• Նորթ Ուեսթը իր նորամուտն է կատարում Instagram-ում՝ կրկնօրինակելով մոր՝ Քիմ Քարդաշյանի հայտնի լուսանկարչական դիրքը

  Նորթ Ուեսթը պաշտոնապես հայտնվել է Instagram-ում․․․

• 69-ամյա Քրիս Ջենները Vogue Arabia-ի հետ խոսել է իր դեմքի փոփոխությունների մասին, որոնց արժեքը կազմել է 100,000 դոլար

  Քրիս Ջենները հպարտությամբ խոսել է իր դեմքի վերջին փոփոխությունների մասին՝ վերջերս երկրպագուներին իր անհավանական կերպարանափոխությամբ զարմացնելուց հետո․․․

• Կապույտ մազերով 12-ամյա Նորթ Ուեսթը նորաձևության ոլորտում մրցակցության մեջ է մտնում իր մոր՝ Քիմ Քարդաշյանի հետ

  Քիմ Քարդաշյանի 12-ամյա դուստրը՝ Նորթ Ուեսթը, կիրակի երեկոյան Հռոմում շքեղ ընթրիքի ժամանակ ապացուցել է, որ ինքը նույնքան նորաձև է, որքան իր մայրը․․․

• Շարունակում է նիհարե՞լ․ Քիմ Քարդաշյանը ցույց է տվել, թե ինչպիսի տեսք ունի կազմվածքն այժմ

  Կատարելությունը սահմաններ չունի․․․

• Նոր նկարահանում․ Քիմ Քարդաշյանը ներկայացել է ռետրո ոճի սեքսուալ կերպարում

  Հեռուստատեսային աստղը կրել է կիպ բոդի՝ բարձր կտրվածքներով եւ խորը դեկոլտեով…

• Լողափ միայն այս լուքով․ Քիմ Քարդաշյանը բիկինին կրում է թափանցիկ տաբատով

  Քիմը շարունակում է գովազդել իր SKIMS ապրանքանիշի ամառային հավաքածուն․․․

• Քիմ Քարդաշյանը մեկնաբանել է Քանյե Ուեսթի հակասեմական արտահայտությունները

  Նա խոսել է Hulu-ի «Քարդաշյաններ» սերիալի նոր դրվագում․․.

• Առանց քույրերի․ Քորթնի Քարդաշյանը մտադիր է թողարկել սեփական ռեալիթի շոուն

  Նա ցանկանում է մի ամբողջ սպին-օֆֆ, որում չեն մասնակցի նրա քույրերին․․․

Սովորաբար արևմտյան պարբերականների աշխարհիկ քրոնիկոնները հեղեղված են Քիմ Քարդաշյանի լուսանկարներով՝ աստղը կամ մերկ է լուսանկարվում, կամ էլ որևէ ուլտրանորաձև անսամբլով ներկայանում (վերջերս Քիմը հիմնականում միայն ամուսնու՝ Քանյե Ուեսթի հավաքածուի հագուստով է ներկայանում)։ Համակարգչի առաջ, բազմոցին նստած՝ Քիմին կարելի է մեղադրել աշխարհի բոլոր մեղքերի մեջ, բայց նաև նկատի ունեցեք , որ Քարդաշյան- Ջեներ գերդաստանը լուրջ ազդեցություն ունի ԱՄՆ հասարակական- քաղաքական կյանքում։ Քիմը մասնակցում է բազմաթիվ ակցիաների ու նախագծերի։ 

Օրինակ այն նորության ֆոնին, որ 37-ամյա հայուհին երեկ հերթական անգամ մերկացել է՝ իր արտադրանքը գովազդելու համար, աննկատ է մնացել մեկ այլ նորություն այն մասին,  որ նույն ինքը ՝ Քիմը աջակցել է հայտնի ռեժիսոր Մայքլ Մուրի հայտարարությունը՝ զենքի ազատ վաճառքի դեմ։ 

««Սենդի Հուք» դպրոցում տեղի ունեցած ողբերգության օրվանից (այդ ժամանակ 20-ամյա երիտասարդը սպանել էր իր մորը, այնուհետեւ դպրոցում եւս 28 մարդու կյանքից զրկել) հինգ տարի է անցել։ Այս ժամանակվանից մինչեւ այսօր ԱՄՆ-ում 150 000 ամերիկացի է սպանվել զենքով։ Մենք թույլ ենք տալիս, որ այդ ամենը շարունակվի։ Մենք հրաժարվում ենք հետ կանչել զենքի ազատ վաճառքի մասին օրենքը ու փակել զենք արտադրող գործարանները։ Մենք հրաժարվում ենք ուսումնասիրել այն խնդիրը, թե ինչով է պայմանավորված բռնության հանդեպ ամերիկացիների այս հակումը, որն օրեցօր աճում է»,- ասվում էր Twitter-ում ռեժիսորի գրառման մեջ, որը վերահրապարակել էր Քիմը։ 

Զենքի ազատ վաճառքի մասին օրենքի չեղարկման համար պայքարելուց բացի Քիմը նաև պայքարում է սեքս թրաֆիքինգի դեմ, ինչի մասին է վկայում նրա աջակցությունը Սինտոյա Բրաունին, որն արդեն 13 տարի բանտում  կրում է իր ցմահ պատիժը՝ սպանության համար։ Հեռուստաաստղը կարողացել է այնպես անել, որ այդ գործը գրավի հասարակության ուշադրությունը, նաեւ իր փաստաբաններին հանձնարարել է զբաղվել Սինտոյա Բրաունի գործով ու գտնել նրան օգնելու միջոց։Սինտոյան զբաղվում էր մարմնավաճառությամբ դեռ դեռահասության տարիքից (նրան ստիպել են բոյֆրենդն ու կավատը), ենթարկվել է ֆիզիկական ու սեռական բռնության։ Բրաունը ծնվել է անապահով ընտանիքում. մայրը հրաժարվել է նրանից, երբ նա երկու տարեկան էր։ Որդեգրած ընտանիքից Սինտոյան փախել է, երբ դեռ դպրոցում էր սովորում։ 16 տարեկանից նա ապրում էր մոթելում Kut Throat մականունով կավատի հետ, որը նրան թմրադեղեր էր տալիս ու վաճառում հաճախորդներին։ 2004-ի օգոստոսի 6-ին Բրաունը սպանել է այդ հաճախորդներից մեկին։

«Պատկերացրեք, որ 16 տարեկանում ձեր մարմինը վաճառում է կավատը։ Ձեզ թմրադեղեր են տալիս ու բռնաբարում տարբեր տղամարդիկ, հետո ձեզ գնում է երեխաների հետ սեքսի 43-ամյա սիրահարը ու տանում իր տուն։ Դուք համարձակվում եք դիմադրել նրան, կրակում եք ու սպանում։ Արդյունքում՝ ձեզ դատապարտում են ցմահ ազատազրկման՝ ինչպես մեծահասակի: Սա Սինտոյա Բրաունի պատմությունն է, որը կարող է հասնել վաղաժամկետ ազատման միայն երբ 69 տարեկան կդառնա»,- գրել է Քիմն ու հավելել #FreeCyntoiaBrown թեգը։

Քիմը նաև օգնում է Լոս Անջելեսի մանկական հիվանդանոցին, մասնակցում հաղորդումների, որոնք ուղղված են հոգեկան հիվանդություններով տառապող մարդկանց պաշտպանությանն ու աջակցությանը, օգնում է նաև Լոս Անջելեսի անօթևաններին ու իհարկե աշխարհի ամենահայտնի ակտիվիստներից մեկն է, որոնք պայքարում են ԱՄՆ կողմից Հայոց ցեղասպանության ճանաչման համար։ Բացի դրանից՝ Քիմը 2015-ին, Հայոց ցեղասպանության 100-րդ տարելիցին,  այցելել է իր պատմական հայրենիք։ Քիմը միշտ աջակցում  Armenian National Committee of America կազմակերպության բոլոր նախաձեռնությունները, նաև նամակ էսսե է գրել New York Times-ի համար, այն բանից հետո, երբ Wall Street Journal պարբերականը հրապարակել է թուրք ակտիվիստների կողմից պատվիրված հոդված՝ Հայոց ցեղասպանության եղելության հերքման մասին։   

«Երբ թույլ ենք տալիս, որ փողը, իշխանությունն ու վախը փակեն մեր բերանները, դրանով իսկ մենք մեր երեխաներին սովորեցնում ենք,  որ ճշմարտությունը անկարևոր ու հարաբերական է։ Մենք ենք պատասխանատու այն ամենի համար, ինչ սովորեցնում ենք մեր երեխաներին։ Մենք պետք է հարգենք մեր պատմության Ճշմարտությունը, որպեսզի պաշտպանենք մեր ապագան»,- գրել էր այն ժամանակ Քիմը։

Հետևեք NEWS.am STYLE-ին Facebook-ում, Twitter-ում և Instagram-ում