«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

«Վառեմ-Մարեմ». Գյումրու ստեղծարար ոգին՝ արվեստի և հիշողությունների հանդիպման վայրում

Ինչպե՞ս եք վերաբերվում լողազգեստով լուսանկարներին

Վերջին զանգ․ արցունք, ծիծաղ ու հրաժեշտ մանկությանը

Ժամանակից շուտ մի՛ մեծացեք․ խորհուրդներ երիտասարդներին

Արժի, արդյոք, որ Հայաստանը շարունակի մասնակցել «Եվրատեսիլին»

Էլեն Սարգսյանը՝ «Լյուդվիգ անունով ոզնին» ֆիլմում իր դերի եւ սերիալներում չնկարահանվելու մասին (ֆոտո)

12:02, 22 նոյեմբերի

«Կյանք ու կռիվ» ֆիլմում Սոֆիին մարմնավորող Էլեն Սարգսյանին հեռուստադիտողը շուտով կտեսնի Մհեր Մկրտչյանի նոր՝ «Լյուդվիգ անունով ոզնին» ֆիլմում: NEWS.am STYLE-ի հետ զրույցում կարմրահեր դերասանուհին խոսել է Մհեր Մկրտչյանի հետ նոր համագործակցության, նկարահանման հրապարակ վերադառնալու, կրթության եւ սերիալներում նկարահանվելու առաջարկների մասին.

«Քանի որ ֆիլմի վերնագիրը չի բացահայտում ֆիլմի էությունն ու սյուժեն եւ դրանով իսկ հետաքրքություն առաջացնում հանդիսատեսի մոտ, ես չեմ բացի փակագծերը նաեւ իմ կերպարի վերաբերյալ։ Միայն կարող եմ ասել, որ դերը, որով հանդես եմ եկել, էպիզոդիկ է, ու ստեղծվել է հատուկ ինձ համար»,-ասում է Էլենը՝ հավելելով, որ մինչ նոր ֆիլմում նկարահանվելն էլ միշտ շփում ունեցել է սիրելի ռեժիսորի՝ Մհեր Մկրտչյանի հետ.

«Ես շատ եմ կարեւորում իմ ու Մհեր Մկրտչյանի ծանոթությունն ու ընկերությունը, որը համարում եմ իմ ամենամեծ ձեռքբերումը։ Աշխատանքում կարեւորում եմ ռեժիսորի հանդեպ վստահությունը եւ ստեղծագործական պրոֆեսիոնալ խումբը, որոնք, այս դեպքում, միանշանակ առկա էին»։

Դերասանուհին խոստովանում է՝ կարոտել էր նկարահանման հրապարակի շունչն ու էնեգետիկան. «Նկարահանման հրապարակը մի տարածք է՝ հրաշալի հիշողություններ ստեղծելու համար, իսկ այս խմբով մենք արդեն անմոռանալի ճանապարհ ունեինք անցած։ Շատ բաներ կային , որ կարոտել էի, բայց այն, ինչը հաստատ չէի կարոտել՝ -28 աստիճան ցուրտն էր «Կյանք ու կռիվի» նկարահանման ժամանակ»։

Էլենն ասում է՝ նկարահանման առաջարկներ վաղուց էր ստանում, սակայն «Կյանք ու կռիվ» ֆիլմից հետո նրան ավելի շատ սկսեցին ճանաչել, բնականաբար՝ առաջարկներն էլ շատացան. «Բայց նկարահանվելն ինձ համար ինքնանպատակ չէ։ Ես բոլոր առաջարկներին մանրակրկիտ մոտեցում եմ ցուցաբերում եւ հաշվի առնում ամեն դետալ։ Շատ ուրախ եմ, որ իմ կողքին կան մարդիկ, որոնց հետ քննարկում եմ իմ առաջարկները, լսում նրանց կարծիքները, եւ միասին գալիս ենք առողջ եւ օբյեկտիվ որոշման։ Սերիալներում նկարահանվելու առաջարկներ շատ եմ ստացել, բայց որեւէ մեկում ինձ չեմ պատկերացրել»։

«Լյուդվիգ անունով ոզնին» ֆիլմը նախատեսվում է էկրաններ բարձրանալ մյուս տարվա սկզբին, իսկ մինչ այդ դերասանուհին շարունակում է մասնագիտական կրթություն ստանալ արդեն մագիստրատուրայում՝ «Ինովացիոն կառավարման» ոլորտում.

«Նաեւ առաջին քայլերս եմ անում հայաստանյան առաջատար բանկերից մեկում։ Շարունակում եմ նկարահանումներին վերաբերվել որպես նախասիրություն ու, չնայած այդ փաստին, հարցին մոտենում եմ ոչ պակաս պատասխանատվությամբ»,-ասում է նա:

Սյունե Առաքելյան

Լուսանկարները տրամադրել է Էլեն Սարգսյանը


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search