Մարդիկ կան՝ վատ բաներ են մեր հետևից ասում, մարդիկ կան՝ ուրախանում են. Հելոուինը` Հայաստանում

VIDEO. Սոս Ջանիբեկյանը, Լուիզա Ներսիսյանը, Դիանա Մալենկոն և Լևոն Հախվերդյանը՝ սիրային քառանկյունու կիզակետում

Ինչպես Նարեին դիմավորեցին «Զվարթնոց» օդանավականում՝ «Մանկական Եվրատեսիլում» հաղթանակից հետո. երգչուհու էմոցիաները

Թեմա կա. ո՞ւմ մասին է Աստղիկ Սաֆարյանը մտածում գիշերվա 2-ին և ո՞ւմ է տեսնում որպես «Երկու աստղի» հաջորդ զույգ

Օսկար Ուայլդի «Սալոմեն»՝ Երևանի դրամատիկական թատրոնի նոր հարթակում

Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

«Չեմ փորձում ցնցել ինչ-որ մեկին»․ Իջինն իր նոր՝ գայթակղիչ ֆոտոշարքի մասին (ֆոտո)

20:31, 7 ապրիլի

Ռուսաստանաբնակ հայտնի երգչուհի Իջինը նոր ֆոտոշարք ունի, որը տրամադրել է NEWS.am STYLE-ին։ Գայթակղիչ հայուհու նոր լուսանկարների հեղինակը Լարա Սահապովան է, որի հետ երգչուհու հանդիպումը բավականին հետաքրքիր է եղել։

Մեզ հետ հարցազրույցում Իջինը խոսել է նոր ֆոտոշարքի, իր գրավչության գաղտնիքի եւ կանացի երջանկության մասին։

«Լուսանկարչուհու հետ շատ պատահական եմ ծանոթացել՝ մետրոյում։ Աշխատանքից ուշանում էի եւ որոշեցի գնացքով գնալ, իսկ նա այնտեղ նստած էր։ Երբ իմ կանգառում իջա, նա իմ հետեւից իջավ եւ կանգնեցրեց, ասաց, որ չէր կարող ինձ բաց թողնել, քանի որ հավանել է իմ արտաքինը եւ ցանկություն հայտնեց ինձ հետ աշխատելու»,-ասում է երգչուհին, որն ինչպես նախորդ ֆոտոշարքերում, այս մեկում եւս ներկայացել է սեքսուալ եւ հմայիչ կերպարով։ Իր գրավչության գաղտնիքն Իջինը մեկնաբանում է հետեւյալ կերպ․

«Կինն առաջնահերթ պետք է ինքնավստահ լինի, ներդաշնակ՝ ինքն իր հետ։ Այն, ինչ դու զգում ես, նաեւ փոխանցում ես մարդկանց։ Այնպես որ, կարծում եմ, կինը, նախ եւ առաջ, ինքը պետք է իրեն գնահատի։ Շատ կարեւոր է, որ ընդունես քեզ, սիրես, իմանաս քո առավելություններն ու թերությունները։ Կատարյալ մարդիկ չեն լինում, այնպես որ՝ պետք է գոհանաս ինքդ քեզնով»։

Անդրադառնալով իր սեքսուալ ֆոտոշարքերին՝ նա նշում է․

«Չեմ փորձում ցնցել ինչ-որ մեկին։ Ես ունեմ իմ կերպարն ու ներկայանում եմ այնպես, ինչպես ինձ է դուր գալիս։ Միշտ պետք է փոփոխվել։ Ես, առհասարակ, շատ եմ սիրում կրեատիվ մոտեցումներ, բայց դա չեմ անում մադկանց ցնցելու համար։ Դեռ չգիտեմ՝ հաջորդիվ ինչ կերպարով կներկայանամ։ Ամեն ինչ կախված է իմ տվյալ պահի էմոցիաներից»։

Իջինին միշտ սովոր ենք տեսնել խնամված եւ ճաշակով շպարով, սակայն պարզվում է՝ լինում են պահեր, երբ երգչուհին եւս զերծ է լինում իր շքեղ կերպարներից․

«Սովորաբար, դիմահարդարում կրում եմ աշխատանքի բերումով։ Միշտ խնամված լինելն իմ աշխատանքն է։ Բայց երբ ֆոտոնկարահանում կամ հարցազրույցներ չեմ ունենում, իհարկե, հրաժարվում եմ ճոխ հարդարումից։ Պարտադիր չէ, որ աղբ թափելուց դիմահարդարված լինեմ։ Ես ինձ վստահ եմ զգում ցանկացած տեսքով՝ եւ դիմահարդարված, եւ առանց շպարի»։

Ո՞րն է Իջինը համարում կնոջ երջանկության գրավականը․

«Չեմ իմանում, թե մյուս կանայք ինչ են պատկերացնում երջանկություն ասելով, բայց ես լավ գիտեմ, թե ինչ է կոնկրետ ինձ պետք երջանիկ լինելու համար։ Իհարկե, բոլորն էլ ցանկանում են լինել սիրված, ցանկալի, գտնել այն մեկին, որը քեզ համար ամեն ինչ կանի, իր ձեռքերի վրա կտանի, կջերմացնի քեզ իր սիրով։ Կարծում եմ՝ կնոջ համար ընտանիքն առաջնային է։ Դա է ինձ համար կանացի երջանկությունը։ Կարող եմ ասել, որ ոչ միայն որպես կին, այլեւ, առհասարակ, ես ինձ երջանիկ մարդ եմ համարում, դրա համար շատ պատճառներ ունեմ։ Կարծում եմ՝ երջանկությունը հենց քեզանից է առկայծում, քո աշխարհայացքից։ Եթե ներսումդ ամեն ինչ ներդաշնակ է, ավելի շատ ընդունում ես դրական լիցքեր, հենց դրանով ես երջանկանում։ Ես հավատում եմ, որ հենց մենք ենք ստեղծում մեր երջանկությունը։ Պետք չէ դրան սպասել, այլապես շատ հիասթափություններ կլինեն։ Խորհուրդ կտամ մի բան՝ ինքներդ ձեր մեջ ստեղծեք ձեր երջանկությունը»։

Իսկ կանանց եւ աղջիկներին մաղթում է․«Կանանց եւ աղջիկներին խորհուրդ կտամ, որ չթողնեն, որ իրենց բարդույթները ղեկավարեն իրենց կյանքը։ Ցանկալի է, որ կարողնանք մեր մինուսները պլյուս սարքել։ Վայելեք ձեր կյանքի ցանկացած վայրկյանը։ Մի ապրեք անցյալով կամ ապագայով, այլ տվյալ պահով»։

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search