• Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)

  Լիլիթ Հովհաննիսյանն Instagram-ում նոր լուսանկարներ է տեղադրել, որոնցում կեցվածք է ընդունել փայլուն կանաչ զգեստով...

• «Սրտի վալետ». նոր հումորային սիթքոմի մանրամասները. BACKSTAGE

  Ապրիլի 29-ին Արմենիա TV-ի եթերում կհեռարձակվի «Սրտի վալետ» նոր հումորային սիթքոմը...

• Եվա Բաղդասարյանն ու ամուսինը, 2 տարվա համատեղ կյանքից հետո, օրինականացրել են հարաբերությունները

  Դերասանուհի Եվա Բաղդասարյանն ու ամուսինը, պսակադրությունից 2 տարի անց, օրինականացրել են հարաբերությունները...

• «Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան

  Բրիտանահայ երաժիշտ, կատակերգու Գեւ Օրկյանը Հայոց ցեղասպանության 109-րդ տարելիցի կապակցությամբ ինստագրամյան իր էջում գրել է․․․

• Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին

  Դերասան, կատակերգու եւ գրող Վահե Բերբերյանը Instagram-ում հրապարակել է Հայոց ցեղասպանության զոհ դարձած իր պապի արխիվային լուսանկարը՝ նշելով, որ դա միակ հիշողությունն է, որ ունի նրանից...

• «Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն

  Ամերիկահայ դերասանուհի, պրոդյուսեր Դիանա Մեդիսոնը Հայոց ցեղասպանության 109-րդ տարելիցի կապակցությամբ տեսանյութ է հրապարակել ինստագրամյան իր էջում...

• «Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ

  Ամերիկահայ անվանի երաժիշտ, System of a Down-ի անդամ Սերժ Թանկյանը ոգեկոչել է 1915 թ-ի Հայոց ցեղասպանության զոհերի հիշատակը...

• «Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան

  Հայոց պատմության ուսուցիչս նույնիսկ մեր ավարտական երեկոյի ժամանակ ասաց . «Թուրքին բարեկամ չկարծեք. նրանք սեղան կնստեն ձեզ հետ , բայց կչարախոսեն, ձեռքը Ղուրանին դրած կերդվեն ու կխաբեն…

Մարտի 9-ին Կարեն Դեմիրճյանի անվան մարզահամերգային համալիրի մեծ համերգասրահում կկայանա Լիլիթ Հովհաննիսյանի երեւանյան առաջին մենահամերգը, որը կրում է Dream World Tour անվանումը։ Բացի Երեւանից՝ երգչուհին համերգային շրջագայությամբ հանդես կգա ԱՄՆ-ի եւ Եվրոպայի մի շարք քաղաքներում։

NEWS.am STYLE-ը խոստանում է իր ընթերցողներին ներկայացնել մարտի 9-ին կայանալիք երեւանյան մենահամերգի ամենահետաքրքիր դրվագները, իսկ մինչ այդ՝ զրուցել ենք Լիլիթ Հովհաննիսյան ըներության ներկայացուցիչ Սյուզաննա Խանզադյանի հետ՝ պարզելու առաջիկա համերգի բոլոր մանրամասները․

Մինչ օրս քննարկվում է Լիլիթի` ԱՄՆ-ում տեղի ունեցած մենահամերգը: Ի՞նչ թիմի հետ եք աշխատել այն ժամանակ եւ արդյոք նույն թիմի հե՞տ եք աշխատելու հիմա:

Լիլիթը չունի մշտական թիմ, որի հետ մշտապես համագործակցում է: Ամեն նախագծի համար նա ընտրում է այդ նախագծին համապատասխան պրոֆեսիոնալների, որոնց հետ իրականացնում է այդ աշխատանքները: Հետեւաբար՝ Միացյալ Նահանգների համերգը մեկ այլ կազմ էր սպասարկում, այս համերգը՝ բոլորովին այլ: Այս անգամ Լիլիթն ընտրել է լավագույն հնչյունային, ձայնային եւ բեմի մասնագետներին:

Այսքան տարիների գործունեության ընթացքում Լիլիթն արժանացել է բազմաթիվ հեղինակավոր մրցանակների` վայելելով երկրպագուների սերը, սակայն միայն այս տարի որոշեց Երեւանում հանդես գալ մենահամերգով: Ինչո՞ւ այդքան ձգվեց մենահամերգի պահը:

Միջազգային չափանիշներին համապատասխան համերգ իրականացնելու համար շատ մեծ հնարավորություններ են անհրաժեշտ, ինչը չկար տարիներ առաջ: Փառք Աստծո, այսօր արդեն հնարավորություն կա իրականացնել միջազգային ստանդարտներին համապատասխան համերգ՝ Լիլիթ Հովհաննիսյանի միջոցներով, առանց որեւէ այլ կազմակերպության կամ անհատի ֆինանսական միջամտության: Եվ ահա, աշխատում ենք այդ ուղղությամբ:

Բացի այդ, պետք է ասեմ, որ Լիլիթ Հովհաննիսյանի երկրպագուներն այնքան շատ նամակներ էին ուղղում մեզ՝ պահանջելով կազմակերպել Երևանում արտիստի մենահամերգը: Այս առումով այլեւս հնարավոր չէր ուշացնել համերգը: Մարտի 9-ի համերգը թեեւ փոքր-ինչ ուշացած, այնուամենայնիվ, շատ սպասված իրադարձություն է բոլորի՝ թե՛ Լիլիթ Հովհաննիսյանի, թե՛ նրա երկրպագուների համար:

Այս մենահամերգով սկիզբ է տրվելու Լիլիթի համաշխարհային շրջագայությանը: Ո՞ր երկրներում եք պատրաստվում ելույթներ ունենալ: Որո՞նք են ցուցակում առջինները:

Dream World Tour-ի առաջին համերգը տեղի կունենա մարտի 9-ին, ժամը 19:00 Կարեն Դեմիրճյանի անվան մարզահամերգային համալիրի մեծ դահլիճում:

Լիլիթ Հովհաննիսյանի Dream World Tour-ի շրջանակում համերգներ են նախատեսված Ամերիկայի Միացյալ Նահանգների, Միացյալ Թագավորության, Իսպանիայի, Գերմանիայի, Ֆրանսիայի, Բրազիլիայի, Արգենտինայի, Կանադայի, Ուրուգվայի, Բելգիայի, Նիդեռլանդների, Շվեյցարիայի, Շվեդիայի, Դանիայի, Իսրայելի, Լատվիայի, Բուլղարիայի, Հունաստանի, Լեհաստանի, Բելառուսի, Ղազախստանի եւ այլ երկրների քաղաքներում:

Լիլիթի յուրաքանչյուր ելույթ առանձնահատուկ է ոչ միայն ընտրված շոուով, այլեւ հագուստով, դիմահարդարմամբ եւ կերպարով, որոնցով հաճախ հենց ինքն է զբաղվում: Այս համերգի շրջանակում ո՞ւմ զգեստներն է կրելու Լիլիթ Հովհաննիսյանը:

Դե, իհարկե, Լիլիթն, ինչպես միշտ, ներկայացնելու է իր հեղինակած զգեստները: Տարիներ շարունակ համերգների, տեսահոլովակների և մնացած բոլոր նախագծերի ժամանակ հենց Լիլիթն է զբաղվում եւ՛ իր, եւ՛ իր պարողների, եւ՛ այլ գործող անձանց լուքերով և հագուստների դիզայնով՝ սկզբից մինչև վերջ: Լիլիթը ոչ միայն այդ բոլոր զգեստների դիզայներն է, այլև հենց նրա ձեռքերն են մասնակցում այդ զգեստների ստեղծման ամբողջ գործընթացին: Այլ ոճաբանների, դիզայներների հետ Լիլիթը չի համագործակցում:

Ի՞նչ զգացողություններ ունի Լիլիթ Հովհաննիսյանը մենահամերգից առաջ: Հուզմունքը մե՞ծ է:                                                                                                                             

Լիլիթը շատ հուզված եւ ոգևորված է: Սա երգչուհու կարիերայի՝ մինչեւ այս եղած իրադարձություններից ամենահավակնոտն ու բաղձալին է: Եվ արտիստը ջանք չի խնայել՝ հավուր պատշաճի պատրաստվելու համար:

Հետեւելով, թե որքան երկրներում է այս ընթացքում ելույթներ ունենալու Լիլիթ Հովհաննիսյանը` տպավորություն է, թե հանգստյան ժամանակ չի ունենալու առաջիկայում: Որտեղի՞ց է ստանում այդքան ոգեշնչում եւ էներգիա:

Լիլիթի ոգեշնչման աղբյուրն իր երկրպագուներն են, նրանք ամեն օր ոգեշնչում են նրան ձեռնարկելու ինչ-որ նոր, ինքնատիպ ու հետաքրքիր նախաձեռնություն: Լիլիթը շատ ուրախ է, որ ունի նման հավատարիմ երկրպագուների բանակ:

Քանի որ շրջագայությունը կոչվում է «Երազ», ենթադրում եմ, որ սա Լիլիթի երազանքն է, որն իրականություն է դարձրել: Հաջորդիվ ո՞ր երազանքն է նա իրականացնելու:

Լիլիթի առաջիկա նպատակներն ու երազանքները բազմաթիվ են եւ հերթով իրականություն են դառնալու:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում