1. Կանայք երբեք չպետք է ճամփորդեն միայնակ
Սա ամենավիճելի եւ անհասկանալի պնդումներից մեկն է ճամփորդության ոլորտում: Բայց ամեն ինչ կախված է իրավիճակից: Այնպիսի շրջաններ, ինչպիսիք են Հնդկաստանը եւ Մերձավոր Արեւելքի որոշ երկրներ, կարող են դժվարություններ հարուցել անհատ տուրիստների համար: Անհիմն զգուշացումը, թե կանայք չպետք է միայնակ ճամփորդեն այնպիսի երկրներում, ինչպիսիք են Թաիլանդը կամ Անգլիան, խիստ վրդովեցնում է փորձառու ճանապարհորդներին: Անցանկալի դեպքեր կարող են պատահել ցանկացած երկրում ինչպես կանանց հետ, այնպես էլ տղամարդկանց: Լավագույն խորհուրդը՝ մի արեք այն, ինչը ձեզ չէիք կարող թույլ տալ հայրենիքում:
2. Ոչ մի դեպքում չուտել փողոցում վաճառվող սնունդ
Սա, առանց չափազանցության, ամենավատ խորհուրդն է ճանապարհորդներին՝ տուրիզմի ողջ պատմության ընթացքում: Այո, որոշ երկրներում պետք է զգուշություն ցուցաբերել սնունդ ընտրելիս, որը պատրաստվում է ոչ թե ճաշարանում, այլ փողոցում: Բայց փողոցում վաճառվող սնունդը թերեւս ամենահեշտ եւ էժան միջոցն է ծանոթանալու այս կամ այն երկրի ավանդական մշակույթին, եւ պետք է դիտարկվի որպես ճամփորդության բաղկացուցիչ մաս: Բացի այդ, նույնիսկ ամենափորձառու ճանապարհորդները կարող են մի երկու դեպք պատմել ձեզ՝ թանկ ռեստորանում վատ սնունդ մատուցելու մասին, նույնիսկ այնպիսի երկրներում, ինչպիսիք են ԱՄՆ-ն կամ Իտալիան: Սա մի ավելորդ անգամ ապացուցում է, որ պրակտիկորեն կարելի է թունավորվել ցանկացած երկրում:
3. Վերցրեք ձեզ հետ ճամփորդական չեկեր արտակարգ իրավիճակների համար
Ճամփորդական չեկերը դադարել են էական դեր խաղալ արդեն 90-ականների վերջում, երբ բանկոմատների միջազգային ցանցը դարձավ ամենուրեք հասանելի: Այսօր ճամփորդական չեկերը փաստացի անպետք են շատ երկրներում, քանի որ բոլորը բանկերը չեն, որ պատրաստ են դրանք կանխիկացնել: Արտակարգ իրավիճակների համար ավելի լավ է ունեցեք պահեստային կրեդիտ քարտ եւ պահեք այն անվտանգ տեղում, ձեր ճամպրուկից առանձին: Լավ միտք է գրպանում ունենալ կանխիկ եվրոյով կամ դոլարով որոշ գումար:
4. Աշխարհի ամենալավ պիցցան Իտալիայում է
Որոշ ճանապարհորդներ սիրում են պատմել հեքիաթներՎիեննայի փողոցներից մեկում կամ Իտալիայյի որեւէ վայրում գնած «ամենավատ պիցայի» մասին: Վատ սննդով թակարդներ տուրիստներին սպասում են շատ տեղերում: Ձեզ ամենուրեք կարող են հրամցնել ինչ-որ անհամ բան, եւ կարեւոր չէ՝ դուք գտվում եք տեսարժան հայտնի վայրերի մերձավոր հարեւանությամբ, թե ոչ: Դա կարող է տեղի ունենալ նույնիսկ աշխարհով մեկ հռչակված խոհանոցի մայրաքաղաքում:
5. Պլանավորել ամեն ինչ / ոչինչ չպլանավորել
Ոչ սա, ոչ նա: Ասենք, ոչ եռուն շրջանում Հունաստան ուղեւորությունը, առանց նախապես որոշելու բնակության վայրը եւ թռիչքի ժամանակը, կարող է դառնալ ձեր կյանքի ամենատպավորիչ հիշողություններից մեկը: Իսկ նման մոտեցումը եռուն շրջանում Կարիբյան որեւէ կղզի ուղեւորվելու դեպքում կարող է սննկացնել ձեզ եւ ստիպված լինեք քնել զբոսայգու նստարանին: Բարեբախտաբար, տուրիստական շատ ուղղություններ կարող են հավասարակշռել ծրագրված եւ չծրագրված այցերը, այնպես որ ձեր հանգստին փաստացի ոչինչ չի սպառնում:
6. Չինաստանում հնարավոր չէ մուտք գործել Facebook
Մեծ մասամբ դա խնդիր չէ: Ֆեյսբուք, Թվիթեր կամ մեկ այլ սոցիալական ցանց մուտքի հնարավորություն կարելի է ստանալ: Ծայրահեղ դեպքում, կարելի է ամենավերջին տեղեկությունները գտնել շրջանցիկ ուղիներով:
7. Որքան շատ զգեստ, այնքան քիչ լվացք
Տեսականորեն այդպես է, բայց իրականության մեջ այն չի գործում: Ուղեւորության ընթացքում զգեստները լվալը բավականին հեշտ է: Երբեմն ավելի հեշտ է եւ էժան, քան սեփական տանը: Օրինակ, ի՞նչ է ենթադրում լվացքի գործողությունը Վիետնամում: Պարզապես պետք է վերցնեք կեղտոտ շորերի կապոցը եւ 1 դոլարի հետ միասին հանձնեք ծառայողին: Բացի այդ, որքան շատ լինեն ձեր զգեստները, այնքան ծանր կլինի ճամպրուկը: Ոտքով երկար ճամփորդելիս այն կարող է դառնալ զանազան տհաճությունների պատճառ կամ էլ դրա համար ստիպված կլինեք վճարել հավելյալ տուրքեր:
8. Վերցրեք ձեզ հետ բավարար քանակությամբ ոսպնյակներ / արեւայրուկի քսուքներ / միջադիրներ / դեղեր
Դարձյալ դա պայմանավորված է տեղանքի բնույթով: Իսկ հիմնականում, ցանկացած երկրում էլ կա այն ամենը, ինչ ձեր հայրենիքում: Երբեմն նույնիսկ ավելի էժան:
9. Ճամանապարհորդելիս ձեզ հետ վերցրեք դանակ՝ ինքնապաշտպանության համար
Ով այդպիսի խորհուրդ է տալիս, հաստատ շատ չի ճամփորդել: Ավելի լավ է նա մնա տանը (եւ ուղեւորը, եւ դանակը):
10. Մի փնտրեք գիդ: Ձեզ հետաքրքրող բոլոր տեղեկությունները կգտնեք առցանց
Գուցե այս խորհուրդները ձեզ պիտանի լինեն մի հիանալի օր: Բայց տվյալ դեպքում ապավինեք բացառապես փորձին, միֆերի վրա հույս դնել չարժե:
Աղբյուրը՝ lifehacker.ru
Հետևեք NEWS.am STYLE-ին Facebook-ում, Twitter-ում և Instagram-ում
22:15, 28 մարտի
Ռեբել Ուիլսոնը ուզում է «դրական հաղորդագրություն» տարածել՝ բացահայտելով, որ կորցրել է կուսությունը 35 տարեկանում21:35, 28 մարտի
TikTok-ը նվաճել է նիհարելու նոր թրենդը. «Կախարդական» Oatzempic ըմպելիքը20:30, 28 մարտի
Տիհանա vibes. Թվում է՝ պարզ հարցեր են, պարզվում է՝ ոչ այնքան20:25, 28 մարտի
Հոլիվուդյան աստղեր, ովքեր նկարահանվել են պոռնոֆիլմերում20:12, 28 մարտի
Միխայիլ Շուֆուտինսկի. Ես սիրում եմ Երևանն ու Հայաստանը19:47, 28 մարտի
Wine Story. Ինչպես ընտրել ճիշտ գինի Սուրբ Զատիկին18:36, 28 մարտի
Միխայիլ Շուֆուտինսկու ճեպազրույցը Երեւանում (ՈՒՂԻՂ)17:02, 28 մարտի
Աբու Դաբին նախատեսում է դրախտ ստեղծել գեյմերների համար. աշխարհում առաջին կիբեռսպորտի կղզին16:33, 28 մարտի
Breitling-ի վերջին Navitimer ժամացույցները նշում են ընկերության պատմական կապը ավիացիայի և տիեզերքի հետ15:11, 28 մարտի
Մարտին Սկորսեզեն Fox Nation-ում կպատմի սուրբերի մասին14:10, 28 մարտի
Կառլ Լագերֆելդի ֆուտուրիստիկ բնակարանը Փարիզում վաճառվել է 10,8 մլն դոլարով13:30, 28 մարտի
Օդել Բեքհեմ կրտսերը բաժանվել է Քիմ Քարդաշյանից՝ նրա հետ ընտանիք կազմելու ցանկության պատճառով