• Կոսմետիկ ապրանքանիշը դիմահարդարման պարագաներ է թողարկել տղամարդկանց համար՝ «մարտահրավեր նետելով կարծրատիպերին»

  NuNorm-ը դիմահարդարման գիծ է, որը ստեղծվել է հատուկ տղամարդկանց համար՝ «դեմ գնալով այն կարծրատիպին, որ դիմահարդարումը միայն կանանց համար է»․․․

• Ինչպե՞ս ճիշտ վրձին ընտրել տոնային քսուքի համար

  Դիմահարդարման վրձիններ գնելը կարող է դժվար գործ լինել, բայց ճիշտ գործիքները կարող են վճռորոշ նշանակություն ունենալ․․․

• Pearl Skin` գարնանային դիմահարդարման միտում, որով տարված է TikTok-ը

  PearlSkin հեշթեգը հավաքել է ավելի քան 40 միլիոն դիտում, եւ աղջիկները պատրաստ են փորձեր կատարել դրան հասնելու համար․․․

• Laneige-ը տոնային քսուքի ընտրությունը տեղափոխում է հաջորդ մակարդակ

  Կորեական Laneige կոսմետիկ բրենդն օգնում է ձեզ ընտրել տոնային քսուքի երանգների կատարյալ համադրություն․․․

• Ինչպե՞ս է լեգենդար դիմահարդար Փեթ Մաքգրաթը «ճենապակյա մաշկի» տեսք հաղորդել Maison Margiela շոուի մոդելներին

  Փեթ Մաքգրաթը, ով Vogue-ի կողմից ճանաչվել է աշխարհի ամենաազդեցիկ դիմահարդարը, մոդելներին վերածել էր կենդանի տիկնիկների․․․

• 90-ականների դիմահարդարումը վերադառնում է

  Բրիթնի Սփիրսի վառ արծաթավուն-կապույտ ստվերաներկերից մինչեւ Նաոմի Քեմփբելի ցնցող մուգ շրթներկ. այսպիսին էր 90-ականների դիմահարդարումը, որը վերադառնում է...

• Հրուշ Աճեմյանը պատմել է Ջենիֆեր Լոպեսի հետ` «This Is Me...Now» ֆիլմի շուրջ համագործակցության մասին

  Ամերիկահայ դիմահարդար եւ ոճաբան Հրուշ Աճեմյանը կարող է հպարտանալ Ջենիֆեր Լոպեսի հետ եւս մեկ համագործակցությամբ․․․

• 2024 թ-ի դիմահարդարումը. միտումներ, որոնց արժե հետեւել

  2023 թվականը նշանավորվեց «ելակի» դիմահարդարմամբ եւ latte make-up թրենդով․․․

Անտանելի է հետույքի եւ ոտքերի փոս ընկած եւ լխկած մաշկը, որ անկախ քաշից ու տարիքից հանդիպում է գեղեցիկ սեռի գրեթե յուրաքանչյուր ներկայացուցչի մոտ:

Նորաձեւ ամսագրերում մեզ տարատեսակ քսուքներ, գելեր, պիլինգներ եւ սննդակարգեր են առաջարկում: Սակայն «նարնջի կեղեւից» ազատվելու ամենաարդյունավետ միջոցը հակացելյուլիտային պրոֆեսիոնալ մերսումն է: Մենք որոշեցինք պարզել, թե Երեւանի կոսմետոլոգիական կլինիկաներում մերսման ինչպիսի ձեւեր կան եւ դրանցից որոնք են ամենաարագ արդյունքն ապահովում:

Սկսենք ամենատարածված մեթոդից՝ ձեռքով մերսում: Նման մերսման արժեքը մոտ 15 հազար դրամ է, իսկ սեանսի տեւողությունը 40 րոպե է:

Ձեռքով մերսումը կատարվում է առանց որեւէ հարմարանքի եւ սարքերի:

Արագ էֆեկտ ստանալու համար մասնագետն օգտագործում է զանազան եթերային յուղեր, սքրաբներ եւ լոսյոններ, որոնք խթանում են նյութափոխանակությունը: Մերսումը սկսում եւ ավարտում են մարմնի վրա թեթեւ շարժումներով՝ դրանով լավացնելով արյան շրջանառությունը:

Այնուհետեւ մերսում են ներքեւի հատվածների մաշկը կամ կատարում են շրջանաձեւ շարժումներ, ինչը նպաստում է մաշկի տոնուսի բարձրացմանը եւ նվազեցնում ենթամաշկային ճարպի հաստությունը:

Այնուհետեւ անհրաժեշտ կլինի դիմանալ տարբեր ինտենսիվության բռնցքահարվածներին եւ ձեռքերով մաշկը խորությամբ բռնելուն, որը խթանում է արյան հոսքը: Ուշադրություն դարձրեք՝ այս մերսումը թուլացնող չէ, եւ սա նշանակում է, որ ձեր հետույքը «կայրվի» կարմիր բոցով ու գութ կհայցի:

Երբեմն նույնիսկ կարող են կապտուկներ եւ կարմրություններ առաջանալ: Մասնագետն է կուրսը նշանակում՝ կախված խնդրի արտահայտվածությունից: Ավելի կայուն արդյունքի հասնելու համար միջինում 10 սեանս է կատարվում՝ օրումեջ:

Ինչպես բոլոր միջամտությունները, ձեռքով մերսումը եւս հակացուցումներ ունի, եթե ինֆեկցիոն հիվանդությամբ եք տառապում, վերքեր, կտրվածքներ, երակների վարիկոզ լայնացումներ, հոգեկան խանգարումներ կան եւ հղի եք:  

Անհրաժեշտ է մեկ պարզ ճշմարտություն հիշել:

Ցելյուլիտի դեմ պայքարում հարկավոր է գործի դնել ամբողջ ծանր հրետանին. մերսման կաբինետ այցելելուն զուգահեռ՝ պետք է սպորտով զբաղվել, հետեւել սննդակարգին եւ մոռանալ սիրելի տապակած կարտոֆիլի ու կոլայով բուրգերների մասին:

Մարգարիտա Ավագյան

Հետևեք NEWS.am STYLE-ին Facebook-ում, Twitter-ում և Instagram-ում