Հայտնի հաղորդավար եւ շոումեն Մարկ Սաղաթելյանը վաղը Գերմանիայում կվիրահատվի: Այս մասին ֆեյսբուքյան իր էջում գրել է Մարկ Սաղաթելյանը: Նա նշել է, որ այժմ բուժման նպատակով գտնվում է Գերմանիայում եւ վաղը կլինի վիրահատությունը: «Հարգելի ընկերներ, գտնվում եմ Գերմանիայում։ Վաղը ինձ կվիրահատեն։ Հուսով եմ ու հավատում եմ, որ այս անգամ ամեն ինչ կլինի շատ լավ, եւ ես կկարողանամ քայլել։ Խնդրում եմ, ինձ հաջողություն մաղթեք»,- գրել է նա:

Նշենք, որ Մարկ Սաղաթելյանը վթարի ենթարկվելուց հետո Հայաստանում երկու անգամ վիրահատվել է:

Հիշեցնենք, որ Երեւանի Նալբանդյանի եւ Արամի փողոցների խաչմերուկում հունիսի 22-ին՝ ժամը 01.35-ի սահմաններում վթարի էին ենթարկվել պրոդյուսեր Գրիգոր Նազարյանն ու հաղորդավար, շոումեն Մարկ Սաղաթելյանը:

Դեռեւս չպարզված հանգամանքներում բախվել էին «Оպել» մակնիշի 30 ՏԼ 173 համարանիշի եւ «Ֆոլքսվագեն» մակնիշի 14 ՏՕ 811 համարանիշի ավտոմեքենաները, ինչի հետեւանքով «Ֆոլքսվագեն»-ի վարորդ` 41-ամյա Գրիգոր Նազարյանը եւ ուղեւոր՝ 41-ամյա Մարկ Սաղաթելյանը տեղափոխվել էին թիվ 1 համալսարանական հիվանդանոց, ապա` Միքայելյանի անվան վիրաբուժության կենտրոն: Այնուհետեւ Մարկ Սաղաթելյանը տեղափոխվել էր «Էրեբունի» բժշկական կենտրոն, որտեղ վիրահատվել էր նրա կոնքազդրի հոդը:

Վթարի ենթարկվելու փաստի առթիվ Ճանապարհատրանսպորտային հանցագործությունների քննության բաժնում նախապատրաստված  նյութերով քրեական գործի հարուցումը մերժվել է:

Հետևեք NEWS.am STYLE-ին Facebook-ում, Twitter-ում և Instagram-ում