Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

Որքա՞ն գումար է պահանջում բոլիվուդյան «Մերժվածը» հեռուստասերիալի աստղը հարցազրույցի համար եւ ինչպե՞ս է Վարդան Սարգսյանը պատրաստվում իրականացնել դա

12:15, 13 մարտի

Երգիչ եւ հաղորդավար Վարդան Սարգսյանը շարունակում է լինել տնից հեռու եւ նկարահանել հետաքրքիր դրվագներ իր հաղորդման շրջանակներում: Վարդանն այս շրջանում կրկին Հնդկաստանում է… Վերջերս հաղորդավարը Facebook-ի իր հետեւորդներին տեղեկացրել էր, որ ցանկացել է հարցազրույց ներկայացնել բոլիվուդյան «Մերժվածը» հեռուստասերիալում Տապասիային մարմնավորող դերասանուհի Ռաշամի Դեսաիի հետ, սակայն նշել էր, որ վերջինիս հետ 30 րոպե նյութ նկարահանելու համար պետք է վճարել 48 000 դոլար: Այնուամենայնիվ, Վարդանը փորձելու է այդ հարցազրույցը կազմակերպել առանց որեւէ գումար վճարելու: Արդյոք հմուտ հաղորդավարը գտե՞լ է բոլիվուդյան հեռուստասերիալների աստղերի հետ հարցազրույցներ կազմակերպելու ելքը:

NEWS.am STYLE-ը թեմայի շուրջ հետաքրքիր զրույց է ունեցել Վարդան Սարգսյանի հետ.

«Նրանց հետ հարցազրույցի պայմանավորվածություն ձեռք բերելը ոչ թե դժվար է, այլ շատ դժվար, բայց մեծ ցանկության դեպքում, ստացվում է: Ես լավ կապեր ունեմ եւ կարողանում եմ կազմակերպել այն, ինչ ցանկանում եմ: Այս պահի դրությամբ Ռաշամիի հետ հարցազրույցի պայմանավորվածությունը ստացվել է, հիմա օրն ու վայրն է կազմակերպվում: Ես փորձում եմ հայտնվել նրանց նկարահանման հրապարակներում: Կարծում եմ` այդպես կստացվի երկուսը` մեկում` եւ հարցազրույց կվերցնեմ, եւ կհետեւեմ նկարահանման ընթացքին»,-ասում է հաղորդավարը, որը չի ցանկանում սահմանափակվել միայն Ռաշամիի հետ հարցազրույցով.

«Եթե անկեղծ` գրեթե բոլորին էլ ցանկանում եմ ներկայացնել: Արդեն նախնական պայմանավորվածություն կա, բայց անուններ չեմ տա, քանի որ հնդիկների դեպքում ամեն բան նկարահանումից 10 րոպե առաջ կարող է փոխվել: Օրինակ` անցած անգամ պայմանավորված էի լեգենդար Միթհուն Չակրաբորտիի հետ, որն առավել հայտնի է Ջիմմիի իր կերպարով, բայց երբ հասա տեղ, պարզվեց, որ նրան տեղափոխել էին հիվանդանոց եւ նկարահանումը չստացվեց. այնպես որ` անուններ չեմ ցանկանում տալ, միայն կասեմ, որ հաղորդման Facebook-ի էջում հաճախ կունենամ ուղիղ միացումներ եւ հնարավորության դեպքում ցույց կտամ, թե ում հետ ենք անցկացնում նկարահանումներ»:

Ի դեպ, հաղորդավարը նշեց, որ հնդկական հեռուստասերիալների աստղերն իրենց հայրենիքում նույնքան մեծ պահանջարկ չունեն, որքան Հայաստանում.

«Այ, եթե ես որոշեի նկարահանել լեգենդար դերասանների, դրա մասին անգամ խոսք չէր կարող լինել: Դա անհնար է»:

Հնդկաստանի նկարահանումներից հետո Վարդանը պատրաստվում է մեկնել Իսրայել, այնուհետեւ` Աֆրիկա:

«Դա, իմ ամենասպասված շրջագայությունն է: Շատերը նամակներով խնդրում են նկարահանել նաեւ Հարավային Կորեան: Հուսով եմ` այնտեղ եւս կհասնեմ»,-նշեց հաղորդավարը:

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել