիմա շատ քիչ կան: Բոլորը նրան հիշում են՝ որպես վառ կերպարի, իսկ եթե բոլորը նրան այդպիսին են հիշում, ուրեմն նա հենց այդպիսին էր: Նա ուներ յուրահատուկ հումոր եւ ինքնատիպ ծիծաղ, որը վարակիչ էր: Դա է պատճառը, որ այսօր բոլորս ժպիտով ենք հիշում նրան»:

Էրիկը ցավով է նշում, որ ի տարբերություն ավագ կոլեգաների՝ ինքը Վարդուհու հետ շատ երկար չի հասցրել շփվել.

«Գիտեմ, որ Վարդուհին մեր երգարվեստի լավագույն մարդկանցից մեկն է եղել: Նրա հետ շատ հետաքրքիր ձեւով եմ ծանոթացել: 2001 թ-ին՝ «Կռունկ» համերգի ժամանակ տեսա նրան: Մինչ այդ պատկերացում չունեի հայկական էստրադայի մասին, նոր էի եկել Թիֆլիսից: Եւ հիշում եմ, երբ բեմում տեսա այնպիսի երգիչների, ինչպիսիք են Լիանան, Անդրեն, Վարդուհին, ես փոխեցի իմ պատկերացումները երգարվեստի վերաբերյալ»:

Վարդուհու ամենամտերիմ ընկերներից մեկը՝ Սիրուշոն, նշեց, որ լավագույն ընկերուհուն միշտ էլ հիշում է ժպիտով, քանի որ նա այդպիսին էր՝ պայծառ եւ ժպտերես.

«Նա իմ հանդիպած ամենադրական մարդկանցից մեկն էր: Մենք, գրեթե, մեր ամեն օրը միասին էինք անցկացնում: Միմյանց հետ կիսվում էինք ամենատարբեր թեմաներով, շատ լավ ժամանակ էինք անցկացնում, անընդհատ ու անընդմեջ ծիծաղում էինք, նույնիսկ չգիտեմ՝ ինչի վրա էինք այդքան ծիծաղում...Միասին աշխատում էինք այն շրջանում, երբ դեռ ինքս էլ նոր էի հարթում իմ ուղին, օր ու գիշեր աշխատում էինք, ամեն օր համերգներ էինք ունենում, շատ դժվարություններ կային, որոնք միասին էինք հաղթահարում»:

Վարդուհուն կարոտով եւ թախիծով է հիշում նրա լավագույն ընկերներից Անդրեն, որը կատարելով «Հորդ անձրեւ» երգը՝ չկարողացավ զսպել արցունքներն ու դժվարացավ թաքցնել հուզմունքը.

«Հիմա շատ հուզված եմ. դա մեծ կարոտից է, որը զգում եմ իմ հարազատ ու սիրելի Վարդուհու հանդեպ: Նրա շունչը ելույթիս ընթացքում ինձ ուղեկցում էր, զգում էի, որ կողքիս է, բայց ցավում, որ չեմ կարող գրկել ու ասել, թե որքան եմ զգում նրա կարիքը, թե որքան եմ կարոտել իմ ամենամտերիմ, թանկ ու իսկական ընկերոջը: Նրա հետ կապված հուշերն այնքան շատ են, որ չեմ կարող առանձնացնել միայն մեկը, մի քանի հարցազրույցը չի հերիքի դրանք ներկայացնելու համար: Ուղղակի ուզում եմ ասել, որ սիրում եմ ու կարոտել եմ շատ...»,-նշեց երգիչը:

Վարդուհի Վարդանյանին նվիրված համերգի բոլոր լուսանկարներին հետեւք NEWS.am STYLE-ի ֆոտոռեպորտաժից:

Սյունե Առաքելյան

Լուսանկարները՝ Արսեն Սարգսյանի

Հետևեք NEWS.am STYLE-ին Facebook-ում, Twitter-ում և Instagram-ում