«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

«Վառեմ-Մարեմ». Գյումրու ստեղծարար ոգին՝ արվեստի և հիշողությունների հանդիպման վայրում

Ինչպե՞ս եք վերաբերվում լողազգեստով լուսանկարներին

Վերջին զանգ․ արցունք, ծիծաղ ու հրաժեշտ մանկությանը

Ժամանակից շուտ մի՛ մեծացեք․ խորհուրդներ երիտասարդներին

Արժի, արդյոք, որ Հայաստանը շարունակի մասնակցել «Եվրատեսիլին»

«Ամեն անգամ այս տեսահոլովակը դիտելիս հուզվում եմ ու լացում». Սոնա Շահգելդյանը՝ նոր աշխատանքի եւ որդու մասին

12:08, 2 հունիսի

Օրերս երգչուհի Սոնա Շահգելդյանը երաժշտասերներին ներկայացրեց նոր երգ եւ տեսահոլովակ: «Իմ հավերժություն»՝ այսպես է կոչվում երգչուհու նոր աշխատանքը, որի հեղինակներն Արսեն Բարսամյանն ու Գայանե Ավետիսյանն են, իսկ տեսահոլովակի ռժիսորը Ռուբեն Գրիգորյանն է:

NEWS.am STYLE-ը զրուցել է երգչուհու հետ նոր աշխատանքի, ստեղծագործական նորությունների եւ որդու՝ Արթուրի մասին:

«Ես ինքս եմ որոշել, որ հենց այս երգի հիմա վրա պետք է լինի տեսահոլովակ։ Այսպիսի երգ, կարծում եմ, դեռ չէր եղել. թե գործիքավորումը, թե երգը, թե խոսքերը՝ ամեն ինչ շատ համահունչ է: Երգի անվանումը եւս ես եմ որոշել»,-նշեց երգչուհին՝ պատմելով նաեւ, թե ինչպես է ստեղծվել «Իմ հավերժություն» կոչվող ստեղծագործությունը.

«Երգն արդեն գրված էր, երբ մի օր գործով գնացի իմ լավ ընկերոջ՝ տաղանդավոր Արսեն Բարսամյանի մոտ, որը երգեր է հեղինակում եւ գործիքավորում է կատարում։ Հարցրեցի՝ արդյոք լավ երգ ունի՞ ինձ համար, նա էլ ինձ ներկայացրեց տվյալ երգը, որը հենց սկզբից էլ հավանել եմ ու ասել, որ պետք է երգեմ այն: Երգը լավն էր ու շատ կարեւոր։ Հետագայում Գայանե Ավետիսյանը գրեց խոսքերը, եւ որոշեցինք, որ այն պետք է ունենա տեսահոլովակ, որի ռեժիսորը շատ տաղանդավոր Ռուբեն Գրիգորյանն է, իսկ պրոդյուսերն իմ շատ սիրելի Սերժ Գաբյանն է»,-ասում է Սոնան՝ խոստովանելով, որ չի սիրում միօրինակությունը, ինչի պատճառով էլ որոշել է ներկայանալ մի փոքր տարբեր կերպարով.

«Ես տարբեր ոճերի երգեր եմ երգում, կարծում եմ՝ ինձ մոտ դա ստացվում է: Չեմ սիրում նույնատիպ բաներ անել։ Ինձ շատ հոգեհարազատ է այս ոճը. թե կերպարս, թե ամեն ինչ շատ հոգեհարազատ են ինձ: Պարուհին հրաշալի է, խոսքեր չունեմ…Ես եմ որոշել, որ այնտեղ պետք է անպայման լինի Աիդա Սիմոնը. նրա հետ կապված էլի շատ ծրագրեր կլինեն: Ամեն անգամ այս երգը լսելիս եւ տեսահոլովակը դիտելիս հուզվում եմ ու լացում…չգիտեմ՝ ինչու: Շատ-շատ լավ արձագանքներ եմ ստացել»:

Իր կարիերայի ընթացքում Սոնան հեռուստադիտողին կարողացել է գերել ոչ միայն իր հզոր ձայնով, այլեւ կատակերգություններում իր հումորային կերպարներով: Երգչուհուց հետաքրքրվեցինք՝ արդյոք առաջիկայում նոր դերով հանդես չի՞ գալու.

«Իհարկե, հետագայում կլինեն ֆիլմեր, որտեղ կրկին կնկարահանվեմ»,-նշեց նա:

Այսօր Սոնան ակտիվ աշխատանքից զատ՝ զբաղվում է նաեւ որդու դաստիարակությամբ. երգչուհուն խնդրեցինք մի փոքր պատմել փոքրիկ Արթուրի մասին.

«Որդիս իմ ամեն ինչն է, իմ աշխարհն է։ Կյանքս շատ է փոխվել: Շատ ժպտերես, խելացի, շարժուն, հասկացող բալիկ է, հստակ բնավորության գիծ ունի: Ժամանակիս մեծ մասը նրա հետ եմ անցկացնում: Փառք Աստծո՝ հասցնում եմ ամեն ինչ:

Ի դեպ, եւս մեկ տեսահոլովակ եմ պատրաստել, որը հասանելի կլինի հունիսին: Այն շատ գեղեցիկ է: Անընդհատ աշխատում եմ: Ես սիրով ու իմ ուժերով եմ հասել ամեն ինչի: Իմ ունեցածի համար շնորհակալ եմ Աստծուն: Չեմ սիրում ագահ մարդկանց: Հպարտ եմ, որ ամեն ինչի հասել եմ ինքնուրույն՝ ընտանիքիս հետ միասին»,-նշեց Սոնան:

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search