• «Ռուսական մանիկյուր». Ինչու է աշխարհը տարված կատարյալ մաքուր եղունգներով

  Մինչև վերջերս միայն նրանք, ովքեր ուշադիր հետևում էին եղունգների միտումներին, գիտեին դրա մասին, բայց այսօր «ռուսական մանիկյուրը» գնալով ավելի ու ավելի է դառնում սրահներում սիրված ընթացակարգ…

• Սև մանիկյուրը վերադարձել է նորաձևություն. Սանդրա Բալոքը, Դուա Լիպան և Քայլի Ջենները ընտրում են աշնան հիմնական գույնը  

  Սև մանիկյուրը վերադարձել է 2026 թվականի աշնան գեղեցկության միտումների շարքին: Z սերնդի աստղերից մինչև 40-ն անց հոլիվուդյան դերասանուհիներ, հայտնիները կրկին ապացուցում են, որ ամենամուգ երանգը կարող է համարձակ, էլեգանտ և անժամանակ տեսք ունենալ...

• «Old money nails». Թանկարժեք տեսք ունեցող մանիկյուր

  Հանգիստ շքեղության գեղագիտությունը հասել է նաև մանիկյուրին․․․

• «Առանց մանիկյուրի» մանիկյուր. «Մերկ» եղունգների միտումը պարզվում է՝ այնքան էլ պարզ չէ, որքան թվում է

  Պայծառ գույներն ու բարդ նախշերը անցյալում են. կարճ, (թվացյալ) բնական եղունգների դարաշրջանը նորաձևության աշխարհում է․․․

• Մարգարտային փայլ առանց լաքի. ինչու է ճապոնական մանիկյուրը դարձել ամռան գլխավոր գեղեցկության միտումը

  Այս սեզոնի ամառային եղունգների արվեստի միտումները հստակորեն բաժանված են երկու հակադիր ճամբարների․․․

• Նոր մանիկյուրի կոդ՝ թափանցիկ, փայլուն և հազիվ նկատելի

  Գեղեցկության ոլորտում մինիմալիզմը շարունակում է զարգանալ: Այսօր այն այլևս չի սահմանափակվում գույնի կամ զարդարանքի լիակատար մերժմամբ, այլ ավելի գիտակցված և նուրբ ընտրությամբ…

• «Լորի ձվից» մինչև «սև խավիար». ինչպիսի՞ մանիկյուրն է թրենդային 2026 թվականի գարնանը

  2026 թվականի գարունը որոշ տեղերում թվում է գեղեցկության աբսուրդ, և մանիկյուրը բացառություն չէ․․․

• Մանիկյուրի մոլուցք. Ինչպես է գեղեցկությունը ոչնչացնում մեր բնական եղունգները

  Այսօր սոցիալական ցանցերը լի են բարդ եղունգների դիզայնի, գերերկար ակրիլային եղունգների և պայծառ փայլերի միտումների լուսանկարներով: Սակայն փայլերի և գեղագիտության հետևում թաքնված է դաժան իրականություն. մեր բնական եղունգները տառապում են․․․

Կանոն 1. մաքուր մազերը հաջողության գրավականն են

Կեղտոտ մազերը հարգի էին միայն 18-րդ դարում, երբ մազերից, փետուրներից եւ չորացած թիթեռներից աշտարակները նորաձեւ էին համարվում։ Նման էկոհամակարգերը մի քանի ամիս շարունակ պահպանվում էին եւ ոչ մի խնամք չէին պահանջում, միայն թե փոշին սրբես։ Հիմա թեփը, գզգզված խուճուճները, յուղոտ, գլխին կպած մազերը տգեղ են համարվում։ Եթե տատիկը մեզ ասում է, որ ամեն օր մազերը լվանալ չի կարելի, բայց ձեր գլխամաշկն ամեն առավոտյան արդեն յուղոտ է, ապա դժվար թե դա լավ կանոն լինի։ Փորձեք նաեւ չչարաշահել մազերի լաքը, հատկապես եթե երեկոյան սանրվածք եք արել, հակառակ դեպքում թաց մազերի էֆեկտը ծիծեռնակի բույն կհիշեցնի։

Կանոն 2. Միմ մի՛ եղեք

Դեմքը մարդու այցեքարտն է, դրա խնամքը պահանջում է ժամանակ, ուժ եւ գումար։ Առաջին հերթին հետեւեք դեկորատիվ կոսմետիկայի քանակին։ Աչքի զարնող կապույտ ստվերաներկը եւ կարմիր շրթներկը միաժամանակ կարող են միայն վախեցնել հակառակ սեռին եւ մարդկության մյուս կեսին շփոթության մեջ գցել։ Տոնային քսուքը նույնպես չպետք է մուգ լինի, հակառակ դեպքում վզի եւ դեմքի տարբերությունը ձեզ ծաղրածուի կվերածի (այդ պատճառով մի՛ մոռացեք դիմափոշի քսել վզին, եթե տոնային քսուք եք օգտագործել)։ Երկրորդ հերթին, քիչ միմիկաներ։ Որքան քիչ եք դուք կնճռոտում ճակատը թարթիչները ներկելիս, այնքան ավելի լավ տեսք կունենաք ապագայում։ Աշխատեք դեմքի մերսում անել եւ ազատվել միմիկական կնճիռներից։ Երրորդ հերթին՝ մի՛ մոռացեք դեմքի մաքրման մասին, որպեսզի ամեն տեսակի ցան չհայտնվի։ Այս կանոնների շնորհիվ դուք կարող եք անթերի մաշկ ունենալ եւ ոչ պակաս անթերի շպար, ինչպես նաեւ հետեւել ժամանակակից խնամված կնոջ կանոններին։

Կանոն 3. հրաժարվեք եղունգների ծիածանագույն երանգներից

Մաքուր, խնամված ձեռքերը միայն պլյուս են ցանկացած աղջկա համար։ Բանը միայն արհեստական աճեցված եղունգները չեն։ Դրանք պետք է նաեւ գեղեցիկ աճեցնել։ Երկար եղունգները տղամարդկանց ամենասիրելի բանը չեն, բացի այդ, դա ուղղակի անհարմար է իրական կյանքում։ Այդ պատճառով եթե դուք գոնե մեկ-մեկ սպասք եք լվանում, ապա պետք չէ վայրի գազանների նմանվել։ Գեղեցիկ մանիկյուր արեք, որը չէր խանգարի ո՛չ անձնական կյանքում, ո՛չ աշխատավայրում։ Հիշե՛ք, որ եղունգների վրա փայլուն քարերը սազում են միայն շատ համարձակներին, իսկ կանաչ գույնը՝ միայն ամենաերիտասարդներին։ Բացի եղունգների խնամքից, մի՛ մոռացեք ձեռքերի մաշկի մասին, չէ՞ որ բոլորին հաճելի է շոյել գեղեցիկ կնոջ նուրբ ձեռքերը։

Կանոն 4. բարձրակրունկ կոշիկ հագեք

Ցավոք, ոչ բոլորն են կարող երկարեցնել ոտքերը։ Ավելի շուտ կարող են  բոլորը, բայց բոլորը չեն ուզում։ Այդ պատճառով փորձե՛ք գոնե մինչեւ 5 սմ բարձրակրունկ կոշիկներ կրել, որպեսզի վիզուալ Իրինա Շեյքին նման լինեք։ Եթե դուք չեք կարող հպարտանալ ձեր գեղեցիկ ոտքերով, ապա դրանց վրա ուշադրություն մի՛ հրավիրեք։ Դա չի նշանակում, որ դուք ձեր թաթերը պետք է երկարափեշ զգեստների եւ լայն տաբատների տակ թաքցնեք։ Ընտրե՛ք օպտիմալ երկարություն եւ հարմարավետ կոշիկ։ Դուք հիշում եք չէ՞, որ վագրանախշ զուգագուլպաները ձեր հիթը չեն։ Այնպես որ դրանց ավելացրեք նաեւ քարերով, վայրի նախշերով եւ ցանցկեն զուգագուլպաները։ Թափե՛ք դրանք, մոռացե՛ք եւ այլեւս երբեք մի՛ հիշեք։

Կանոն 5. ճի՛շտ օծանելիք ընտրեք

Ձեր տնից աշխատավայր հասնող օծանելիքի հոտը կարող է ուշագնաց անել ձեր կողքին կանգնած մարդկանց։ Օծանելիքը հիանալի բան է, որով կարելի է գրավել տղամարդուն։ Բայց եթե քաղցր բույրերի սիրահար կին եք, ապա փորձե՛ք սահմանափակել դրանց քանակը ձեր մարմնի վրա։ Հիշե՛ք, որ դուք ապրում եք հասարակության մեջ։ Խնամված կնոջ կանոնը ենթադրում է նրանից եկող թեթեւ եւ հաճելի բույր։

Աղբյուրը՝ Otvetnavse.com

Հետևեք NEWS.am STYLE-ին Facebook-ում, Twitter-ում և Instagram-ում