«Սրտի վալետ». նոր հումորային սիթքոմի մանրամասները. BACKSTAGE

Գեւորգ Մկրտչյանի եւ Քրիստինա Հովհաննիսյանի առաջին տանգոն

Գեևորգ Մկրտչյանը և Քրիստինա Հովհաննիսյանը պսակադրվեցին

Աներեւակայելի էմոցիաներ. Համասյանի համերգը Խուստուփ լեռան լանջին

Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել

MOCT 5. Անդերգրաունդ կյանքը Հայաստանում

«Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

Անդրեյ Մակարեւիչ. «Ինտերնետը շատ շուտ է հասել մարդկությանը»

Գուշակիր գույնը, ստացիր ծաղկեփունջ. մեկ օր՝ Մայիս Վարդանյանի հետ

Տիհանա Vibes Դավիթ Մանոյանի հետ. Իվետա Մուկուչյանի հետ տեսահոլովակի, Կասպերի եւ այլ թեմաների մասին

Տիհանա Vibes. ZatikArtFest-ի գույներն ու մարդիկ

Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Ինչպես են Կենդանակերպի նշաններն արտահայտում իրենց զայրույթը

21:09, 28 մարտի

Խոյ. նյարդայնացնում է

Խոյերը հակված են դուրս թափել ամբողջ զայրույթը՝ ուշադրություն չդարձնելով, թե ինչպես դա կազդի շրջապատի վրա: Այդ պատճառով ուշադիր եւ զգոն եղեք: Խոյերի զայրույթն արագորեն բռնկվում է եւ նույնքան արագ հանգչում, եթե դրա պատճառ դարձած մարդն անտեսում է այն:  Խոյերն արագորեն հանգստանում են՝ խորապես ափսոսալով իրենց պահվածքի համար: Բայց դա չի խանգարում որոշ ժամանակ անց նույն բանն անել:

Ցուլ. կուտակում է զայրույթը, իսկ հետո պայթում

Երբ Ցուլերը սկսում են զայրանալ, սկզբում թեթեւակի ակնարկներ են անում՝ պահպանելով հանգստությունն ու հանդարտությունը: Բայց հետո հրաբխի նման ժայթքում են՝ կործանելով իրենց ճանապարհին ամեն ինչ: Ցուլերը հեշտությամբ են ափերից դուրս գալիս, այդ ժամանակ նրանք սկսում են տարբեր իրեր նետել իրենց վիրավորողի ուղղությամբ եւ լիարժեք արտահայտել զայրույթը:

Երկվորյակ. շատախոսում են

Երկվորյակները սիրում են շատախոսել, այդ պատճառով զայրույթի պահին բղավելու ցանկությունը միանգամայն օրինաչափ է: Նրանք սարկազմով լի, միաժամանակ շատ վատ բառեր են օգտագործում: Բայց քանի որ Երկվորյակներն ինչպես մութ, այնպես էլ պայծառ կողմեր ունեն, ապա ճիչերը զայրույթն արտահայտելու միակ միջոցը չեն: Ինչ էլ անեք, չփորձեք քննադատել Երկվորյակներին կամ ձեր կարծիքը պարտադրել այն մասին, թե նրանք ինչ պետք է անեն, հակառակ դեպքում նրանց զայրույթի թիրախում կհայտնվեք:

Խեցգետին. զգում է էմոցիաների ամբողջ փունջը

Երբ Խեցգետնին զայրացնում են, նա նախ վիրավորվում է, հետո անցնում է պասիվ-ագրեսիվ պահվածքի, իսկ վերջում թաքնվում է սեփական պատյանում: Զգույշ եղեք. չնայած Խեցգետինը թաքնվել է, պետք չէ մտածել, որ կարելի է անտեսել նրան. դա հենց այն ժամանակն է, երբ հարկավոր է նրան սեր եւ բարություն ցույց տալ: Բայց եթե Խեցգետինն այդպես էլ չի ստանում ցանկալին, նրա հանդարտ զայրույթը կարող է վերածվել ճիչի: Եվ եթե նրան թվա, որ իր զգացմունքները ոչ ոք լուրջ չի ընդունում, նա կպայթի:

Առյուծ. մռնչում է՝ ինչպես կենդանիների իսկական արքա

Երբ Առյուծը զայրանում է, դուրս է գալիս թույլատրելիի շրջանակից եւ ազատություն տալիս զայրույթին: Նա մռնչում է, եւ որքան բարձր, այնքան լավ է զգում իրեն: Վիրավորական խոսքերը հակառակորդին նվաստացնելու լավագույն միջոցն են: Երբ Առյուծները զայրանում են, միայն իրենց մասին են մտածում: Հպարտ Առյուծները կարող են ներել ձեզ վիրավորանքի կամ պատճառած ցավի համար, բայց իրենք երբեք ներողություն չեն խնդրի իրենց պահվածքի համար:

Կույս. տապակվում է սեփական զգացմունքներում

Կույսերը չեն սիրում արտահայտել զայրույթը, այդ պատճառով ձգտում են զսպել այն այնքան ժամանակ, մինչեւ այն թափում են անկարեւոր ինչ-որ բանի վրա: Կույսերի ներքին զայրույթը հաճախ հանգեցնում է մարսողական խնդիրների եւ այլ հիվանդությունների: Նրանք տեսնում են, որ իրենց սխալ են հասկանում, եւ երբ զայրույթը, ամեն դեպքում, արտահայտում են, ապա բոլորին դժվարին ու խճճված դրության մեջ են դնում:

Կշեռք. զայրույթի քողարկում

Կշեռքներն աշխարհում ամենաշատը կոնֆլիկտներն են ատում: Նրանք նախընտրում են ցույց չտալ զայրույթը: Չնայած Կշեռքները ձգտում են զայրույթից վեր կանգնել, ամեն դեպքում, երբեմն չեն կարողանում համբերել եւ դուրս են գալիս ափերից: Եթե նման բան է տեղի ունենում, ապա նրանք վստահ են, որ էմոցիաները ցուցադրելն իրավիճակից միակ ելքն էր: Իսկ Կշեռքները կարողանում են ամեն ինչ արդարացնել:

Կարիճ. էմոցիոնալ քաոսի աղբյուր

Կարիճներին զայրացնելը դյուրին չէ, բայց եթե կարողացել եք դա անել, փախչելու ժամանակն է: Նրանց մոխրացնող հայացքից սարսռում ես, նրանց խոսքերը լի են սարկազմով եւ վատ արտահայտություններով: Նրանք չեն կարողանում ներել եւ մոռանալ:

Աղեղնավոր. հրե գունդ

Աղեղնավորները կրակի տարերքի ներկայացուցիչ են, ինչը բացատրում է ակնթարթորեն նրանց դյուրաբորբոք դառնալը: Զայրույթի պահին Աղեղնավորներն ուշադրություն չեն դարձնում, թե ինչ են ասում, բայց դա չի նշանակում, որ ձեզ կջնջեն սոցցանցերից կամ իրենց իրական կյանքից: Լավագույնը տարբերակը զայրացած Աղեղնավորին մի կողմ տանելն է, քանի որ զայրույթի պահին նրանք այնքան հեռուն են գնում, որ մոռանում են, թե ինչն է նրանց այդքան զայրացրել:

Այծեղջյուր. կործանել եւ ծվեն-ծվեն անել

Այծեղջյուրները սարսափելի են զայրանում, բայց ցույց չեն տալիս էմոցիաները՝ մինչեւ համբերության բաժակը վերջնականապես չի լցվում: Զայրույթի պահին կարող են շուրջն ամեն ինչ կործանել, դաժանորեն քննադատել հակառակորդին: Այծեղջյուրը բացահայտորեն կասի, որ հիասթափեցրել եք իրեն, բայց ոչ մի դեպքում չի խոստովանի, որ իրեն հանել են ափերից:

Ջրհոս. իրականությունից անջատում

Ջրհոսները հաճախ բավական հավասարակշռված են, եւ նրանց ափերից հանելու համար հսկայական ջանքեր են պետք: Ինքնապաշտպանության բնազդը Ջրհոսներին ստիպում է սահմանափակել իրենց վիրավորողի հետ շփումը, մեքենա նստել եւ մի քիչ շրջել, մինչեւ թեթեւանան: Նրանք փորձում են ուշադրություն չդարձնել իրենց զայրույթի առարկային՝ հույս ունենալով, որ կհաջողվի պահպանել ինքնասիրությունը: Բայց եթե չի հաջողվում, Ջրհոսները կորցնում են համբերությունն ու պայթում զայրույթից:

Ձկներ. էմոցիաների ատրակցիոն

Ձկները հազվադեպ են դուրս գալիս ափերից, բայց երբ զայրանում են, սարսափելի են դառնում, չնայած զայրույթը բացառապես իրենց վրա են թափում: Զայրույթի գագաթնակետին նրանք կարող են դաժան լինել, իսկ նրանց վառ երեւակայությունը լի է դրամատիզմով: Եվ երբ զայրույթը հանդարտվում է, Ձկներին ժամանակ է պետք՝ հոգու վերքերը կազդուրելու համար:

 

Աղբյուրը՝ Klubber.ru


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով

TV SHOWS PHOTO VIDEO


@NEWSam_STYLE

  • Արխիվ
Որոնել