• Ի՞նչ է թաքնված «Ճերմակ շապիկի» տակ․ Թելման Խաչատրյանի ու Մերի Քոչարյանի հերոսների պատմությունը՝ մեծ էկրանին․ ֆիլմի պրեմիերան, կարմիր գորգն ու հայտնի հյուրերը (ֆոտո)

  Ի՞նչ պատմություններ են թաքնված ճերմակ շապիկներ կրող մարդկանց ներաշխարհում, հոգում ու հիշողություններում՝ հե՞րքում, կարո՞տ, ցա՞վ…

• Երբ հանգամանքները բացահայտում են մարդկանց. «Գիշատիչների խնջույքը» ֆիլմի պրեմիերան՝ «ՀանդArt»-ում

  Ի՞նչ է մնում մարդուց, երբ ընտրությունը սահմանափակվում է սեփական փրկությամբ...

• Ներսես Ավետիսյանն ամուսնալուծվել է

  Դերասան, երգիչ և հաղորդավար Ներսես Ավետիսյանն ամուսնալուծվել է…

• «ֆուլ Հաուս» ֆիլմը կունենա 2-րդ մաս

  Նախորդ տարի մեծ էկրաններ բարձրացած «ֆուլ Հաուս. վայրէջք» ֆիլմով թիմը չի սահմանափակվի…

• Զվարճալի իրավիճակներ, քաղաքական հումոր ու «Մուշեղի մահը»․ «Ֆուլ Հաուսը» վերադարձավ ներկայացման տեսքով (VIDEO)

  «Ֆուլ Հաուս»-ում կրկին թեժ են ժամանակին մեկ տան մեջ հայտնված ու անբաժան դարձած հերոսների հարաբերությունները...

• Արթուր Խաչենցը հայր է դարձել․ ի՞նչ հետաքրքիր անուն է նա ընտրել դստեր համար

  Երգիչ Արթուր Խաչենցն ու նրա կինը՝ Անժելիկան, օրերս ողջունել են իրենց առաջնեկին...

• «Մի գդալ սեր», Coca-Cola Fest ու հարսանիքներ․ Instagram-ը՝ նախորդ շաբաթ

  Նախորդ շաբաթ Instagram-ից սեր էր ճառագում։ Սիրո մասին նոր ֆիլմի պրեմիերա ու աստղային հարսանիքներ․․․ Սկսենք սկզբից...

• «Գեղեցիկ կադրը դեռ կինո չէ». Հովհաննես Ղազարյանը՝ ռեժիսորի աչքի, դերասանի ազատության և ժամանակի մասին

  Ի՞նչն է տարբերում ռեժիսորին պարզապես լավ նկարահանողից...

«Ողջույն, Հայաստանի հանրապետության հպարտ քաղաքացիներ»՝ հենց այս խոսքերով Հայկ Պետրոսյանը երեկ ողջունեց իր հանդիսատեսին, որոնք Հակոբ Պարոնյանի անվան երաժշտական կոմեդիայի պետական թատրոն էին եկել վայելելու դերասանի նոր ներկայացումը՝ «Ամեն ինչ ԼԱՅՎ ա լինելու կամ  հեղափոխության 55 երանգները»: Թեման, բնականաբար, Հայաստանում տեղի ունեցած հեղափոխությունն էր՝ ցույցերով, հայտնի մեջբերումներով, փշալարերով եւ, իհարկե, հաղթանակով հանդերձ:

Հայկի ներկայացումը դիտելու էին եկել նաեւ ՀՀ Մշակույթի նախարար Լիլիթ Մակունցն ու ԱԺ պատգամավոր Հրաչյա Հակոբյանը: Հայտնի հյուրերի թվում էին Իննա Խոջամիրյանն ու Իվետա Մուկուչյանը: Ի դեպ, վերջինը լրագրողների հետ զրույցում իր տպավորություններով կիսվեց.

«Հայկն իմ տասը տարվա ընկերն է ու մենք այնքան ճանապարհ ենք անցել միասին, դժվարությունների միջով…Միշտ ուրախանում ենք մեկս մյուսի հաջողություններով, ընտանիքներով էլ շատ-շատ մոտ ենք: Սրտացավ եմ մոտենում իր բոլոր ելույթներին: Այսօր շատ ուրախ եմ, որովհետեւ ինքը լիովին իրեն հարմարավետ էր զգում: Ես շատ հպարտ եմ, որովհետեւ ներկայացումը հիասքանչ էր, ոչ մի թերություն չտեսա»,-նշեց երգչուհին:

Հայկ Պետրոսյանն էլ իր հերթին խոստովանեց, որ նմանատիպ ներկայացումն իր համար իսկական մարտահրավեր էր.

«Սա ինձ համար մի challenge էր, քանի որ ես միշտ ելույթ եմ ունեցել բենդով: Ճիշտ է՝ նրանք նվագում են, ոչ թե խաղում, բայց երբ հետդ 5 հոգի կան բեմում, մտածում ես՝ մի բան լինի, տղաները կնվագեն, մինչեւ ես ելույթ ունենամ… բայց լավ էր, ստացվեց»,-նշեց նա՝ հավելելով.

«15 օր առաջ եմ սկսել գրել սցենարը՝ այդպես հեղափոխական ալիքի տակ: Մի քանի ընկեր ունեմ, որոնք ինձ օգնեցին, նրանց առանձնահատուկ ուզում եմ շնորհակալություն հայտնել»:

Ի սկզբանե որոշված էր, որ ներկայացումը պետք է բեմադրվեր միայն մեկ անգամ, սակայն ի ուրախություն Հայկի երկրպագուների՝ եւս մեկ ներկայացում կբեմադրվի հուլիսի 8-ին.

«Երկու շաբաթ առաջ տոմսերն ամբողջությամբ սպառվեցին: Խայտառակ եղա, մայրիկս 12 հատ հրավիրատոմս էր խնդրել, բայց 7-ը կարողացա տալ (ծիծաղում է): Այդպիսով՝  մտածեցինք՝ երեւի շատ են մարդիկ, որոնք ցանկանում են դիտել ներկայացումը: Դե սա մեր մասին է: Ամեն մեկս մեզ ենք տեսնում դրա մեջ: Այնպես որ՝ հուլիսի 8-ին եւս մեկ ներկայացում կխաղանք, եթե ստացվի, անպայման ընթացքում կգնանք նաեւ Գյումրի եւ Վանաձոր, ինչպես եղավ հեղափոխության ժամանակ»:

Շատերը նկատեցին, որ դերասանը այս ներկայացման մեջ, հատկապես, նման էր հայրիկին՝ Վարդան Պետրոսյանին: Հայկն էլ խոստովանեց, որ երբեմն հոր հետ նմանությունները շատ ակնհայտ են, բայց նաեւ հավելեց.

«Տարօրինակն այն է, որ այս ներկայացման սցենարը չէի ուղարկել հայրիկիս: Աշխատել եմ հայրիկիս մտերիմ ընկերուհու՝ Մարգարիտայի եւ Նարինե Մալյանի հետ: Բայց մարդիկ երեւի ավելի շատ նմանություն կտեսնեն այստեղ հայրիկիս հետ, քանի որ սա քաղաքական ներկայացում է, իսկ քաղաքական տեքստն ունի ասելու մաներա, դրա համար համաձայն եմ, որ այս ներկայացման մեջ ավելի նման էի հայրիկիս»,-նշեց նա՝ ավելացնելով, որ հնարավորության դեպքում մեծ սիրով կցանկանար ներկայացումը խաղալ նաեւ արտերկրում բնակվող հայ հանդիսատսի առջեւ:

Հայկ Պետրոսյանի ներկայացման մանրամասներին հետեւեք NEWS.am STYLE-ի ֆոտոռեպորտաժի միջոցով: Նաեւ առաջարկում ենք դիտել փոքրիկ տեսանյութ ներկայացումից:)

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում