Շարունակելով արտերկրում մեր տաղանդավոր եւ հայտնի հայրենակիցների փնտրտուքները՝ Instagram-ում նկատեցինք ԱՄՆ-ում բնակվող լուսանկարիչ Լեւոն Մուրադյանի էջը: Լեւոնի հետ զրույցում պարզվեց, որ մեզ իզուր չէին հետաքրքրել նրա անկեղծ ու համարձակ աշխատանքները: Հայ լուսանկարիչն արդեն մեկ տարի է` պարբերաբար համագործակցում է Playboy եւ Sports Illustrated հայտնի պարբերականների, ինչպես նաեւ Warner Music Group եւ Atlantic Records ընկերությունների հետ, իսկ բոլորովին վերջերս Միացյալ Նահանգներում լույս է տեսել լուսանկարչի աշխատաքները ներկայացնող գիրքը: NEWS.am STYLE-ը Լեւոնի հետ զրուցել է իր աշխատանքների ոճի, հաջողությունների եւ հայ լուսանկարիչների մասին:
Լեւոնի ծնողները ծնունդով Երեւանից են, սակայն 1970-ական թթ. տեղափոխվել են Լոս Անջելես, որտեղ էլ ծնվել է լուսանկարիչը:
Լուսանկարելու ձիրքը Լեւոնն իր մեջ հայտնաբերել է դեռեւս վաղ տարիքից.
«Երբ փոքր էի, ծնողներիս, զարմիկներիս, հորաքույրներիս եւ այլ հարազատներիս հետ հաճախ էինք ամառն անցկացնում եվրոպական տարբեր երկրներում: Հորեղբայրս մի տեսախցիկ ուներ, եթե չեմ սխալվում՝ Nikon, այն ինձ շատ էր հետաքրքրում: Այդ ժամանակվանից էլ նկատում էի լողափում զբոսնող մերկ կանանց, որոնք ազատ էին եւ ոչնչից չէին ամաչում: Այդ տարիներից սկսեցի լուսանկարել նրանց»,-ասում է Լեւոնը, որն իր գործունեությունը սկսել է որպես ռեժիսոր՝ համագործակցելով մի շարք հայտնի արտիստների հետ.
«Ես տեսահոլովակներ էի նկարահանում Քրիս Բրաունի, Լիլ Ուայնի համար… Մի օր էլ տեսահոլովակներից մեկի մոդելը խնդրեց ինձ լուսանկարել իրեն. երեւի 5 տարի առաջ էր, եւ ինձ դա դուր եկավ: Կարծում եմ՝ աշխարհում ավելի գեղեցիկ ոչինչ չկա, քան կինն ու օվկիանոսը: Հաճախ լուսանկարիչները լուսանկարում են այն, ինչն իրենց հոգեհարազատ է, ես էլ սիրում եմ կանանց: Այնքան շատ բան կա, որ կինը կարող է ասել իր աչքերով եւ արտահայտությամբ: Երբեմն նա առեղծվածային է, հաջորդ վայրկյանին՝ սեքսուալ, հենց դա է ինձ հետաքրքրում»:
Լեւոնը, սակայն, միայն կանանց գեղեցիկ մարմինները չի լուսակարում. նրան հետաքրքրում են նաեւ բնության տեսարանները՝ լողափը, ամայի տնակները: Իր առջեւ լուսանկարիչն արդեն դրել է իր հաջորդ նպատակը.
«Ցանկություն ունեմ ճանապարհորդել Եվրոպայով, լուսանկարել հույն, իտալացի, հուսով եմ՝ նաեւ հայ մոդելներին»,-ասում է նա:
Խոսելով վերջերս թողարկված իր գրքի մասին՝ Լեւոնն ասում է, որ այն ներկայացնում է իր երեք տարվա աշխատանքները.
«Հաճախ Instagram-ի իմ հետեւորդներն ինձ խնդրում են իրենց տրամադրել իմ աշխատանքներից որոշները՝ տպագրված տարբերակով, այդպիսով՝ իմ առջեւ նպատակ դրեցի եւ ստեղծեցի մի գիրք, որտեղ ներառված են իմ աշխատանքները: Այն հատուկ բոլոր նրանց համար է, ովքեր հետաքրքրված են նորաձեւությամբ եւ վինտաժային լուսանկարչությամբ, քանի որ դա է իմ ոճը: Ես ցանկանում եմ իմ լուսանկարներում շեշտադրել մոդելներին: Ես չեմ ցանկանում նրանց պարզապես մերկ ցույց տալ, ուզում եմ դրա միջոցով ներկայացնել նրանցին յուրաքանչյուրի անհատականությունն ու ներաշխարհը»:
Լեւոնն իր կյանքի կարեւորագույն ձեռքբերումն է համարում այն, որ աշխատում է որպես լուսանկարիչ, ասում է՝ մինչ օրս հասել է իր առջեւ դրված բոլոր նպատակներին:
«Եթե առանձնացնեմ ամենամեծ ձեռքբերումս, ապա դա կլինի Playboy ամսագրի հետ համագործակցությունս. ուրախ եմ, որ այդ նպատակս կարողացել եմ իրագործել»,-ասում է լուսանկարիչը, որն արդեն հասցրել է համագործակցել մի շարք հայտնի մոդելների հետ, որոնց թվում են՝ Սամանթա Հուփսը, Սիմոնե Հոլցնագերը, Հաննա Քըրքլին եւ այլք:
«Այն կանանցից շատերը, որոնց ես լուսանկարում եմ, նույնիսկ հայտնի չեն, իսկ ոմանք էլ բավականին ճանաչված մոդելներ են եւ աշխատում են Լոս Անջելեսի ամենահեղինակավոր գործակալություններում: Շատ ու շատ մոդելներ կան, որոնց հետ կցանկանայի աշխատել: Կարծում եմ՝ շուտով կիրականացնեմ իմ ծրագրերը, բայց հատկապես կցանկանայի լուսանկարել Բելլա եւ Ջիջի Հադիդներին»:
Լեւոնն ասում է՝ երբեք չի եղել Հայաստանում, բայց այս ամառ ցանկանում է գալ ու տեսնել հայրենիքը: Հայ լուսանկարիչների աշխատանքներին էլ հաճախ հետեւում է ու արդեն որոշակի կարծիք է կազմել.
«Անկեղծ ասած՝ հայ լուսանկարիչներից շատերը կենտրոնացած են հարսանիքներ կամ նման առիթներ լուսանկարելու վրա: Չեմ նկատել շատ հայ լուսանկարիչների, որոնք նորաձեւություն են ներկայացնում...»:
Իսկ աշխատանքի մեջ Լեւոնին հաճախ ոգեշնչում են այլ անվանի լոսանկարիչների աշխատանքները, նրանցից նա հատկապես առանձնացրեց Հանս Ֆյուրերին, Սլին Արոնին, Հելմաթ Նյութոնին, Փիթեր Բեարդին, Գիլս Բենսիմմոնին եւ Հենրիկ Փյուրիենին:
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
09:00, 27 ապրիլի
ԱՊՐԻԼԻ 27-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:22, 26 ապրիլի
Ամենաթանկարժեք զգեստները, որոնք աճուրդի են հանվել ռեկորդային գումարներով22:34, 26 ապրիլի
Դավաճանություն՝ քնած ժամանակ. ի՞նչ են նշանակում անհավատարմության մասին երազները21:16, 26 ապրիլի
Burj Al Arab-ը եւ Atlantis, The Palm-ը համարվել են աշխարհի «ամենաինստագրամյան» հյուրանոցները20:15, 26 ապրիլի
Տիտանիկի ամենահարուստ ուղեւորի մարմնից հայտնաբերված գրպանի ոսկե ժամացույցն աճուրդի է հանվել19:23, 26 ապրիլի
Montegrappa-ի նոր գրիչը նվիրված է Ֆրանկենշտեյնին16:21, 26 ապրիլի
Մայամիի սեքսի թանգարանում բացվել է Հաջիմե Սորայամայի Desire Machines ցուցահանդեսը15:19, 26 ապրիլի
Սուպերմոդել Ժիզել Բունդխենը ոստիկանի հետ զրույցի ժամանակ արտասվել է14:11, 26 ապրիլի
Ջիմմի Քիմելը ծաղրել է Քանյե Ուեսթի՝ պոռնո հարթակ բացելու ծրագրերը13:31, 26 ապրիլի
Քանյե Ուեսթի նախկին ընկերուհին՝ Ջուլիա Ֆոքսը, խոստովանել է, որ ռեփերի հետ իր սիրավեպն իր բերանում «թթու հետհամ» է թողել12:20, 26 ապրիլի
Քայլի Ջենները հղի չէ Թիմոթի Շալամեից՝ չնայած սոցիալական ցանցերում տարածված լուրերին11:16, 26 ապրիլի
Սալմա Հայեկը կիսվել է իր եւ Ֆրանսուա-Անրի Պինոյի հարսանիքի ֆոտոշարքով