• Armflix ֆանտաստիկ որակի Էքսկլյուզիվ ֆիլմեր և սերիալներ՝ առանց սահմանափակումների և գովազդի

  Ուշագրավն այն է, որ Armflix մեդիապլատֆորմը հետաքրքրում է ոչ միայն երիտասարդներին, այլև միջին տարիքի մարդկանց, ովքեր գրանցվում են հարթակում...

• Ինչպես դիտել հայկական արտադրության բացառիկ ֆիլմերը Armflix- ում

  «Armflix»  հարթակը, որը փոխել է հայկական կինոարտադրության որակը շուկայում, նախորդ շաբաթ նախաձեռնեց «Տանդեմ» քրեական դրամայի փակ ցուցադրությունը «Մոսկվա» կինոթատրոնում, որը նկարհանվել է հատուկ Armflix- ի համար...

• «Յաշան ու Լեոնիդ Բրեժնեւը»՝ 5, «Ամերիկացին»՝ 4 մրցանակ. «Անահիտ» մրցանակաբաշխության կարմիր գորգն ու բոլոր մրցանակակիրները (ֆոտո)

  Ապրիլի 16-ին Dvin Music Hall-ում անցկացվեց Հայկական ազգային կինոակադեմիայի 4-րդ «Անահիտ» մրցանակաբաշխությունը...

• «Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

  «Մոսկվա» կինոթատրոնում երեկ՝ ապրիլի14-ին, կայացավ «ՄԵՆՔ» հոլդինգի, նոր՝ «Տանդեմ» քրեական դրամայի առաջին երեք սերիաների ցուցադրությունը...

• «Ամերիկացին»՝ Հայատանում. Ժան Նշանյանը՝ որդու՝ Արմանի հետ աշխատելու, Նարինե Գրիգորյանը՝ Հովիկ Կեուչկերյանի կողքին «փոքր կին» զգալու մասին

  Ապրիլի 4-ից հայաստանյան էկրաններ է բարձրացել «Ամերիկացի» ֆիլմը: Ֆիլմի ռեժիսորը եւ գլխավոր դերակատարը Մայքլ Գյույրջյանն է, պրոդյուսերը՝ Արման Նշանյանը…

• Իննա Խոջամիրյանը, Սոս Ջանիբեկյանը եւ հայկական շոուբիզնեսի հայտնիները՝ «Սիրելի Սահմի»-ի եզրափակիչ սերիաների փակ նախադիտմանը (VIDEO)

  Անցյալից եկած երիտասարդի ու ժամանակակից աշխարհում ապրող ուժեղ աղջկա փխրուն սիրո պատմությունը կարճ ժամանակում գրավեց հայ հեռուստադիտողի ուշադրությունը…

• «Երկարատեւ դադարից հետո ես իմ մեջ ուժ գտա․․․». Երեւանում կայացավ Տիգրան Նալչաջյանի «Կատարյալ ապուշը» ֆիլմի պրեմիերան (ֆոտո)

  Ինչպիսի՞ն է աշխարհը, երբ նայում ես դրան բարի աչքերով, եւ ինչպե՞ս է ընկալվում ամենապարզ մտածելակերպով ու բարի մարդը, երբ տարբերվում է մյուսներից․․․

• Կոպենհագենի վավերագրական ֆիլմերի միջազգային փառատոնում կկայանա Ալեքսիս Պազումյանի «Սեւ այգի» ֆիլմի պրեմիերան

  Ֆրանսահայ լուսանկարիչ եւ ռեժիսոր Ալեքսիս Պազումյանի «Սեւ այգի» վավերագրական ֆիլմի համաշխարհային պրեմիերան տեղի կունենա Կոպենհագենի վավերագրական ֆիլմերի միջազգային փառատոնի շրջանակում․․․

1988 թ․դեկտեմբերի 7. Գյումրի․ աղետալի երկրաշարժ, որն ավիրեց մի շարք բնակավայրեր, խլեց մարդկային կյանքեր, անօթեւան թողեց հազարավոր բնակիչների․․․ Սպիտակում տեղի ունեցած այդ ողբերգական դեպքերի մասին է Սարիկ Անդրեասյանի «Երկրաշարժ» ֆիլմը, որի պրեմիերան կայացավ այսօր՝ նոյեմբերի 10-ին, «Սինեմա Սթար» կինոթատրոնում։

Հատուկ էֆեկտներով համեմված ողբերգական պատմության դիտումից հետո, ինչպես եւ սպասվում էր, շատերը սրահից դուրս եկան արցունքներով եւ տարբեր էմոցիաներով։ Հանդիսատեսից պակաս հուզված չէին նաեւ ռեժիսոր Սարիկ Անդրեասյանը, ֆիլմի ամբողջ ստեղծագործական կազմն ու գլխավոր հերոսներին մարմնավորած դերասանները, որոնք լրագրողների հետ զրույցում կիսվեցին իրենց տպավորությոններով։

«Բնականաբար, ողբերգական այս դեպքի հետ կապված մի շարք պատմություններ կան, սակայն մենք, պարզապես, չէինք հասցնի բոլորին անդրադառնալ, այդ պատճառով սցենարիստների հետ լսեցինք դրանցից մի քանիսը եւ  ֆիլմում փորձեցինք ցույց տալ տարբեր սերունդների պատմություններ՝ թե մեծահասակների, թե երիտասարդների, թե երեխաների»,-ասում է Սարիկ Անդրեասյանը։

Իհարկե, ֆիլմն ինքին հուզիչ էր հանդիսատեսի համար իր պատմությամբ եւ հերոսների ապրումներով, սակայն այդ ամենից զատ՝ այն հետաքրքիր էր նաեւ «Օսկարի» «Լավագույն օտարալեզու ֆիլմ» անվանակարգում ներկայացված լինելու փաստով, որտեղ, սակայն, այդպես էլ չընդգրկվեց։ Լրագրողների հետ զրույցում ռեժիսորը մանրամասնեց, թե ինչը դարձավ «Օսկարին» չառաջադրվելու հիմնական խոչընդոտը․

«Ինձ համար շատ ցավալի է, որ ֆիլմը չընդգրկվեց այդ անվանակարգում, քանի որ չգիտեմ, թե մեկ էլ երբ նման ֆիլմ կնկարահանեմ։ Ամեն դեպքում՝ հուսով եմ՝ սա քաղաքական որոշում չէր, եւ, իրոք, կապված է փաստաթղթերի ոչ ճիշտ լրացման հետ։ Անկեղծ ասած՝ անգամ չգիտեմ, թե կոնկրետ ինչ խնդիր կար, բայց տեղի ունեցավ որակազրկում։ Ինչեւէ, ֆիլմը չէր նկարահանվել «Օսկար» ստանալու նպատակով։ Իհարկե, կցանկանայինք, որ այն առավել գնահատվեր, բայց կարեւորը ձեզ դուր եկավ եւ հուսով եմ՝ այն կհուզի նաեւ այն հանդիսատեսին, որոնք կգան ֆիլմը դիտելու»,-նշեց նա։

Ինչ վերաբերում է դերասանական կազմին՝ հայ դերասաններից ֆիլմում նկարահանվել են Հրանտ Թոխատյանը, Միքայել Պողոսյանը, Տաթեւ Հովակիմյանը, Սոս Ջանիբեկյանը, Արսեն Գրիգորյանը, Վիկտոր Ստեփանյանը, Մարջան Ավետիսյանը եւ այլք։ Ֆիլմում գլխավոր դերերով հանդես են գալիս նաեւ Կոնստանտին Լավրոնենկոն եւ Մարիա Միրոնովան: Փոքրիկ, բայց տպավորիչ դերում տեսնում ենք նաեւ հայտնի դերասանուհի Իրինա Բեզրուկովային։

«Նկարահանման հենց սկզբից բոլորս մեծ հուզմունք եւ պատասխանատվություն էինք զգում։ Ես միանգամից համաձայնվեցի նկարահանվել այս ֆիլմում, քանի որ շատ լավ եմ հիշում այդ դեպքերը։ Այս ֆիլմով ցանկանում էինք ասել, որ բոլորս էլ մարդ ենք եւ պետք է զգանք դիմացինի ցավն ու ապրումները»,-ասում է Կոնստանտին Լավրոնենկոն։

Մարիա Միրոնովան էլ խոստովանում է՝ իրեն հուզելը դժվար է, սակայն այս պատմությունը միանգամից դիպչել է նաեւ իր սրտին․

«Իմ կարիերայի եւ, առհասարակ, կյանքիս ընթացքում հազվադեպ է պատահում, որ ինչ-որ դրվագ ինձ այդպես ցնցի։ Սակայն, երբ Սարիկը ինձ ցույց տվեց ֆիլմից դեռեւս չմշակված կադրեր, ես հազիվ փորձեցի իմ էմոցիաները թաքցնել նրանից։ Հիշում եմ՝ նկարահանման առաջին օրը Աստծուց ուժ էի խնդրում, որ կարողանամ այդ ամենը ներկայացնել իմ հերոսուհու մեջ»,-նշեց դերասանուհին։

Նկարահանումների ընթացքում հայ եւ ռուս դերասաններն, իսկական, ընտանիքի էին վերածվել, որոնք կիսում էին միեւնույն ցավը։ Այս մասին փաստեց դերասանուհի Իրինա Բեզրուկովան․

«Իմ կյանքում շատ են եղել կորուստներ եւ ողբերգական դեպքեր, միգուցե, նաեւ դա էր պատճառը, որ ես շատ ցավագին վերաբերվեցի այս պատմությանը։ Բայց նկարհանման հրապարակում իմ առջեւ լաց էին լինում նաեւ արդեն հասուն հայ դերասաններ, որոնց անուններն այս պահին չեմ տա: Միմյանց հանգստացնող դեղեր էինք տալիս եւ անձեռոցիկներ էինք փոխանցում, իսկ հետո միմյանց ձեռքեր էինք սեղմում, ասես, հարազատ մարդիկ դարձած լինեինք»,-հիշում է դերասանուհին։

«Երկրաշարժ» ֆիլմի իրադարձությունները ծավալվում են ավերիչ աղետի եւ դրան հաջորդող չորս օրերի ապրումների շուրջ։ Ֆիլմում ներկայացված են մի քանի հերոսների պատմություններ։ Հերոսներ, որոնք չնայած ցրտին եւ սարսափած վիճակին՝ չեն կորցնում փլատակների տակից հարազատներին ողջ գտնելու հույսը եւ շարունակում են հավատալ եւ փնտրել մտերիմներին․․․

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում