Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

«Վառեմ-Մարեմ». Գյումրու ստեղծարար ոգին՝ արվեստի և հիշողությունների հանդիպման վայրում

Ինչպե՞ս եք վերաբերվում լողազգեստով լուսանկարներին

Էրիկը` լավագույն երգիչ ճանաչվելու, X Factor-ի եւ ադրբեջանցի հակերների՝ Instagram-ի իր էջը կոտրելու մասին

12:15, 30 մարտի

Փարիզում առաջին անգամ կայացած Armenian Europe Music Awards մրցանակաբաշխության «Տարվա լավագույն երգչի» տիտղոսակիր է դարձել Էրիկը:

Երգիչը, սակայն, կազմակերպչական որոշ խնդիրների պատճառով չի կարողացել ելույթ ունենալ համերգի ժամանակ.

«Այնուամենայնիվ, ինձ համար մեծ անակնկալ էր, երբ վերջում հրավիրեցին բեմ, ու ստացա «Տարվա լավագույն երգիչ» մրցանակը. դա ինձ համար շատ հուզիչ էր»,-NEWS.am STYLE-ի հետ զրույցում նշեց նա` հիշելով նաեւ փոքրիկ պատմություն` կապված Փարիզի հետ.

«Հիշում եմ 20 տարի առաջ իմ առաջին ելույթը Փարիզում: Մենք այդ ժամանակ ընտանիքով Ֆրանսիայում էինք ու, նույնիսկ կար ցանկություն տեղափոխվելու եւ այնտեղ ապրելու, բայց մայրս եւ հայրս որոշեցին, որ մենք պետք է հետ գնանք, իսկ հետո այնպես ստացվեց, որ ես իմ գործունեությունը շարունակեցի իմ հայրենիքում: Շատ ուրախ եմ, որ այդպես ստացվեց: Ես 20 տարի անց գնացի Փարիզ` որպես տարվա լավագույն հայ երգիչ: Այ, դա է ինձ համար մեծ հաղթանակ»:

Էրիկի խոսքով` մրցանակներ ստանալը հաճելի է, քանի որ դու քեզ գնահատված ես զգում, բայց երգիչը նշում է.

«Իմ մրցանակն իմ հանդիսատեսն է: Մրցանակը մի կողմ ես դնում, իսկ հանդիսատեսի սերն ու ուժը տրվում է քեզ, ու դու շարունակում ես դրանով ապրել ու ստեղծագործել, անել ավելին, իսկ մրցանակները պարտադրում են քեզ, որ ավելի ուժգին աշխատես: Լինում են դեպքեր, երբ շատ ես աշխատում, բայց դա չգտնահատված է մնում. դա ինչ-որ տեղ տխուր է: Բայց ես ուրախ եմ, որ իմ կյանքում այնպես է ստացվել, որ թե իմ հանդիսատեսը, թե ինձ շրջապատող մարդիկ, թե իմ կոլեգաները միշտ գնահատել են իմ աշխատանքը, ու ես վերջին 8 տարիների ընթացքում շարունակում եմ ստանալ այդպիսի մրցանակներ»:

Երգչի հետ խոսեցինք նաեւ X Factor նախագծից, որտեղ նա շարունակում է պայքարը իր միակ մասնակցի` Իննայի հետ.

«Կարծում եմ` Իննան նախագծի ամենահզոր մասնակիցներից է: Նրա համար շատ բարդ է: Նա մրցում է իրենից մոտ 10 տարի մեծ մասնակիցների հետ, որոնցից շատերը որոշակի փորձ ունեն արդեն: Բայց նա կարողանում է ամեն անգամ պայթեցնել բեմը, ու ես կարծում եմ` նրան մեծ ապագա է սպասվում: Պատկերացնում եմ` ինչեր է անելու նա 10 տարի անց: Իսկ ես ամեն ինչ անելու եմ, որ նա հասնի իր նպատակին: Իննան, կարծես, իմ փոքր քույրը լինի, ու ես ցանկանում եմ, որ նրա մոտ ամեն ինչ լավ լինի»:

Անդրադառնալով իրենց թիմի մրցակիցներին` Էրիկն ասում է.

«Բոլորն էլ շատ ուժեղ են: Որեւէ մեկին չեմ կարող առանձնացնել: Հիմա նախագծում մնացել են այն մասնակիցները, որոնք ի սկզբանե եղել են ֆավորիտներ: Իհարկե, ինձ համար, միանշանակ, ֆավորիտ է իմ մասնակիցը, բայց թող հաղթի ամենապատրաստվածը, թող հաղթի նա, որը վերջում շարունակելու է անել այն գործը, ինչի համար եկել է այս նախագիծ»:

Ի դեպ, երեկ ադրբեջանցի հակերները կոտրել են Էրիկի Instagram-ի էջն ու այն ողողել իրենց հրապարակումներով: Երգիչը նշեց, որ այդ փաստն իր համար էլ էր անակնկալ. «Այս պահին աշխատանքներ են տարվում էջս վերականգնելու համար»,-հավելեց նա:

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search