Դերասան Քեւին Սփեյսին, ով «Քարտե տնակ» սերիալում մարմնավորել է Ֆրենկ Անդերվուդի կերպարը եւ մի քանի անչափահասների կողմից մեղադրվել անպատշաճ վերաբերմունքի մեջ, դիմել է իր երկրպագուներին։
Let me be frank անունը ստացված տեսահոլովակում (անունն ընտրելիս բառախաղ է օգտագործվել. Ֆրենկը հերոսի անունն է, ում մարմնավորում էր Քեւինը, իսկ արտահայտությունը բառացիորեն թարգմանվում է հետեւյալ կերպ՝ թույլ տվեք անկեղծ լինել) դերասանը խոսում է իր կերպարի անունից եւ ակնարկում իր վերադարձի մասին. «Ով էլ ինչ ասի, ամեն բան ավարտված չէ։ Չէ որ ես գիտեմ՝ ինչ եք դուք իրականում ուզում։ Դուք ցանկանում դեք, որ ես վերադառնամ»։
«Անկախ այս բարբաջանքից, թշնամանքից, վերնագիրներից, իմպիչմենտից առանց դատավարության։ Անկախ որեւէ բանից, նույնիսկ սեփական մահվանից, ես ինձ զարմանալիորեն լավ եմ զգում։ Իմ համոզմունքը, որ դուք շուտով կիմանաք ամբողջ ճշմարտությունը, ամրապնդվում է օր օրի։ Սպասեք… ես սկսեցի մտածել։ Չէ որ դուք երբեք չեք տեսել՝ ինչպես եմ ես մահացել։ Հետեւությունները կարող են այնքան խաբուսիկ լինել։ Կարոտո՞ւմ էիք»,- ասել է Սփեյսին։
Քանի որ «Քարտե տնակն» արդեն իսկ ավարտվել է, ամենայն հավանականությամբ խոսքը Սփեյսիի կարիերայի մասին է, որը սեքս սկանդալի ֆոնին գրեթե ոչնչացել էր։ Նրա խոսքերը կարելի է մեկնաբանել որպես ուղիղ ակնարկ ոտնձգությունների մասին, հատկապես այն հատվածները, որոնցում դերասանը ասում է, որ պատասխան չի տալու նրա համար, ինչ չի արել։
Տեսանյութը համացանցում հայտնվել է այն բանից հետո, երբ հայտնի դարձավ, որ Սփեյսի վերաբերյալ գործ է քննվում անպատշաճ վարքագիծ դրսեւորելու եւ ծեծի վերաբերյա;լ։ Խոսքը 2016թ. միջադեպի մասին է. լրագրող Հիզեր Անրուն պնդում է, որ դերասանը ոտնձգություն է թույլ տվել իր 18-ամյա որդու նկատմամբ՝ ռեստորանում նրան կոկտեյլներ խմեցնելով։ Հունվարի 7-ին նրան պաշտոնապես մեղադրանք կառաջադրվի։
Հիշեցնենք՝ Քեւին Սփեյսիի շուրջ սկանդալը սկսվել է 2017թ.-ին։ Սեռական ոտնձգության մեջ նրան առաջինը մեղադրել է դերասան Էնթոնի Ռեփը, ում խոսքով՝ Սփեյսին գործողությունները կատարել է, երբ ինքը 14 տարեկան էր։ Հետագայում ոտնձգությունների մասին բարձրաձայնել են նաեւ «Քարտե տնակը» ֆիլմի մի քանի կոլեգաներ։ Ընդհանուր առմամբ նրան անպատշաճ վերաբերմունքի մեջ մեղադրել է 30 մարդ։ Սկանդալի ֆոնին Netflix ընկերությունը չեղարկել էր պայմանագիրը։ Նրա մարմնավորած կերպարին մտադրված սպանեցին, եւ վերջին եթերաշրջանը թողարկվեց առանց նրա։
Հետևեք NEWS.am STYLE-ին Facebook-ում, Twitter-ում և Instagram-ում
15:11, 8 մայիսի
Քլոե Քարդաշյանը պատմել է այն խնդիրների մասին, որոնց բախվել է որդու՝ Թաթումի ծնվելուց հետո15:00, 8 մայիսի
«Եվրատեսիլ 2009»-ի հաղթող Ալեքսանդր Ռիբակը Հայաստանի երգը նշել է, որպես իր ֆավորիտ` իր երաժշտական աջակցությունը հայտնելով «Լադանիվա»-ին14:18, 8 մայիսի
Աննա Վինտուրն արգելել է այս երեք մթերքը մատուցել Met Gala-ին14:00, 8 մայիսի
Հայկական էպոսի հերոսը՝ էլ ավելի գունեղ ու ժամանակակից լուծումներով. կայացավ «Սասունցի Դավիթ» կոմիքսի շնորհանդեսը (ֆոտո)13:21, 8 մայիսի
Ինչպես մայիսի 9-ին քվեարկել «Լադանիվա» խմբի օգտին13:17, 8 մայիսի
«Ուենսդեյ» սերիալի երկրորդ եթերաշրջանի նկարահանումները սկսվել են12:34, 8 մայիսի
Ջեսիկա Բիլը Met Gala-ից առաջ 9 կգ աղով լոգանք է ընդունել11:23, 8 մայիսի
Քիմ Քարդաշյանը բացահայտել է Met Gala-ում իր սենսացիոն տեսքի գաղտնիքները10:46, 8 մայիսի
Շակիրան Met Gala-ի after-pary-ին ներկայացել էր ատլասե սպիտակ զգեստով10:17, 8 մայիսի
Meta Gala 2024-ի after-party-ն. «մերկ» հանդերձանքներ եւ վայրի պարեր09:00, 8 մայիսի
ՄԱՅԻՍԻ 8-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ01:29, 8 մայիսի
Հայտնի են «Եվրատեսիլ 2024»-ի առաջին կիսաեզափակիչը հաղթահարած 10 երկրները