SHINE & FOOD

POPcorn blog

«Ազնավուր» կենտրոնում բացվեց սգո մատյան` ի հիշատակ Շառլ Ազնավուրի

Ազնավուրի հրապարակում շարունակվում է շանսոնյեի հիշատակին նվիրված մոմավառությունը

News.am Style շաբաթվա ամփոփում

Shine&Food

PROFFY. Անասնաբույժի մասնագիտության առանձնահատկությունները

Yerevan Color Run 2018

POPcorn blog. Ինչ պետք չէ անել ծանոթանալիս

Երեւանում ցուցադրված աշխարհի ամենամեծ գաթան հայտնվեց «Գինեսի» ռեկորդներում

Shine&Food

Մկոյի նոր դերը, Նազենիի ու Սոֆիի «անկախ» սելֆիներն ու «Մանկական Եվրատեսիլ»-ի մեր պատվիրակը. շաբաթվա ամփոփում

POPcorn blog. Երևանում նշում են անկախության տոնը

«Հյուսիսային պողոտայի բանտարկյալը» ներկայացման պրեմիերան

Մարինկա Խաչատրյանի ռոմանտիկ հոլովակը, Վան Դամի ժամանումն ու Comedy Club-ի կարմիր գորգը. շաբաթվա ամփոփում

Shine&Food: Այ քեզ բերքի տոն

Երևանում մեկնարկեց Comedy Club փառատոնը

Yerevan Music Night 2018

«Սեր չեմ խոստովանել, միշտ փորձել եմ իմ քայլերով ամեն ինչ ապացուցել». Սյուզի Մելիքյանը՝ NEWS.am STYLE-ի «Առաջին անգամ» խորագրում

15:25, 13 հունվարի

NEWS.am STYLE-ն իր ընթերցողներին ներկայացնում է «Առաջին անգամ» խորագիրը, որի նպատակն է հարցերի միջոցով հայտնիներից պարզել, թե երբ են առաջին անգամ սիրահարվել, սեր խոստովանել, հիասթափվել, հաջողության հասել եւ այլն...

Մեր խորագրի այսօրվա հերոսուհին երգչուհի Սյուզի Մելիքյանն է.

Ե՞րբ առաջին անգամ հասկացաք, որ պետք է դառնաք երգչուհի:

Ես ինքս լավ չեմ հիշում, բայց մայրիկիս պատմելով՝ փոքր տարիքից եմ սիրել բեմը: Երեւի 6-7 տարեկանում: 10 տարեկանից արդեն երգում էի, բայց եթե չեմ սխալվում, լուրջ բեմեր բարձրացել եմ 13-14 տարեկանում:

Ո՞ւմ եք առաջինը պատմում Ձեր կյանքում տեղի ունեցող նորությունները:

Ճիշտն ասած՝ կյանքումս տեղի ունեցած ցանկացած նորություն առաջնահերթ ինքս ինձ հետ եմ վերլուծում: Հետո, եթե հասկանում եմ, որ պատմելու կարիք ունեմ, ապա ընկերուհիներիս ու մայրիկիս հետ եմ կիսվում: Լինում է նաեւ, որ ընդհանրապես ոչ մեկին չեմ պատմում…

Առաջին անգամ ո՞ր տարիքում եք սիրահարվել:

Ես համարում եմ, որ վաղ տարիքի սիրահարվածությունը չես կարող անվանել սեր: Սերը հասկանում ես այն ժամանակ, երբ արդեն գիտակից ես դառնում, դժվարություններ ես հաղթահարում: Իսկ դպրոցական կամ ուսանողական տարիքում չեմ կարծում, թե արդեն հասկանում ենք, թե ինչ է կյանքը:

Ե՞րբ եք առաջին անգամ սեր խոստովանել:

Անկեղծ ասած՝ չի եղել, որ սեր խոստովանեմ: Առհասարակ, կարծում եմ՝ պարտադիր չէ սերը խոստովանել: Կարեւորն այն է, որ դիմացինն այդ սերը զգա: Միգուցե խոսքով խոստովանես, բայց քայլերդ ճիշտ հակառակը լինեն: Դրա համար ես սեր չեմ խոստովանել, միշտ փորձել եմ իմ քայլերով ամեն ինչ ապացուցել:

Ե՞րբ են առաջին անգամ Ձեզ սեր խոստովանել:

Հիշում եմ՝ դպրոցական տարիքում Վալենտինի օրը արկղիկներ էին դնում դպրոցում, այդ ժամանակ շատ նամակներ էի ստանում :) Այդ ժամանակվանից սկսած են սեր խոստվանել:

Առաջին հիասթափությունը...

Հիասթափությունից միշտ փորձում ես դասեր քաղել: Նախկինում, երբ միայն բացասականն էի տեսնում հիասթափության մեջ, հիմա միշտ պլյուսներ եմ տեսնում, փորձում եմ հասկանալ՝ որտեղ եմ սխալվել, միգուցե սխալն իմ մեջ լինի: Մի խոսքով՝ միայն դրական բաներն եմ վերցնում ամեն հիասթափությունից:

Ձեզ հանդիպած առաջին դժվարությունը: Ինչպե՞ս եք այն հաղթահարել:

Ինչպես բոլորը՝ ես էլ եմ ունենում դժվարություններ: Կյանքի ընթացքում մարդը կոփվում է: Կար տարիք, երբ դժվարության հանդիպելով, միգուցե, հետ կանգնեի կամ հիասթափվեի, հիմա տեսակով ավելի համառ եմ դարձել, եւ փառք Աստծո, որ այդպես է: Փորձում ե չկոտրվել եւ ճիշտ դասեր քաղել:

Ձեր առաջին երգը:

Իմ առաջին երգը հեղինակել էր Արամ Ավագյանը, այն կոչվում էր «Արեւ ու լուսին»: Դեռ շատ փոքր տարիքում այն կատարել եմ մի շարք համերգների ժամանակ: Այդ երգը տեսահոլովակ չուներ, համացանցում էլ, եթե չեմ սխալվում, չկա, բայց տարբեր համերգների ժամանակ այն կատարել եմ:

Ուզում եմ նաեւ նշել, որ հատուկ հակում ունեի Արթուր Գրիգորյանի երգերի հանդեպ: Երգի պետական թատրոնում սովորելուս տարիներին շատերը զարմանում էին, թե ինչպես էի կարողանում երգել Արթուր Գրիգորյանի լուրջ ստեղծագործությունները: Շատ էի սիրում երգել հատկապես «Գարուններ» երգը: Առհասարակ, դեռ մանուկ հասակից նրա բոլոր երգերը շատ եմ սիրել:

Առաջին մեծ հաջողությունը:

Առաջին հաջողությունս «Վառվեն լույսերը» երգն էր, երեւի տասը տարի առաջ է գրվել: Երգը եւ տեսահոլովակը մեծ հաջողություն ունեցան: Տեսահոլովակի ռեժիսորը Հրաչ Քեշիշյանն է, երգի հեղինակը՝ Մանե Հակոբյանը, տեսահոլովակում պարը բեմադրված էր «Ամարաս» համույթի հետ: Գեղեցիկ աշխատանք էր ստացվել, որը երկար ժամանակ գլխավորում էր տարբեր հիթ շքերթների առաջատար հորիզոնականները: Ու իմ հետագա հաջողությունները սկսվեցին այդ երգից հետո:

Ձեզ համար առաջնային է...

Ինձ համար առաջնային է, որ ինձ համար թանկ մարդիկ լինեն միշտ առողջ եւ իմ կողքին:

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում






  • Այս թեմայով



@NEWSam_STYLE

  • Արխիվ
Որոնել
  • Հարցում
Հայաստանի ամենահայտնի տղամարդը
Նիկոլ Փաշինյան
Սերժ Թանկյան
Մկրտիչ Արզումանյան
Հայկ Մարության