Գեւորգ Մկրտչյանի եւ Քրիստինա Հովհաննիսյանի առաջին տանգոն

Գեևորգ Մկրտչյանը և Քրիստինա Հովհաննիսյանը պսակադրվեցին

Աներեւակայելի էմոցիաներ. Համասյանի համերգը Խուստուփ լեռան լանջին

Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել

MOCT 5. Անդերգրաունդ կյանքը Հայաստանում

«Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

Անդրեյ Մակարեւիչ. «Ինտերնետը շատ շուտ է հասել մարդկությանը»

Գուշակիր գույնը, ստացիր ծաղկեփունջ. մեկ օր՝ Մայիս Վարդանյանի հետ

Տիհանա Vibes Դավիթ Մանոյանի հետ. Իվետա Մուկուչյանի հետ տեսահոլովակի, Կասպերի եւ այլ թեմաների մասին

Տիհանա Vibes. ZatikArtFest-ի գույներն ու մարդիկ

Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

Ջիգարխանյանն ինձ շարունակ դավաճանել է. Արմեն Ջիգարխանյանի նախկին կնոջ առաջին հարցազրույցը

17:05, 18 հունվարի

81-ամյա Արմեն Ջիգարխանյանը եւ 36-ամյա Վիտալինա Ցիմբալյուկ-Ռոմանովսկայան կրկին հայտնվել են ռուսական լրատվամիջոցների ուշադրության կենտրոնում: Տարեվերջին Ջիգարխանյանն անախորժ պատմության մեջ էր հայտնվել, որը կապված էր իր իսկ թատրոնի աշխատակիցների հետ, որոնք հռչակավոր ռեժիսորին դատի են տվել, քանի որ իրենց աշխատավարձ չի վճարում:

Իսկ հիմա իր առաջին հարցազրույցն է տվել Արմեն Ջիգարխանյանի լքված կինը՝ Տատյանա Վլասովան: Նախկին կինը ժողովրդական արտիստին մեղադրել է, որ նա 15 տարի շարունակ իրեն դավաճանել է:

Տատյանան պատմել է, որ 1998 թվականին դերասանը տուն է գնել Դալլասում եւ իրեն համոզել է տանը հետեւել, այնտեղ՝ օվկիանոսից այն կողմ, տնտեսություն վարել: Իսկ ինքը Մոսկվայում է մնացել: Տատյանան կասկածում է, որ իր մեկնելուց անմիջապես հետո Արմենը ծառայողական սիրավեպ է սկսել իր ներկայիս երիտասարդ կնոջ՝ Վիտալինա Ցիմբալյուկ-Ռոմանովսկայայի հետ:

«Երբ Ամերիկա տեղափոխվեցի, 57 տարեկան էի: Այժմ 74 տարեկան եմ: Ջիգարխանյանի նոր կինը՝ Վիտալինան, ասում է, որ իրենց հարաբերությունները 15 տարուց երկար  վաղեմություն ունեն: Ճիշտ այդքան էլ ես Ամերկայում եմ ապրել, ստացվում է, որ այդքան տարի ամուսինս ինձ խաբել է: Ես շքեղ մուշտակներ չեմ ունեցել, ամուսնուս հետ շնորհանդեսների չեմ հաճախել: Ես նրա հաշվին փիառ չեմ արել: Դա նրան ձեռնտու էր: Նա ասում էր, որ խնջույքների սիրահար չէ, ինչպես որ ես էլ սիրահար չեմ»,- սեփական հետաքննություն է անցկացրել Վլասովան:

Ջիգարխանյանի եւ Վլասովայի ամուսնական ճգնաժամն սկսվել է նրա հիվանդության շրջանում: Արմենը լրագրողներին ասել է, որ երբ մի քանի տարի առաջ կաթվածով Մոսկվայում պառկած էր, Դալասից իրեն ոչ ոք չի զանգահարել, չի հարցրել ինքնազգացողության մասին, օգնություն չի առաջարկել:

«Այդ հիմա են նրանք ասում, որ ամուսնուս անհրաժեշտ խնամք ցույց չեմ տվել: Նա դադարեց Դալլաս գալ 2009 թվականից, երբ երկրորդ անգամ կաթված ստացավ: Բայց ես չգիտեի, որ նա հիվանդ է: Սովորաբար նա էր Ամերիկա զանգում: Ես նրան Դալլասում էի սպասում, իսկ նա այդ ժամանակ, պարզվում է, հիվանդանոցում է եղել: Բժիշկները նրան արգելել էին օդանավով թռչել: Երբ այդ մասին իմացա, Մոսկվա մեկնեցի՝ նրան հիվանդանոցում տեսակցելու: Բայց ամուսինս ասաց՝ չարժե իր մոտ գնալ, ինքը կորոշի, թե մենք ինչպես հանդիպենք»,- արդարացել է Տատյանան:

Դերասանը Վլասովային աջակցել է ֆինանսապես: Նրան կանոնավոր կերպով փող է ուղարկել:

«Ես Ամերիկայում ապրել եմ այդ փողով, հարկեր եմ վճարել, կոմունալ վճարումներ կատարել, տան նորոգում: 2015-ի մարտին ես տունը վաճառեցի, իսկ ապրիլին Մոսկվա վերադարձա: Զանգահարեցի ամուսնուս՝ խնդրում եմ, արի, խոսենք: Նա տարբեր պատրվակներով կրկին հանդիպումից հրաժարվեց: Շուտով ապահարզանի հարցը բարձրացվեց: Այդ ժամանակ ես նյութական օգնությունից հրաժարվեցի: Հունիսին ամուսնալուծվեցինք»,- Ջիխարխանյանի նախկին կնոջ խոսքն է մեջբերում «Комсомольская правда»-ն:

Ցավոք, նախկին կողակիցները չկարողացան խաղաղությամբ բաժանվել, առանց վիրավորանքների:

«Ինձ այդպես էլ չհաջողվեց Արմեն Բորիսովիչին հանդիպել: Երբ ես նվաստացած նրան էի սպասում թատրոնի մոտ, դա մեր ամուսնալուծությունից մի քանի ամիս հետո էր, նա նույնիսկ չցանկացավ հետս խոսել: Ես մենակ եմ, ոչ մեկից օգնություն սպասել չեմ կարող: Արմեն Բորիսովիչը բարձր աշխատավարձ է ստանում եւ ԽՍՀՄ ժողովրդական արտիստի թոշակ: Իսկ ես նվազագույն կենսաթոշակ եմ ստանում՝ 8 հազար 500 ռուբլի: Բժշկի գնալը, դեղեր գնելը՝ ամեն ինչ շատ թանկ է»,- նշել է Տատյանան:


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով

TV SHOWS PHOTO VIDEO


@NEWSam_STYLE

  • Արխիվ
Որոնել