Հարաբերություններ, որոնք քայքայում են ձեզ
Նման հարաբերությունները տրավմատիկ են եւ բուժման կարիք ունեն, իսկ հաճախ՝ նույնիսկ ավարտի:
Հարաբերություններ, որոնցում ձեզ մշտապես վերահսկում են, որոնք հիմնված են խանդի, անվստահության, կորստի վախի վրա
Եթե զուգընկերը մշտապես ստուգում է ձեր հեռախոսը, փոստը, սոցցանցերում էջերը, կոտրում է գաղտնաբառերը եւ այլն, սպառնում ինչ-որ բան անել ձեզ կամ իր հետ, նորմալ չէ եւ քայքայում է ձեզ:
Հարաբերություններ, որոնցում մշտապես վերահսկում եք ձեր զուգընկերոջը, խանդում եք, չեք վստահում, վախենում եք կորցնել
Սրան կարելի է ավելացնել նաեւ մենակ, ինքներդ ձեզ հետ մնալու ձեր անկարողությունը: Եթե հարաբերություններն օգտագործում եք ձեր ներսում առաջացած դատարկությունը լռեցնելու համար, նշանակում է՝ ինքներդ ձեզ հասկանալու ժամանակն է:
Հարաբերություններ, որոնցում միայն դուք եք նախաձեռնություն ցուցաբերում
Զանգահարում եք, հաղորդագրություններ գրում, հանդիպում առաջարկում, իսկ ձեր զուգընկերը միայն համաձայնում է (կամ չի համաձայնում, եւ դուք խուճապի եք մատնվում): Նման հարաբերությունները դժվար է առողջ որակել:
Հարաբերություններ, որոնցում ձեզ նվաստացնում են
Սրանում կարելի է ներառել վիրավորանքը, զուգընկերոջ կողմից իր առավելությունները ցուցադրելու ունակությունը, ձեր թերությունների ընդգծումը, ինչպես նաեւ ֆիզիկական բռնությունը: Հարկավոր է արագորեն դադարեցնել նման հարաբերությունները եւ հասկանալ, թե ինչու եք դրանց մեջ հայտնվել:
Հարաբերություններ, որոնցում նվաստացնում եք ձեր զուգընկերոջը
Եթե չեք կարողանում զսպել ձեզ եւ վիրավորում եք ձեր զուգընկերոջը, մատնանշում եք նրա թերությունները եւ այլն, ուրեմն պետք է դադար վերցնեք եւ հասկանաք, թե ինչու եք այդպես անում: Իսկ եթե ձեր զուգընկերն այնքան զզվելի է, որ արժանի է նման վերաբերմունքի, ինչո՞ւ եք մինչեւ հիմա նրա հետ:
Հարաբերություններ, որոնցում դուք անընդհատ ինչ-որ բան եք ապացուցում, իսկ զուգընկերն անդադար «կասկածում» է
Հատկապես, երբ խոսքը ձեր զգացմունքների եւ միասին լինելու ձեր պատրաստակամության մասին է: Եթե ձեր զուգընկերը հերթական անգամ ասում է՝ «Մի խաբիր ինձ եւ քեզ, դու չես սիրում ինձ», իսկ դուք արտասվում եք ու ինչ-որ բացատրում, ամենայն հավանականությամբ, ձեզ մղում են դրան՝ իրենց հիվանդ էգոն բավարարելու համար:
Հարաբերություններ, որոնցում ինքներդ էլ չգիտեք՝ ինչպես եւ ինչու եք հայտնվել
Եթե ձեր զուգընկերը հարաբերություններում առաջատար է, մշտապես նախաձեռնություն է ցուցաբերում, իսկ դուք պարզապես անում եք այն, ինչ նա ուզում է, միանգամայն հնարավոր է, որ դուք կապ չունեք ձեր զգացմունքների եւ ցանկությունների հետ: Հարկավոր է դադար առնել եւ հասկանալ ինքներդ ձեզ:
Հարաբերություններ, երբ դուք մշտապես ինչ-որ բան եք «խնդրում»
Սեր, ուշադրություն, հոգատարություն կամ նույնիսկ ձեր հանդեպ լավ վերաբերմունք: Եթե ստիպված եք ապացուցել, որ արժանի եք այդ ամենին, ամենայն հավանականությամբ, չափազանց ցածր ինքնագնահատական ունեք, եւ պետք է զբաղվեք այդ հարցով:
Աղբյուրը՝ Klubber.ua
Հետևեք NEWS.am STYLE-ին Facebook-ում, Twitter-ում և Instagram-ում
10:17, 4 մայիսի
Հղիության մասին լուրերի ֆոնին Քայլի Ջենները ցուցադրել է իր հարթ որովայնը09:00, 4 մայիսի
ՄԱՅԻՍԻ 4-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:19, 3 մայիսի
Ֆորմուլա 1-ի լեգենդ Միխայել Շումախերի ութ շքեղ ժամացույցներ աճուրդի են հանվել22:08, 3 մայիսի
Հոլլի Բերին տարված է իր դաշտանադադարով և հրապարակայնորեն խոսում է այդ մասին21:14, 3 մայիսի
NEWS.am STYLE-ի նոր սյունակ. Ծաղիկներ տանը և ոչ միայն. Ինչպես չսպանել խոլորձը և ծաղկեցնել20:26, 3 մայիսի
Wine Story. Սովինյոն Բլանի միջազգային օր՝ ձեր սիրելի սպիտակ գինու տոն19:43, 3 մայիսի
Կոպենհագենում Միշլեն աստղով ռեստորանները ամենաթանկն են աշխարհում16:34, 3 մայիսի
Macallan-ը և Cirque Du Soleil-ը միավորվում են՝ վիսկիի համտեսի և մահաբեր հնարքների համար15:25, 3 մայիսի
Ֆարել Ուիլյամսը միանում է Tiffany & Co-ին Titan ոսկերչական հավաքածու ստեղծելու համար14:23, 3 մայիսի
Քրիստեն Ստյուարտը եւ Օսկար Այզեքը կնկարահանվեն 80-ականների վամպիրների մասին հեդոնիստական թրիլլերում13:55, 3 մայիսի
Դերասանուհի Անյա Թեյլոր-Ջոյը պրեմիերային ներկայացել էր այնպիսի զգեստով, որով անհնար էր նստել13:17, 3 մայիսի
Էմիլի Ռատակովսկին եւ Իրինա Շեյքը փայլել են The King's Trust 2024 Global Gala-ին