Սեւ կատակերգություն՝ ապրելու կարեւորության մասին. «Սեւազգեստ կանայք» ֆիլմի փակ դիտումը` Երեւանում

Կարմիր գորգ. հայտնիների look-երը` «Սեւազգեստ կանայք» ֆիլմի պրեմիերային

ՇոկTok. «Հորս կարիքն այլեւս չեմ զգում». տիկտոկեր Նանո

Ֆոտովլոգ Արսեն Սարգսյանի հետ. խելահեղ Նյու Յորք

ՇոկTok. «Շատերն են թիկունքիցս հարվածել». տիկտոկեր Մանե (man_go)

BACKSTAGE. Ինչպես են ընթանում «Բոլոլա» սիթքոմի նկարահանումները

ՇոկTok. «Երբեք չեմ ցանկանա տղա լինել». տիկտոկեր Արմինե (@poso)

«Stylish Faces». Հայաստանում ԵՄ պատվիրակության ղեկավար, դեսպան Անդրեա Վիկտորին

Հայտնիների կենդանիները. Դայանա Դավթյանի շնիկը՝ Վիննին, եւ ինչ է պահել «Միսս Տիեզերք Արմենիա 2019» ճանաչված գեղեցկուհին նրանից առաջ

ՇոկTok. «Համբույրի տեսարանի պատճառով հրաժարվել եմ նոր նախագծում նկարահանվել». Լիլիա Վարդանյան

Հայտնիների կենդանիները․ Սյուզաննա Մելքոնյանի կատվիկը, որին երգչուհին տվել է իր սիրելի արտիստի անունը

ՇոկTok. Իրինա Այվազյանը` կարոտի եւ որոշ ժամանակ սոցցանցերից ջնջվելու մասին

Yerevan Fashion Week-ի առաջին օրվա մանրամասները՝ NEWS.am STYLE-ի ռեպորտաժում

«Stylish faces». օծանելիքի փորձագետ Բոգդան Զիրյանովը՝ Հայաստանի բույրերի մասին

ՇոկTok. «Հորս սպանել են, երբ 15 տարեկան էի». տիկտոկեր Աշոտ (@ashayvi)

ՇոկTok. Տիկտոկեր Լոլան` առողջական խնդրի,«Հումորի լիգա»-ում կատարված սկանդալի ու հոր  բացակայության մասին

HAUSER-ը ժամանել է Երեւան․ երաժշտի տրամադրությունը՝ «Զվարթնոց» օդանավակայանում

Նիգերիացի բլոգեր Shady Shae-ն փորձում է գուշակել հայերեն բառեր

ПараПсихология. այն մասին, թե ինչպես պետք է ճիշտ վիճել, եւ ոչ միայն

12:12, 16 մարտի

Ցանկացած հարաբերության սկզբում բոլորին միշտ թվում է, թե երկար ու երջանիկ են ապրելու եւ մեռնելու են միասին, նույն օրը... Դե... դա այդքան էլ այդպես չէ։ Սկիզբը միշտ էլ ամենադժվարն է եղել, իսկ ռոմանտիկ պատրանքները, որոնք ուղեկցել են ձեր համատեղ կենցաղի սկզբին, վտանգավոր ստորջրյա խութեր են, որոնք կարող են խորտակել ձեր երջանկության նավը։

Քեզ համար մի քանի ամենավտանգավոր պատրանքներն եմ հավաքել, որոնք կարող են խորտակել ձեր հարաբերությունները. չեմ ուզում, որ ամեն բան այդպես տափակ ավարտվի։ Ավելի լավ է ձեզ բաժանի քո բոդի-ֆիթնեսի կին մարզիչը։

Մենք երբեք չենք վիճի 

Եվ իրոք, ասացեք, խնդրեմ, ինչպե՞ս կարելի է վիճել այս կապուտաչյա ու առվակի պես կարկաչող, քնքուշ հրեշտակի հետ։ Եթե անգամ ընտրածդ կինն այսպես է մտածում քո մասին, հավատա՛, երկար ժամանակի համար չէ։ Բավական է գոնե մեկ անգամ գուլպաներդ լվաս նրա միկրոտարրեր պարունակող եւ Պապուա Նոր Գվիենայից դուրս գրված շամպունով, ու նրա աչքերը կարյունակալեն։ Դե, դու ինքդ էլ չես հիանա ընկերներիդ ներկայությամբ ծանրաձողիդ չափսերին անդրադառնալու նրա սովորությունից։

Մի խոսքով՝ վատ նորությունն այն է, որ վեճերից չես փախչի։ Լավ նորությունը՝ վեճերն օգտակար են ձեր հարաբերություններին։ Իրականում, վեճերի լիակատար բացակայությունը շուտով բաժանվելու առաջին հայտանշանն է։ Չէ՞ որ եթե պարզելու բան չկա, ուրեմն՝ միմյանց հանդեպ անտարբեր եք։ Այնպես որ՝ վիճեք, բայց խելացի. այդկերպ դուք միմյանց մասին նոր տեղեկություն եք ստանում։

Վիճել չգիտե՞ս։ Կսովորեցնեմ։ Վեճի ժամանակ օգտագործիր «ես-հաղորդագրություններ»։ «Դու» դերանվան փոխարեն «ես» դերանունն օգտագործելով՝ դու նրան տեղեկացնում ես քո հույզերի մասին։ Օրինակ՝ աչքերդ պտտեցնելով վայրի գոռոցի փոխարեն՝ «Դու քնել ես իմ սիրելի ավտոփականագործի հետ, ապուշ, քարշ եկող հավի մեկը», ասա՝ «Ես ինձ միայնակ ու դավաճանված եմ զգում, երբ ինձ դավաճանում են ավտոփականագործի հետ»։ Այդ «ես-հաղորդագրությունները» կօգնեն քեզ աղջկան հասցնել ապրումներիդ էությունը։ Եվ հակառակը, վիրավորանքը ճնշելն ու դրա մասին չխոսելը կհանգեցնեն թերըմբռնման խորացմանը՝ հետագա բաժանմամբ։

Մենք միմյանցից գաղտնիքներ չենք ունենա

Դու ցանկանում ես նրան ամեն ինչի մասին հայտնել՝ այն դեպքից սկսած, երբ սուպերմարքեթում օտար երեխայից խլեցիր պաղպաղակը եւ կերար, մինչեւ այն, թե ինչպես պատահաբար կացնահարեցիր քեզ բացահայտած պահնորդին: Մի՛ շտապիր: Որոշ տեղեկություններ ավելի լավ է քո մեջ պահես, հատկապես նախկին հարաբերություններին վերաբերող: Ոմանք պատմում են իրենց նախկին ընկերուհիների մասին, որպեսզի գրգռեն ներկա ընկերուհուն: Բավականին կասկածելի որոշում է. նման անկեղծության արձագանքը տատանվում է քողարկված վիրավորանքից մինչեւ անհապաղ վեճը: Բայց գլխավորն այն է, որ դա ջնջում է զուգընկերոջ հովվերգական կերպարը, այնպես որ՝ ավելի լավ է նրան զերծ պահես սեփական անցյալից: Իսկ եթե աղջիկը պնդում է թիվ ասել, հայացքդ փախցրու եւ համարձակ պատասխանիր. «Տաս»: Հետազոտողները մինչեւ այս ունիվերսալ թիվը հաշվելը հարցումներ են անցկացրել www.SeekingArrangement.com ծանոթությունների կայքի հազարավոր օգտատերերի շրջանում, նման թվով քեզ չես վտանգում անհաջողակ կամ կնամոլ երեւալ:

Մենք անբաժան կլինենք

Նույնիսկ ամենասիրելի մարդիկ երբեւէ ձանձրացնում են (երբ երեխա ունենաս, կհասկանաս՝ ինչի մասին եմ ասում): Այնպես որ՝ ամենեւին դատապարտելի չէ, որ դուք երբեմն-երբեմն միմյանցից հանգստանաք: Ասենք՝ առանձին-առանձին անցկացնեք արձակուրդը: Եվ պետք չէ դավաճանելու մասին մտահոգվել: Եթե նա տրամադրվել է քեզ դավաճանելուն, ապա դա կանի նաեւ շենքին կից փողոցում, հեռավորությունը սկզբունքային նշանակություն չունի:

Մենք ընկերների հետ միասին կհանդիպենք

Ընկերները նրա համար են, որ քեզ շեղեն ընտանեկան առօրյայից եւ կենցաղից: Չէ՞ որ հաճելի է հանդիպել ընկերոջ հետ սթրիփ-ակումբում կաթով թեյի գավաթի շուրջ եւ գանգատվել, որ ընկերուհիդ քո ծխած յուրաքանչյուր ծխախոտից հետո օդի թարմացուցիչ է ցողում: Դա ինչպե՞ս կանես, եթե նա կողքիդ լինի՝ թարմացուցիչի բալոնը ձեռքին: Նրան թող տանը: Ինքդ էլ տանը մնա, երբ նա գնա ընկերուհիներին հանդիպելու: Չէ՞ որ նա էլ պետք է տրտմությամբ պատմի, թե ինչպես ես մանր ծովաձկները շոգեխաշում բեշամելի սոուսի մեջ: Մի խոսքով՝ անձնական շփումներն արժանի են հարգանքի:

Ցանկը կարելի է շարունակել: Եվ մենք հենց այդպես էլ կանենք: Բայց հիմա տեղեկություններն, այսպես ասած, մարսեք... Եթե դեռեւս միտքը չեք փոխել սրտի թագուհուն միանալու, ապա ձեզ եւս 4 կետի փորձություն է սպասում:

Barmaglot

Լուսանկարներ՝ Культурология, Пикабу, AdMe


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով

TV SHOWS PHOTO VIDEO


@NEWSam_STYLE

  • Արխիվ
Որոնել
  • Հարցում
Քվեարկել են (9)  |  Այլ հարցում